SEBA Class 10 Social Science Solution In Bodo| Chapter-5| भारत आरो सा-सानजा ओनसोलनि हारिमुवारि गोदोमिन

SEBA Class 10 Social Science Solution In Bodo| Chapter-5| भारत आरो सा-सानजा ओनसोलनि हारिमुवारि गोदोमिन, सूची में प्रत्येक अध्याय का उत्तर प्रदान किया गया है ताकि आप आसानी से विभिन्न अध्याय एनसीईआरटी समाधान कक्षा 10 सामाज बिगियान Bodo Medium में खुल सकें और एक की आवश्यकता का चयन कर सकें। इसके अलावा आप एनसीईआरटी (CBSE) पुस्तक दिशानिर्देशों के अनुसार विशेषज्ञ शिक्षकों द्वारा इस खंड में NCERT पुस्तक ऑनलाइन पढ़ सकते हैं। ये समाधान NCERT Bodo (MIL) समाधान का हिस्सा हैं। यहां हमने कक्षा 10 NCERT सामाज बिगियान पाठ्य पुस्तक समाधान सामाज बिगियान के SEBA Class 10 Social Science Solution In Bodo| Chapter-5| भारत आरो सा-सानजा ओनसोलनि हारिमुवारि गोदोमिन लिए दिए हैं आप यहां इनका अभ्यास कर सकते हैं।

SEBA Class 10 Solutions

SEBA CLASS 10 (Ass. MEDIUM)

SEBA CLASS 10 (Bangla MEDIUM)

SEBA CLASS 10 (English MEDIUM)

SEBA Class 10 Social Science Solution In Bodo| Chapter-5| भारत आरो सा-सानजा ओनसोलनि हारिमुवारि गोदोमिन

SEBA Class 10 Social Science Solution In Bodo| Chapter-5| भारत आरो सा-सानजा ओनसोलनि हारिमुवारि गोदोमिन ये उत्तर संबंधित विषयों के अनुभवी प्रोफेसरों द्वारा सावधानीपूर्वक तैयार किए जाते हैं। उनका उद्देश्य छात्रों को विषय की उचित समझ में मदद करना और उनके कौशल और अभिव्यक्ति की कला में सुधार करना है। यदि ये उत्तर उन उद्देश्यों को पूरा करते हैं जिनके साथ वे तैयार किए गए हैं, तो हम अपने प्रयास को पर्याप्त रूप से पुरस्कृत मानेंगे। इन उत्तरों में और सुधार के लिए किसी भी सुझाव का हमेशा स्वागत है।

बाथि खोन्दो

बांसायख’ सोंथिनि फिननाय

गेबें फिननायखौ सायख’ ना दिहुनः

सों 1. गोबां पण्डितफोरनि बादिब्ला सिन्धु सोदोमस्रिनि गाहाइ दागिरिया जाबाय–

(a) आर्यफोर।

(b) द्राबिड़फोर।

(c) अष्ट्रिकफोर।

(d) मंगलीयफोर।

फिन : (b) द्राबिड़फोर।

सों 2. भारतारि संबिजिराव सोरखारि राव महरै गनायजानाय रावा गासै–

(a) मोन 27.

(b) मोन 21.

(c) मोन 22.

(d) मोन 14.

फिन : (c) मोन 22.

सों 3. खुननिफ्राय खुन्दुं लुनानै जि दानाय आदबखौ खालामजेन्दोंमोन–

(a) अष्ट्रिकफोर। 

(b) द्राबिड़फोर।

(c) आर्यफोर।

(d) मंगलीयफोर।

फिन : (a) अष्ट्रिकफोर।

सों 4. गिरनाराव थानाय 12 नं गाहाइ अन्थाइ लिरथाय जाबाय–

(a) सम्राट आश’क।

(b ) गौतम बौद्ध।

(c) समुद्र गुप्त।

(d) गोजौनि मोनसेबो नङा।

फिन : (a) सम्राट अश’क।

सों 5. भारत सम्भेद (Discovery of India) बिजाबखौ लिरदोंमोन– 

(a) महात्मा गान्धी।

(b) जवाहरलाल नेहरु।

(c) आबुल कालाम आजाद।

(d) सुभास चन्द्र बसु।

फिन : (b) जवाहरलाल नेहरु। 

सों 6. मुलुगनां य’ग साना जाबाय–

(a) 15 जुन।

(b) 15 मे।

(c) 15 जुलाइ।

(d) 15 मार्स।

फिन : (a) 15 जुन।

सों 7. सोरखारजों गनायजानाय धुपदी (शास्त्रीय) मोसानायनि रोखोमा– 

(a) मोन बा।

(b) मोन दाइन।

(c) मोन ब्रै।

(d) मोन स्नि।

फिन : (b) मोन दाइन।

सों 8. सा-सानजा ओनसोल सोदोबखौ बाहायजेनदोंमोन–

(a) फरासि खुंथाइगिरिफोरा। 

(b) ब्रिटिस खुंथाइगिरिफोरा।

(c) म’गल खुंथाइगिरिफोरा।

(d) आह ‘म खुंथाइगिरिफोरा।

फिन : (b) ब्रिटिस खुंथाइगिरिफोरा। 

सों 9. ‘हर्णबिल’ रंजाथाइ फोरबोआ जाबाय–

(a) कार्बि हारिनि। 

(b) तिवा हारिनि।

(c) खासि हारिनि।

(d) नागा हारिनि।

फिन : (d) नागा हारिनि।

सों 10. गेजेर आसामनि देरसिन मनिसिया जाबाय–

(a) माधबदेब

(b) भट्टदेब।

(c) शंकरदेब।

(d) हरिहर बिप्र।

फिन : (c) शंकरदेव।

सों 11. ‘स्निथि खोन्दो रामायणखौ’ असमिया रावाव रावसोलायदोंमोन–

(a) माधब कन्दलि।

(b) शंकरदेब।

(c) हेमस्वरस्वटी।

(d) सुकुमार बरकाइथ।

फिन : (a) माधव कन्दलि।

सों 12. ‘नामघ ‘षा ‘खौ रनसायदोंमोन–

(a) शंकरदेब।

(b) माधबदेब।

(c) भट्टदेब।

(d) माधब कन्दलि।

फिन : (b) माधबदेब।

सों 13. आसामनि गिबि रादाब लाइसि ‘अरुण ‘दय ‘आ फोसावजादोंमोन–

(a) 1846 मायथाइ।

(b) 1826 मायथाइ।

(c) 1857 मायथाइ।

(d) 1861 मायथाइ।

फिन : (a) 1846 मायथाइ।

सों 14. आसामाव जारिमिन थुनलाइ रनसायजादोंमोन–

(a) बर्मन फोलेरनि रायजो खुंनाय समाव। 

(b) सालस्तम्भ फोलेरनि समाव।

(c) आह ‘मफोर खुंनाय समाव।

(d) गोजौनि मोनसेबो नङा।

फिन : (c) आह’मफोर खुंनाय समाव। 

सों 15 ‘जिकिर आरो जारि’ रोखोमसे धोरोमारि मेथाइखौ लिरदोंमोन–

(a) साह मिलान। 

(b) आकबर।

(c) शिबसिंह।

(d) साहजाहान।

फिन : (a) साह मिलान।

सों 16. ‘हस्तिबिद्यार्णब’ बिजाबखौ रनसायदोंमोन–

(a) भट्टदेब।

(b) शंकरदेब।

(c) माधब कन्दलि।

(d) सुकुमार बरकाइथ।

फिन : (d) सुकुमार बरकाइथ।

सों 17. आह’म राजाफोरा लुफुंनाय रंघर, कारेंघर आरो तलातल घरनि थाथिलिया जाबाय–

(a) डिब्रुगड़ जिला।

(b) शिबसागर जिला।

(c) ग’लाघाट जिला। 

(d) तिनिचुकीया जिला।

फिन : (b) शिबसागर जिला।

सों 18. ख्रिः नैथि जौथायाव ‘य’गसुत्र’ मुंनि बिजाबखौ रनसायदोंमोन–

(a) महर्षि पतन्जलि।

(b) हरिहर विप्र।

(c) सुकुमार बरकाइथ।

(d) आर्यभट्ट।

फिन : (a) महर्षि पतन्जलि। 

सों 19. आसामनि गोदोनि मुङा जाबाय–

(a) नीलाचल।

(b) प्रागज्य ‘तिषपुर।

(c) आसाम।

(d) कमतापुर।

फिन : (b) प्रागज्य ‘तिषपुर।

सों 20. शंकरदेबनि गिबि थुनफावथाया जाबाय–

(a) चिह्न यात्रा।

(b) रुक्मिणी हरण।

(c) पारिजात हरण।

(d) राम बिजय।

फिन : (a) चिह्न यात्रा।

उनसोलोंथि

सुंथाबथार फिननायनि सोलुः

सों 1. सिन्धु सोदोमस्रिनि सानजा सिमा गंगा हायेना बबेसिम गोसारनायमोन? 

फिन : सिन्धु सोदोमस्रिनि सानजा सिमा गंगा हायेना मीराटसिम गोसारनायमोन।

सों 2. सिन्धु सोदोमस्रियाव नोगोरारि हारिमुनि गोसारनाया माब्ला जादोंमोन?

फिन : सिन्धु सोदोमस्रियाव नोगोरारि हारिमुनि गोसारनाया ख्रिष्टगिबि ब्रै रोजायावनो जादोंमोन।

सों 3. रिग बेदनि हमनानै लानाय रनसायनाय समा माब्ला? 

फिन : रिग बेदनि हमनानै लानाय रनसायनाय समा ख्रिष्टगिबि 1500 मायथाइनिफ्राय ख्रिष्टगिबि 1000 मायथाइनि गेजेराव।

सों 4. भारतनि हारिमायारि नेर्सोनाव थानाय ‘सत्यमेव जयते’ बे खोथाखौ गुबैयै बबे बिजाबनिफ्राय लानाय जादों?

फिन : भारतनि हारिमायारि नेर्सोनाव थानाय ‘सत्यमेव जयते’ खोथाखौ गुबैयै ‘मुण्डक उपनिषद’ निफ्राय लानाय जादों। 

सों 5. गोजाम भारताव लिरजानाय राजखान्थि बिगियान आयदानि मंदांखा बिजाबनि मुंआ मा? 

फिन : गोजाम भारताव लिरजानाय राजखान्थि बिगियान आयदानि मुंदांखा बिजाबा कौटिल्यनि अर्थशास्त्र।

सों 6. ‘गोरोबलायिनि गेजेराव खौसेथि’ बे बाथ्रा खोन्दोआ बबे बिजाबनि गेजेरजों जोरथाय जादों?

फिन : ‘गोरोबलायिनि गेजेराव खौसेथि’ बाथ्रा खोन्दोआ जवाहरलाल नेहेरुनि “भारत दिहुननाय’” (Discovery of India) बिजाबनि गेजेरजों जोरथाय जादों।

सों 7. भारतनि लन्थाइ आरिमुनि बबे आदबाव ग्रीक-र मान आदबखान्थि बाहाय जादोंमोन?

फिन : भारतनि गान्धार आरिमु सोलोआव ग्रीक-र’मान लन्थाइ आरिमुनि आदबखान्थि बाहायनाय जादोंमोन। 

सों 8. भरत मुनिनि नाट्यशास्त्रवा माब्ला रनसाय जादोंमोन?

फिन : ख्रिष्टगिबि 200 निफ्राय ख्रिष्टउन 200 सोनि गेजेराव भरत मुनिनि नाट्यशास्त्र ‘वा रनसायजादोंमोन।

सों 9. भरतनि नाट्यशास्त्रवाव बेसेबां शल ‘क दं?

फिन : भरतनि नाट्यशास्त्रवाव 6000 शल ‘क दें। 

सों 10. हेराका सोमावसारनाया मा?

फिन : उदांस्रि दावहारु राणी गाइडालुवा नागालेण्डनि दोरोङरि धोरोम फोथायनाय एबा हारिमु सरैखा एबा बाहायफिननायनि थांखियै –’हेरका’ मुंनि मोनसे सोमासारदोंमोन।

सों 11. नागालेण्डनि ‘हर्णबिल’ फोरबोआ मा जिबिनि मुङाव बावनाय? 

फिन : नागालेण्डनि ‘हर्णबिल’ फोरबोआ दाउजें दाउनि मुङाव बावनाय। 

सों 12. ‘चपछर कुट’ आ बबे रायजोनि दोरोङारि रंजाथाय फोरबो? 

फिन : ‘चपछर कुट’ आ मिज ‘रामनि दोरोङारि रंजाथाइ फोरबो।

सों 13. मिज’ सोदोबनि ओंथिया मा?

फिन : मिज’ सोदोबनि ओंथिया जाबाय ‘हाजोआव थाग्रा’। 

सों 14. सा-सानजा ओनसोलनि बबे रायजोआव बिमा हारि संनाय समाज खान्थि सोलिगासिनो दं?

फिन : मेघालय रायजोआव बिमाहारि संनाय समाज खान्थि सोलिगासिनो दं।

सों 15. मनिपुरी मोसानाया मा गुबै आयदाखौ लाना सोमजिखांदों?

फिन : मणिपुरनि बासिन मानसियानो चैतन्य पन्थी बैष्णव दोहोरोमारि। मणिपुरी मोसानाया चैतन्य महाप्रभुनि उन्दै सम आरो कृष्णलीला बायदिनि आयदाखौ लानानै सोमजिखांदों।

सों 16. आसामनि गोजाम मुङा मामोन?

फिन : आसामनि गोजाम मुङा प्रागज्य ‘तिषपुर आरो कामरुपमोन।

सों 17. मा बर ‘गुबै सोदोबनिफ्राय असम मुङा जादों होनना सानना लानाय जादों? 

फिन : बर’फोरनि ‘आ-चाम’ एबा ‘हा– च’म’ सोदोबनिफ्राय असम मुङा सोमजिदों होनना सानना लानाय जादों। बबेखानि बे? मोननै सोदोबनि संस्कृत खालामनायनि गेजेरजों असम मुङा सोमजिदों होनना पण्डितफोरा बुङो।

सों 18. चर्यापदा मा?

फिन : चर्यापदा जाबाय आसामनि लिरनाय थुनलाइ जाय थुनलाइखौ मोननैसो  सहजयापन्थीफोरा मेथाइजों रनसायदों। 

सों 19. चर्यापदा माब्ला रनसाय जादोंमोन?

फिन : चर्यापदखौ ख्रिष्टउन जि जौथाइनिफ्राय जिब्रै जौथाइनि गेजेराव रनसायनाय जादोंमोन। 

सों 20. माधब कन्दलिया सोरनि मदद मोननानै स्निथि खोन्दो रामायणखौ राव सोलायदोंमोन?

फिन : माधब कन्दलिया बराही राजा महामाणिक्यनि मदद मोननानै ‘स्निथि खोन्दो रामायण ‘खौ असमीयाव राव सोलायदोंमोन।

सों 21. आसामनि रायथाइ थुनलाइ सोर सोरजिदोंमोन?

फिन : भट्टदेबा आसामनि रायथाइ थुनलाइ सोरजिदोंमोन।

सों 22. जिकिर आरो जारिखौ सोर रनसायदोंमोन? 

फिन : जिकिर आरो जारिखौ आजानपीर मुंजों मुंदांखा ‘साह मिलना’ रनसायदोंमोन।

सों 23. आजानपीरा सोर?

फिन : आजानपीरा सासे सुफि सानथौगिरि। आह ‘म स्वर्गदेउ गदाधर सिंहनि समाव फैदोंमोन। बियो जिकिर आरो जारि दोहोरोमारि मेथाइ रनसायदोंमोन।

सों 24. आजानपीरा माब्ला आसामाव फैदोंमोन? 

फिन : आजानपीरा 1681 मायथाइयाव आसामाव फैदोंमोन।

सों 25. द-पर्बतीयानि अन्थाइनि गेदखौ माब्ला लुदोंमोन?

फिन : द– पर्बतीयानि अन्थाइनि गेटखौ दथि जौथाइयाव लुदोंमोन।

सों 26. चांरुं फुकननो मा बिबान होदोंमोन? 

फिन : आह ‘म खुंथाइ खान्थियाव चांरुं फुकननो मन्दिर, लामा, राजथावनि, नबां बायदिनि लुनाय हाबाखौ नायनो, जखा लानो थाखाय बिबान होनाय जायोमन।

सों 27. सुबुं मेथायाव बिहोमा होनायनि थाखाय आसामनि सोरनो पद्मश्री बान्था होनाय जादोंमोन?

फिन : प्रतिमा पाण्डे बरुवा।

सों 28. आसामनि गिबि लाइसिनि मुङा मा?

फिन : अरुण ‘दय (1846)।

सों 29. कामाख्या मन्दिरखौ सोर लुफिनदोंमोन?

फिन : कामाख्या मन्दिरखौ क’च राजा चिलाराया लुफिनदोंमोन।

सों 30. सा-सानजा ओनसोलनि अष्ट्रिक फोलेरनि हारिया मा? 

फिन : सा सानजा ओनसोलनि अष्ट्रिक फोलेरनि हारिया जाबाय मेघालयनि खासिया सुबुंफोर।

सों 31. रनसायगिरिनि मुं लिर।

(क) अर्थशास्त्र।

(ख) हस्ति बिद्यार्णब।

(ग) कीर्तन।

(घ) नामघषा।

(च) कालिय दमन।

(ङ) चरधरा पिम्परा गुचवा। 

(ज) कथागीता।

(छ) राम बिजय।

(झ) राजतरंगिनी।

(ञ) भारत सम्भेद। 

फिन :

बिजाबनि मुंलिरगिरिनि मुं
(क) अर्थशास्त्र।कौटिल्य
(ख) हस्ति विद्यार्णब।सुकुमार बरकाइथ
(ग) कीर्तन।श्री श्री शंकरदेव
(घ) नामघषामाधबदेव
(ङ) चरधरा पिम्परा गुचवामाधबदेव
(च) कालिय दमनश्री श्री शंकरदेब
(छ) राम बिजयश्री श्री शंकरदेब
(ज) कथागीताभट्टदेब
(झ) राजतरंगिनीकलहन
(ञ) भारत सम्भेदजवाहरलाल नेहरु

सुंद’ फिननायनि सोलु

सों 1. ख्रिष्टिय दथि जौथाइनि उनाव भारताव फैनाय मोननै बिदेशी (गुबुनारि) हारिनि मुं लिर। 

फिन : ख्रिष्टिय दथि जौथाइनि उनाव भारताव फैनाय मोननै गुबुनारि हारिया जाबाय–

(i) ग्रीक। 

(ii) तुर्की।

सों 2. सिन्धु हायेनाव मोननाय दोहोरोमारि थांखियै बाहाय जानाय मोननै मुसुखानि मुं लिर।

फिन : सिन्धु हायेनाव मोननाय दोहोरोमारि थांखियै बाहाय जानाय मुसुखाया जाबाय–

(i) मोसौ बलदनि मुसुखा। 

(ii) बिमा मोदाइजोनि मुसुखा।

सों 3. अष्ट्रिकफोरा भारतारि हारिमुवाव होनाय मोननै बिहोमा लिर।

फिन : अष्ट्रिकफोरा भारतारि हारिमुवाव होनाय मोननै बिहोमाया जाबाय 

(i) खुसेरनिफ्राय मेथाइ गुर खालामनाय आदब।

(ii) खुननिफ्राय खुन्दुं लुनानै जि दानाय आदब। 

सों 4. भारतारि हारिमुनि गुबुनथि सोरजिनायाव भुमखौराङारि थासय माबादि बिफाव लायो?

फिन : गुबुन गुबुनथि भारतारि हारिमुनि जोनोम आरो सरैखा बिथिङाव हादरनि गुवारथि आरो बायदि भुमखौराङारि थासारिया बिफाव लाबोदों। आबाद मावथाय हासारगोनां हा, हान्था-मेलानि मोजां आरो मिथिंगायारि सम्पदनि गुणखौ लानानै बबेबा ओनसोला अदेबानि रांखान्थियारियै दोहोनिसिन आरो गुबुन हारिमुजों गोरोबलायनाया थाब थाब जादों बेरा फारसेथिं बबेबा ओनसोला बिदि खाबु मोनियाव एखुथा जानांदों आरो जोबोर नाजानानैसो जिउ खुनांदों। 

सों 5. बेदनि गांब्रै संहितानि मुं लिर।

फिन : बेदनि गांब्रै संहितानि मुङा जाबाय–

(i) रिग बेद।

(ii) यजुः बेद।

(iii) साम बेद।

(iv) अथर्ब बेद।

सों 6. अशकनि जिनैथि गाहाइ अन्थाइ लिरथाइयाव धोरोमारि उदांथिनि सोमोन्दै मा खोथा लिरनाय दं?

फिन : अशकनि जिनैथि (12 नं) गाहाइ अन्थाइ लिरथाइयाव थानाय खोथाया जाबाय ‘रावबो गावनि धोरोमखौल’ बाखोनायनानै आरो मालायनि धोरोमखौ अगेन साननो नाङा। अदेबानि गासैबो धोरोमनि गुबै खोथाखौ गनायनानै गोरोबलायनायनि लामाखौ उनसंनांगौ।’

सों 7. हारिमुवारि गोबांथिखान्थि ( Multi Culturalism) माने मा? 

फिन : हारिमुवारि गोबांथिखान्थिया (Multi Culturalism) बबेबा मोनसे समाजनि हारिमुवारि जुदाथि आरो बेनि फारसे मान होलायनायखौ फोरमायो। भारतनि बायदि ओनसोलाव बायदि हारि हारिसाया गावसोरनि गावबा गाव जुदा जुदा हारिमुनि सरखा आरो बांहोनो नाजानाय समावनो गुबुननि हारिमुजों गोरोबलायनानै थांना थानाय आरो मान दिन्थिलायनाय नुनो मोनो।

सों 8. भारतनि गोजाम मुगानि सानै बिगियानिनि मुं लिर।

फिन : भारतनि गोजाम मुगानि सानै बिगियानिनि मुङा जाबाय–

(i) आर्यभट्ट।

(ii) बराह मिहिर।

सों 9. गोजाम भारतनि गांनै सिकितसा शास्त्रनि मुं लिर।

फिन : गोजाम भारतनि गांनै सिकितसा शास्त्र (देहा फाहामग्रा शास्त्र) आ जाबाय–

(i) चरक संहिता आरो

(ii) सुश्रुद संहिता।

सों 10. भारतारि सावगारि आरिमुखौ मा मा बाहागोआव राननो हायो? 

फिन : भारतारि खावगारि आरिमुखौ मोननै बाहागोआव राननो हायो। बेफोर जाबाय–

(i) गिदिर गुवार इन्जुर सावगारि (महर सोरजि)। 

(ii) फिसामहरनि सावगारि।

सों 11. सावगारि आरिमुखौ मदद होनाय सानै मगल बादछाहनि मुं लिर।

फिन : सावगारि आरिमुखौ मदद होनाय सानै मगल बादछाहनि मुंआ जाबाय–

(i) आकबर।

(ii) छाहजाहान।

सों 12. फिसा महरनि सावगारि थानाय आसामनि गांनै साचिपतीया पुथिनि मुं लिर।

फिन : फिसा महर सावगारि थानाय आसामनि गांनै साचिपटीया पुथिया (सासि बिलाइजों लिरनाय बिजाब) जाबाय–

(i) हस्तिविद्यार्णब। 

(ii) शंखचुड़ बध।

सों 13. हस्तिबिद्यार्णब बिजाबनि सावगारि आखिग्रा सानैनि मुं लिर। 

फिन : हस्तिबिद्यार्णब बिजाबनि सावगारि आखिग्राफोरा जाबाय–

(i) दिलबर आरो

(ii) द’चाइ।

सों 14. जुम आबाद माने मा बुजियो?

फिन : जुम आबाद माने जायगा सोलायनाय एबा जुम खान्थिजों मावनाय। हाजोआरि जायगानि थागिबिफोरा हाजोसानि खेंस्लायाव दखरसे हानि हाग्रा दंफां दानस्रांनानै बियाव अर लगायनानै लांन्दां खालामना हाखौ खदाल बायदिजों जावग्लिनानै फसल फोयो एबा गायो। नाथाय बे हायाव बोसोरसे एबा बोसोरनै मावनायनि उनाव हासार गैयिनि थाखाय हांखौ एरैनो गारना दोननाय जायो। फिन गोदान जायगा नागिरना हाग्रा दानस्रांना आबाद मावनाय जायो। बिदि जायगा सोलायनानै आबाद मावनायानो जुम आबाद।

सों 15. जें बिहु माने मा?

फिन : रंजाली बैसागु सोलिबाय थानाय समाव हिनजावफोरा स्रि स्राय जायगायाव हौवाफोरखौ नुहोआलासे जा बैसागु मोसानाय जायो बेनो जें बिहु। बे जें बिहुखौ सरासनस्रा सानजा आसामनि आयजोफोरा खुङो।

सों 16. अजापालिनि मोननै बाहागोनि मुं लिर। 

फिन : अजापालिनि मोननै बाहागोआ जाबाय–

(i) ब्यासनि अजा आरो

(ii) सुकुनाननि अजा। 

ब्यासनि अजायाव गाहायै रामायण, महाभारतनि सल’खौ लानानै बैष्णबारि मेथाइ खननाय जायो आरो सुकनाननि अजायाव मनसा मोदायजोखौ गोजोन होनो मेथाइ खननाय जायो।

सों 17. गोजाम भारतनि सानै सानथौगिरिनि मुं लिर।

फिन : गोजाम भारतनि सानै सानथौगिरिया जाबाय–

(i) रामानुज।

(ii) कपिल।

सों 18. आह ‘म खुंथाइनि समाव रनसाय जानाय गांनै बुरन्जी (जारिमिन) नि मुं लिर।

फिन : आह ‘म खुंथाइनि समाव रनसाय जानाय गांनै बुरन्जी (जारिमिन) नि मुङा जाबाय–

(i) तुंखुङीया बुरन्जी।

(ii) कसारि बुरन्जी।

सों 19. बिहुबादि सोनाब आसामनि खुंजानाय मोननै जायगायारि रंजाथाइ फोरबोनि मुं लिर।

फिन : बिहुबादि सोनाब आसामाव खुंजानाय मोननै जायगायारि रंजाथाइ फोरबोआ जाबाय–

(i) भठेलि।

(ii) बासपुजा (औवा फुजा)।

सों 20. दरंनि रोखोमनै सुबुं मोसानायनि मुं लिर। 

फिन : दरंनि रोखोमनै सुबुं मोसानाया जाबाय–

(i) ढेपा-दुलीया मोसानाय।

(ii) देउधनी मोसानाय।

सों 21. भारताव थानाय गाहाइ सुबुं फोलेर हानजाया मा मा?

फिन : भारताव थानाय गाहाइ सुबुं फोलेर हानजाफोरा जाबाय–

(i) आर्य रावारि नर्डिक फोलेर।

(ii) द्राबिड़ फोलेर।

(iii) अष्ट्रिक फोलेर।

(iv) मंगलीय फोलेर।

(v) निग्र’ फोलेर।

(vi) वेष्टार्ण ब्रेचिचेफालिक (सोनाबानि खर’ गिदिर)।

सों 22. भारतारि हारिमुवाव ‘गोरोबलायिनि गेजेराव खौसेथि’ सोरजिनाय मोनथाम जाहोथाय लिर।

फिन : भारतारि हारिमुवाव ‘गोरोबलायिनि गेजेराव खौसेथि’ सोरजिनाय मोनथाम जाहोथाय (factors) आ जाबाय– 

(i) हिन्दु धोरोमनि गावनि गोबांथिखान्थि एबा गुवार गोसो।

(ii) गुबुन गुबुन समाव सोमजिखांनाय साम्राज्यफोरा सोमजिहोनाय राजखान्थियारि खौसेथिनि जारिमिन।

(iii) गुबुन गुबुन मुगानि खुंथाइगिरिफोरनि दोहोरोमारि एबा हारिमुवारि गुवार गोसो (उदारता)। 

सों 23. गोजाम भारतनि दाथाइखुलि नेरसोनफोरखौ गाहायै मा मा बाहागोआव राननाय जायो? 

फिन : गोजाम भारतनि दाथाइखुलि नेरसोनफोरखौ गाहायै मोननै बाहागोआव राननाय जायो

(i) मन्दिर।

(ii) स्तुप बायदि दोहोरोमारि सिबिसालि।

सों 24. ‘भारत आरो सा-सानजा ओनसोलनि जारिमिनारि बेसेथि’ फरायाव ‘हारिमुवारि खौसेथिनि जे’ होनना मा फोरमायनो नाजादों? 

फिन : भारतवर्षआ बायदि हारि, धोरोम, रावजों बुंफबनाय गंसे हादोर। भारतनि गुबुन गुबुन जायगायाव जाबायदि गुबुन गुबुन रावआरि, धोरोमारि, हारियारि मानसि दं थिग बे बादिनो सा सानजा ओनसोलाबो बायदि हारि, धोरोम आरो रावजों आबुं जानाय। बे बायदि हारियारि सुबुंफोरनि गेजेराव गोरोबलायनाय आरो नांदेरनायनि जाउनाव मोनफा मोनफा हारिमु सोमजिखांदों। सा-सानजा ओनसोलनि थुनलाइ, सावगारि आरिमु आरो सुबुं हारिमुफोरा गुबुन गुबुन आरो जुदा जुदा आखुथाइजों बुंफबनाय। बबेबा मोनसे ओनसोल एबा हा खोन्दोनि थुनलाइ, सावगारि आरिमु आरो सुबुं हारिमुवा गाव हारसिङै एबा गोरोबलायनाय, नांदेरनाय जायाबालानो सोमजियाखै। भारतारि लोगोसे सा सानजा ओनसोलनि हारिमुनि जारिमिनारि बेसेनथियाबो बेहायनो हाबनानै दं। बेनिखायनो बेखौ ‘हारिमुवारि खौसेथिनि जे’ होनमा फोरमायनो नाजादों। 

सों 25. UNESCO जों मुलुगनां जारिमिनारि थिलि महरै फारिलायाव जायगा मोननाय भारतनि मोनथाम दाथाइखुलि मख’।

फिन : UNESCO जों मुलुगनां जारिमिनारि थिलि महरै फारिलायाव जायगा मोननाय भारतनि मोनथाम दाथाइखुलिया जाबाय–

(i) साचीनि स्तुप।

(ii) अजन्तानि खंखरफोर।

(iii) ताजमहल।

सों 26. भारतनि लन्थाइखलियाव मा मा मुसुखा बानायनाय जादोंमोन? 

फिन : भारतनि लन्थाइखलियाव बानायनाय मुसुखाफोरा जाबाय- गौतम बुद्ध, महाबीर, हिन्दु मोदाय-मोदायजो, यक्ष-यक्षिनि, अपेश्वरि आरो हिन्दु एबा बौद्ध धोरोमजों सरजाबनाय गोबां जिब जुनारनि मुसुखा। 

सों 27. भारतनि लन्थाइखलि आरिमुनि मोनथाम गुबै आदबफोरा मा मा?

फिन : भारतनि लन्थाइखलिनि मोनथाम गुबै आदबफोरा जाबाय–

(i) गान्धार आरिमु सोलो।

(ii) मथुरा आरिमु सोलो। 

(iii) अमराबती आरिमु सोलो।

सों 28. इनजुर सावगारिनि नेरसोन थानाय भारतनि गंथाम जायगानि मुं लिर।

फिन : इनजुर सावगारिनि नेरसोन थानाय भारतनि गंथाम जायगानि मुङा जाबाय–

(i) अजन्ता (महाराष्ट्र)।

(ii) बाध (मध्यप्रदेश)। 

(iii) आरमामलाइ (तामिलनाडु)।

सों 29. म ‘गल मुगानि फिसा महरनि सावगारि थानाय गांथाम बिजाबनि मुं लिर। 

फिन : म ‘गल मुगानि फिसा महरनि सावगारि थानाय गांथाम बिजाबनि मुङा जाबाय–

(i) जाहांगीर नामा। 

(ii) तुतिनामा।

(iii) पादसाहनामा।

सों 30. सावगारि आरिमुनि दथि अंग होनोब्ला मा बुजियो? 

फिन : गोजाम भारतारिनि गिदिर गुवार इनजुर सावगारिफोरखौ इनजुराव आखिनाय जायोमोन आरो फिसा महरनि सावगारिखौ बिजाबफोरखौ समायना खालामनो लोगोसे सावगारियै फोरमायथिनो आखिनाय जायोमोन। बबेखानि जिथि जौथायाव सावगारिखौ आखिनो थाखाय तालबिलाइ, साचि बिलाइ, पाटजि बायद्रियाव फिसा महरनि सावगारि आखिनाय जादोंमोन। ख्रिष्टगिबि सेथि जौथायावनो सावगारिफोरखौ आखिनायनि थाखाय खायसे बिखान्थि बाहायनाय जायोमोन। बे बिखान्थिफोरखौनो दथि अंग बुंनाय जायो। बे मोनद’ बिखान्थि एबा नेमा जाबाय–

(1) महर।

(2) जखा।

(3) साननाय हनाय बेरखांहोनाय आदब।

(4) आरिमुवारि गायसननाय।

(5) गोरोबफ्रामनाय गियान।

(6) ब्रन्स (तुलिका) बाहायनाय नेम।

सों 31. भारतनि य ‘गबिद्यानि सोमोन्दै सुंद ‘यै लिर। 

फिन : य ‘गबिद्यानि भारतनि मोनसे दुगाथाव हारिमुवारि जारिमिनारि बेसेनथि आरो गासै सुबुं समाजसिम बे मोनसे मख ‘जाथाव बिहोमा। सिन्धु सोदोमस्रिनि समावनो भारतारिफोरा य’ग बिगियाननि बिगोमामोन होनना हमना लानाय जायो। बैदिक मुगायाव बे बिद्याया गोबाङै सर्सा खालामजादोंमोन ख्रिष्टउन नैथि जौथायावनो महर्षि पतन्जलिया य’गसुत्र मुंनि बिजाब रनसायनानै बे बिद्याखौ मोनसे गोगो महर होदोंमोन। बियो बे बिद्याखौ देहायारि, गोसोआरि आरो धोरोमारि जौगाखांहोनायनि मोनसे गोख्रों आरो सांग्रां आदब महरै आरो जिव खुंनायनि आबुं खान्थि महरै मोनसे सानथौनि रुक दादोंमोन। आथिखालाव य’ग बिद्यानि जाफुंनायनि फारसे गोसो होनानै 2015 मायथाइयाव हादोर गौथुमा 21 जुनखौ मुलुगनां य’ग सान महरै फोसावदों। 

सों 32. भारतनि दाथाइखलिनि मोनथाम आखुथाइ मख’। 

फिन : भारतनि दाथाइखलिनि मोनथाम आखुथाइया जाबाय–

(i) सा भारतनि मन्दिरफोरनि सा बाहागोआ खाव बेंखन। 

(ii) खोला भारतनि मन्दिरफोरनि सा बाहागोआ आयत महरै फारियै गोजौजों फिसा जालांनाय।

(iii) बेचर आदबनि मन्दिरफोराव नागर आरो द्रबिड़ आदबनि गलाय गथाय नुनो मोनो। 

सों 33. रङालि बिहुनि स्नि सानखौ मा मा मुङै मिथियो?

फिन : रङालि बिहुनि (रंजालि बैसागु) खौ स्नि सानसिम खुंनाय जायो। बेनो मोनफ्रोमबो सानखौ मोनफ्रोमबो मुंजों मिथिनाय जायो। बेफोर जाबाय― 

गिबि सानखौ (सैत्र दाननि जोबथा सान) बुंनाय जायो– मोसौ बिहु 

नैथि सान (बैसाग दाननि 1 खालार) बुंनाय जायो– मानसि बिहु 

थामथि सान (बैसाग दाननि 2 खालार) बुंनाय जायो– गसाइ बिहु 

ब्रैथि सान (बैसाग दाननि 3 खालार) बुंनाय जायो– आलासि बिहु (कुतुम बिहु) 

बाथि सान (बैसाग दाननि 4 खालार) बुंनाय जायो– चेनेही बिहु 

दथि सान (बैसाग दाननि 5 खालार) बुंनाय जायो– मेला बिहु 

स्निथि सान (बैसाग दाननि 6 खालार) बुंनाय जायो– चेरा बिहु

बबेखानि जायगा लानानै जायगा बेफोरनि मुङा जुदा जुदा जानायबो ‘नुनो मोनो। गुबैयै- बर’, राभा, मिसिं, टिवा बायदि थागिबिफोरनि बिहुनि मुङा जुदा जुदा।

सों 34. कामरुपी ल’कगीत आरो ग’वालपरीया ल’कगीतनि गाहाइ आयदाफारिया मा?

फिन : कामरुपी ल’कगीत (सुबुंमेथाइ), आरो ग’वालपरीया सुबुंमेथाइयाव गाहायै जिउनि सुख दुखु, देहानि दान्दिजोर, जिउवाव गसाइ सिबिनायनि गोनांथि, मोदाय मोदाइजोनि आरज बायदि आयदाफारिया थायो। बेफोरनि अनगायैबो- ग’वालपरीया सुबुं मेथाइयाव जायगानि गोदोनि सल’ एबा मैदेर हमनाय आरो मानि होनाय आयदाखौ लानानैबो रनसायनाय जायो।

सों 35. आसामनि गोजाम मुं कामरुप आरो प्रागज्य ‘तिषपुरनि खोथा थानाय गांथाम बिजाबनि मुं लिर। 

फिन : आसामनि गोजाम मुं कामरुप आरो प्रागज्य ‘तिषपुरनि खोथा थानाय गांथाम बिजाबा जाबाय

(i) रामायण।

(ii) महाभारत। 

(iii) य’गिनी तन्त्र।

गोलाव फिननायनि सोंलु

सों 1. भारतनि हारिमुवारि गोबांथिखान्थिनि (Multiculturalism) जोनोम आरो गोसारनायनि सोमोन्दै लिर।

फिन : भारतारि हारिमुवारि गोबांथिखान्थिया भारतारि हारिमुनि गुबुन मोनसे आखुथाइ। हारिमुवारि गोबांथिखान्थि बुङोब्ला बबेबा मोनसे समाजनि हारिमुवारि जुदाथि आरो बेनि फारसे मान होलायनायखौ फोरमायो। भारतारि हारिमुवारि गोबांथिखान्थिया एबा बायदि हारिमुवा जारिमिनगिबि समनिफ्रायनो भारताव हाबफैनाय गुबुन गुबुन फोलेरनि सुबुंनिफ्राय जोनोम जादों होननानै बुंनो हायो। मोनफ्रोमबो फोलेरफोरहानो गावबा गाव हारिमु थाखायो। 

बबेखानि भारतवर्षआवबो- ख्रिष्टगिबि ब्रै रोजायावनों सिन्धु हायेनाव मोनसे जौगा नोगोरारिनि सोदोमस्रि गोसारदोंमोन। बे सिन्धु सोदोमस्रिनि गाहाइ दागिरिखौ द्राबिड़फोर होननानै पण्डितफोरा बुङो। बिसोरनि जिउ खुंनाय, मोदाय फुजिनाय, धोरोम फोथायनाया भारतारि हारिमु सोमजिनायाव गोहोम खोख्लैदों। सिन्धु सोदोमस्रि जोबस्रांनायनि उनाव बैदिक मुगाया जागायजेनो। 

बैदिक मुगानि रिग बेद, यजु बेद, साम बेद, अथर्ब बेद, आरण्यक आरो उपनिषदफोरा भारताव आर्य हारिमु गोसारहोयो। मख ‘नाय जायोदि द्राबिड़फोर आरो नर्डिक आर्यफोरा भारताव हाबफैनायनि सिंगांनो गोजाम अन्थाइ मुगायाव निग्र हारि आरो गोदान अन्थाइ मुगायाव प्रट अष्ट्रलयद एबा अष्ट्रिकफोर आरो बेनि उनाव फारियै मंगलीय हारि आरो गेजेर एसियानि वेष्टार्ण ब्रेचिचेफालिक हारिनि मानसिफोरा भारताव हाबफैनानै थानो हमदोंमोन। 

बिसोरनि समाजारि आसार खान्थि, धोरोमारि नेमखान्थि, सुबुं फोथायनाय आरो रावारि गोरोबलायनानै सानथ्रहायि जुदा जुदा हारिमुवारि बाहागो सोमजिदोंमोन। जारिमिनगिबि मुगायाव जानाय सुबुं हाबफैनायनि अनगायैबो भारतनि जारिमिन मुगायाव खृः दथि जौथायाव जानाय पारसि गाग्लोबनायनि उनाव ग्रीक, शक, हुन, तुर्की, आफगान, म’गल, पर्तुगीज, अलन्दाज, फरासि, ब्रिटिस बाइदि सुबुंफोर हाबफैदोंमोन आरो बिसोरनि गोबाङानो भारताव गागियै थालांदोंमोन। बिसोरनि भारतारि हारिमुनि गोरोबलायनायाव एबा सरजाबनायनि बोहैथि दाहाराव बाहागो लाफानानै भारतारि हारिमुखौ गोख्रों खालामदोंमोन लोगोसे हारिमुवारि गोरोबलायिया एबा जुदाथिया बांलांदोंमोन।

भारतबर्षआव हाबफैनानै थानाय बे सुबुं फोलेरनि बाइदि दालाइ दालाइसाया हादोराव लासै लासै गोबां हारि-हारिसानि जोनोम होदोंमोन। बेबादिनो समाजारि नेमखान्थि आरो रावआरि गोरोबलायनायनि जाउनाव गोबां जुदा जुदा हारिमुनि आखु सोमजिदोंमोन।

सों 2. भारतनि गोजाम मुगायाव रनसाय जानाय संस्कृत थुनलाइफोराव भारतारि सोदोमस्रि-हारिमुनि जिव हाबनानै दं होननानै बुंब्ला बांद्राय बुंनाय जानाय नङा- खोथानि गुबै सानथौखौ सावराय।

फिन : थुनलाइया मोनसे हारिनि आयना बायदि। थुनलाइनि गेजेरजोंनो मोनसे हारिनि हरिमुखौ मिथिनो हागौ। भारतनि गोजाम मुगायाव रनसायजानाय संस्कृत थुनलाइफोराव भारतारि सोदोमस्रि हारिमुनि जिव हाबसोखोमानानै दं होनना बुंनो हायो। बेदनि संहिता-यजुः, साम, अथर्ब, ब्रह्मण, आरण्यक, उपनिषदफोर, रामायण आरो महाभारत सलन्थायमा गांनै, गीता, पुराणफोर, बेदांगफोर, राजखान्थि आयदानि बिजाब कौटिल्यनि अर्थशास्त्र, देहा फाहामनाय आयदानि ‘चरक संहिता’, कालिदास, शुद्रक, भास, बाणभट्ट बायदि लिरगिरिनि गोगो थुनलाइफोरा भारतारि थुनलाइनि जौगा नेरसोनथि। 

बिदिनो जारिमिनारि बिजाब, बिगियानगिरिफोरनि बायदि बिजाब, खोला भारतनि संगम थुनलाइ बायदि बिजाबफोरा भारतारि सुबुंफोरनि थुनलाइ मोजां मोननाय आरो गियान लुबैनायनि सिनायथि होयो। बे बिजाबफोरा जिउ आरो मुलुगनि सोमोन्दै साननाय-हनाय, धोरोम फोथायनाय, बिगियानारि साननाय आरो कारिकरि गियान, राजखान्थि, देहाफाहामनाय बायदि गोबां बिथिङाव गोजाम मुगायाव भारतारिफोरा मोननाय गियाननि थाखोखौ रिफिखांहोयो। 

बे बिजाबफोरा भारतारिफोरनि समाजखान्थि, थुनलाइ सांग्रान्थि, गासै भारतारि हारिमुवारि खौसे खालामनायाव जोबोर गोहोम खोलैदोंमोन। हिन्दु धोरोमनि मोनब्रै बर्ग आस्रम खान्थि, बिमा बिफा, गुरु, आलासि, बिद्या आरो गियाननिनि फारसे भारतारि हारिमुवाव थानाय सिबिनायनि सोलोंथाइ बे बिजाबफोराव फोसाव जादोंमोन।

संस्कृत रावाव रनसायजानाय बे सोलोआरि सोरजिफोरनि माखासे उनसमाव भारतनि गुबुन हादोरारि रावाव राव सोलायनाय जादोंमोन। बेनिनो गोबां खोथा नखरफोराव हारियारियै, खुगा खुगायै (खौमोनारियै), ज’यै नाम हमनाय महराव आरो समाजारि नेमखान्थिनि महराव बोहैबाय थादोंमोन। बे बिजाबफोरनि गोबां गुबै खोथाफोरखौ उनजोलैनि मानसिफोरा जिव खुंनायनि बेसेनथि महरै जिव खुंनायाव बाहायदोंमोन।

SL No.CONTENTS
Unit – 1जारिमिन
Chapter 1बंग सोखावनाय (1905-1911) आरो गावहादरारि सोमावसारनाय
Chapter 2महात्मा गान्धी आरो भारतनि उदांस्रि सोमावसारनाय
Chapter 3आसामाव ब्रिटिस बेरेखा जांख्रिखांनाय आरो आबादारि बिग्रायनाय
Chapter 4उदांस्रि सोमावसारनाय आरो आसामाव हारिमायारि जांख्रिखांनाय
Chapter 5भारत आरो सा-सानजा ओनसोलनि हारिमुवारि गोदोमिन
Unit – 2भुमखौरां
Chapter 1रांखान्थियारि भुमखौरां : आयदाफारि आरो सम्फद
Chapter 2आबहावा आरो आबहावानि जेंना
Chapter 3बहुमनि भुमखौरां
Chapter 4आसामनि भुमखौरां
Unit – 3राजखान्थियारि बिगियान
Chapter 1भारतारि फोरजाखान्थि
Chapter 2मुलुगनां फसंथान हायुंआफाद आरो गुबुन गुबुन
Unit – 4रांखान्थि बिगियान
Chapter 1खावरि आरो बेंक बेबस्था
Chapter 2रांखान्थियारि जौगानाय
Chapter 3जोंनि मोनथाइ जोंनि बिबान

सों 3. भारतनि दोहोरोमारि जारिमिनारि बेसेनथिनि सोमोन्दै लिर। 

फिन : गोदो गोदायनिफ्रायनो भारतवर्षआव धोरोम खान्थियाव सिबिनां मोदाइफोरनि जुदाथिखौ नुनो मोनो। सिन्धु सोदोमस्रिनि धोरोम खान्थियावबो सिबिनां मोदाइफोरनि जुदाथिखौ नुनो मोनो। बैदिक धोरोम खान्थियाव गोबां मोदाइ मोदाइजोजों लोगोसे सासेल’ इसोरनि हमदांथिया रोखामोन। बिदिनो-भारतनि गोजामसिन दोहोरोमारि दोरोङा गोदान गोदान फोथायनाय, नेम खान्थिनि बेलायाव थाजाबलायनाय, सरजाबनाय आरो गोरोबलायनायनि बेलायाव गोनो गोथो गैयि खान्थि गनायदोंमोन। 

बेजों लोगोसे गावबा गाव खान्थिनि सोदांनाय, फोसाबनाय, गोदान फोरमायथि आरो हेंथानि फारसेबो मोजां साननाय हनाय दंमोन। बिदि साननाय हनायनि थाखायनो भारताव माखासे थाथौवारियै (तन्तावारियै) गावजों गाव उलथा सानथौ गोख्रोंङै बेरखांदोंमोन आरो बेदनि माखासे गुबै थाथौनि बेरेखा खालामसेयावबो ख्रिष्टिगिबि दथि जौथाइयाव नुजाथिफैनाय बौद्ध धोरोम आरो जैन धोरोमजों बैदिक हिन्दु धोरोमा जेबो जेंना जायाखैमोन। बे मोनसे जाहोनावनो हिन्दु धोरोमनि गेजेराव गोबां बाहागोनि जोनोम जादोंमोन।

भारतवर्ष आव राजाफोलेरफोरा धोरोमारि बिथिङाव गुवार गोसो दिन्थिनाय नुनो मोनो। बे बिथिङाव ख्रिष्टगिबि थामथि जौथाइयावनो सम्राट अशकनि गिरनाराव थानाय लिरथाइखौ मख ‘नो हायो। बे अन्थाइ लिरथाइयाव बुंनाय जादोंदि– “रावबो गावनि धोरोमखौल’ बाखोनायनानै आरो मालायनि दोहोरोमखौ अगेन साननो नाङा। अदेबानि गासैबो धोरोमनि गुबै खोथाखौ गनायनानै गोरोबलायनायनि लामाखौ उनसंनांगौ।” उनसमाव मुलुगनि बायदि जायगायाव नुजाथिनाय ख्रिष्टान, इसलाम, ज ‘रष्ट्रार, इहुदि दोहोरोमफोराबो भारताव हाबफैदोंमोन। शास्त्र बिथा धोरोमफोरनि अनगायैबो भारतनि खना खनला गुबुन गुबुन फोथायनाय एबा आसारखान्थिनि थागिबियारिफोरनि धोरोम खान्थिबो नुनो मोनो।

दोहोरोमारि गुबुनथि आरो थाजाबलायनायजों लोगोसे धोरोम आरो दोहोरोमारि साननाय हनायानो भारतारि सुबुंफोरनि गावारि आरो समाजारि जिउ एबा सोदोमस्रि हारिमुनि गासैबो बिथिङाव गोहोम खोख्लैनाय नुनो मोनो। दोहोरोमारि गुबुनथिब्लाबो भारतबर्षनि सुबुंफोरा खौसेथि दिरुंजों खाजानाय हारिमु सोमजिनाया दाबो जुगामि जानानै दं। 

सों 4. सा-सानजा ओनसोलनि मोनसे जथाइयारि जुदा सिनायथि माबोरै सोमजिदों?

फिन : सा-सानजा ओनसोल सोदोबखौ फामुवारि ब्रिटिस खुंथाइगिरिफोरा दिहुनदोंमोन। सा-सानजा ओनसोलाव सिकिमखौ लाफानानै गं दाइन हादरसा दं आरो बे हादरसाफोरा जुदा जुदा हारिमु आरो राजखान्थियारि जारिमिन दं। बेनि अनगायैबो बे गासै ओनसोला माखासे जथाइयारि आखुथाइ थानायखाय ओनसोला मोनसे जथायारि सिनायथि मोनदों।

सा-सानजा ओनसोलनि मोनसे जथायै जुदा सिनायथि सोमजिनायनि बिथिङाव ओनसोलनि भुमखौराङारि थासारिया जरखा बिफाव लादों। आसामनि बुरलुंबुथुर आरो बराक सेरफांनि हासार गोनां हायेन हा बाहागोखौ गेजेर खालामनानै सा, सानजा आरो खोला फारसे गुबुन हादोरसाफोरा बेंखनना दं। बे हादोरसाफोरा आरोबाव भुटान, चीन, म्यानमार आरो बांलादेश गुबुन हादोरारि हादोरजों बेंखन जानाय। 

आसामनि सेरावनि हादोरसा एबा रायजोफोरा हाजोआरि रायजो। बिदि थासारियाव हान्था मेला आरो जगाजग (फोनांजाब) बेलायाव आसामानो बयनिख्रुइ मोजांसिन। जारिमिनारि मोनहासवै समावनो बुरलुंबुथुर हायेनाव मोनसे जौगा सोदोमस्रि गायसन जादोंमोन होनना सानना लानाय जायो। अदेबानि ख्रिष्टाब्द ब्रैथि जौथाइयाव बर्मन फोलेर गायसन जानायनिफ्रायसो आसामनि राजखान्थियारि जारिमिन बोखां जायो। 

गुबुन गुबुन मुगायाव आसामनि गोख्रों राजा फोलेरनि खुंथाय समाव खाथि-खालानि जायगायारि खुंगिरिफोरा आसामनि फारसे गंग्लायदोंमोन आरो माब्लाबा माब्लाबा सिं जानानै थादोंमोन। आह ‘म राजफोलेरनि खुंथाइ समाव (1228-1826) आसाम आरो खाथिखालानि राइजोफोरनि गेजेराव गायसन जानाय सोमोन्दोनि सोमोन्दै बे मुगायाव रनसायजानाय जारिमिन बिजाबफोराव गोबां खारिथि मोननो हायो। राजा फोलेरफोरनि गेजेराव हाबा जालायदोंमोन, खैफोदनि समाव सिफाइनि मदद लाबोलाय हरलाय जादोंमोन आरो थान्दै दैथायहरनाय जादोंमोन। बिदिनो ओनसोलनि थाग्राफोरनि गेजेराव खौसेथि सानलायनाया बेरखांदोंमोन।

सा-सानजा ओनसोलनि बांसिन मानसिफोरानो मंगलीय फोलेरनि दालाइ दासानि थागिबियारि। नागाफोरनि गेदेराव निग्र’ हारि आरो मेघालयनि खासिया सुबुंफोरां अष्ट्रिक फोलेरनि। बेफोर बादिहाय सा सानजा ओनसोलाव बायदि हारि-हारिसानि जुदा जुदा सिनायथि सोमजिखांनाय नुनो मोनो। 

सों 5. सा-सानजा ओनसोलनि राइजोफोरनि दोहोरोमारि थासारिनि सोमोन्दै लिर।

फिन : सा-सानजा ओनसोल सोदोबखौ फामुवारि ब्रिटिस खुंथाइगिरिफोरा दिहुनदोंमोन। सा-सानजा ओनसोल बुङोब्ला हाजो-हायेनाव थानाय सुबुंफोरनि ओनसोलखौ बुंनाय जायो। आसाम, मेघालय, अरुणाचल, नागालेण्ड, मणिपुर, त्रिपुरा, मिज ‘रामा सा-सानजा ओनसोलाव गोलैयो।

फामुवारि खुंथाइनि समाव सा-सानजा ओनसोलनि गंफ्रोमबो-रायजोआवनो हाजोआरि मानसिफोरनि गेजेराव मिसनारिफोरा ख्रिष्टान धोरोम फोसावो। सा-सानजानि रायजोफोरनि गेजेराव आसामाव आर्य राव आरो हिन्दु धोरोमनि गोसारनाया गोदो-गोदायनिफ्रायनो जादोंमोन। बिदिनो मणिपुर आरो त्रिपुरायाव गोदो गोदायनिफ्रायनो-हिन्दु धोरोम गोसारनाया जादोंमोन। गोसो होनो गोनांदि हाजोआरि जनजातिफोरनि गेजेराव दाबो मिथिं जिउ गैयि (Animist) फोथायनाय एबा नेमखान्थिया समानै सोलिबाय थानाय नुनो मोनो। बिदिन्थि बादियै अरुणाचलनि गोबां मानसिया हिन्दु, ख्रिष्टान आरो बौद्ध दोहोरोमारि, एखे समावनो बायदि मोदाइ-मोदाइजोजों लोगोसे डनिप ‘ल अदेबानि ‘सान-अखाफोरा’ बिसोरनि बयजोंबो गनाय जानाय मोदाइ।

नागालेण्डनि हारिसाफोरा दिसेम्बर दाननि गिबि जि सा सानखौ ‘हर्णबिल’ फोरबो फालियो। नागाफोरा दाउसें जिउ रैखा खालामग्रा गोथार दाउ महरै साननानै बे दाउनि मुङै बे फोरबोखौ खुङो। राणी गाइडालुवा नागालेण्डनि दोरोङारि धोरोम फोथायनाय एबा हारिमु सरखा एबा बायफिननायनि थांखियै ‘हेराका’ मुंनि मोनसे सोमावसारदोंमोन।

मणिपुरनि मेइतेइ हारिसानि बांसिन मानसियानो चैतन्य पन्थी बैष्णव दोहोरोमारि। बैष्णव धोरोमनि गोहोम गोलैनाय मेथाइ, दामग्रा-देग्रा, मोसानाय बिसोरनि गेजेराव नुनो मोनो। चैतन्य महाप्रभुनि उन्दै सम आरो कृष्णलीला बायदि मोनसे ध्रुपदी मोसानाय बिसोरनियाव दं।

त्रिपुरानि बांसिन मानसिफोरानो हिन्दु धोरोमारि आरो बंग हादरनि गोहोम गोलैनाय। गुबुन गुबुन सुबुं हारिनि थादेरसाफोरजों त्रिपुरायाव मोनसे गलाय गथाय हारिमु नुनो मोनो। मेघालयनि गोदोनि मिथिंगा सिबिग्रा खासि, गार’, जयन्तीया बायदि सुबुंफोरा ख्रिष्टान धोरोम लादोंब्लाबो बेनि माखासेया गावसोरनि दोरोङारि मोसानाय मेथाइ खननाय बायदिफोरखौ एसेबाबो सरखा खालामनाय नुनो मोनो। मेघालयनि समाजखान्थिया बिमा गाहाइ आरो 80 जौखोन्दो सुबुङानो आबादारि।

मिज ‘रामनि सुबुं दाथाइया बायदि हारिसाजों दाजानाय। गासैखौबो ‘जयै मिज’ बुंनाय जायो। मिज’ सोदोबनि ओंथिया’ हाजोआव थाग्रा’। बिसोरनि बांसिनानो ख्रिष्टान दोहोरोमारि। बबेखानि बौद्ध आरो हिन्दु दोहोरोमारिबो दङ’। ख्रिष्टान धोरोम लानायनि थाखाय मिज ‘फोरनि दोरोङारि फोरबो, खननायफोरा खम जाबोनो हमदोंमोनब्लाबो 1973 मायथाइनिफ्राय बिसोर ‘दोरोङारि ‘चपचर कुट’ फोरबोखौ खुंनो लाफिनदों। बेजों लोगोसे दोरोङारि मोसानाय, मेथाइ बायदिखौबो दैखांफिननो नाजानाय नुनो मोनो।

सा सानजा ओनसोलनि गंफ्रोमबो हादरसायाव गोबां हारि-हारिसानि गोबां सुबुं हानजानि मानसिफोर थायो। दोरोङारि गाननाय-जोमनाय, मोसानाय, मेथाइ खननाय, दामग्रा देग्रा, फोरबी, राव, सुबुं फोथायनाय, आसार खान्थि बायदिजों बुंफबनाय रेगे रेगां हारिमु मोनफ्रोमबो हादरसायाव नुनो मोनो। 

सों 6. ‘आसामाव आर्य-अनार्य बयनिबो ज बिहोमाजों मोनोसे गलाय गथाय हारिमु सोमजिदों’-बे आयदाखौ सुंद ‘यै सावराय।

फिन : सिन्धु सोदोमस्रि जोबस्रांनायनि उनाव बैदिक मुगानि जागायजेनो। बैदिक हारिमुनि गुबै दागिरिया आर्य रावारि नर्डिक हारिनि सिङावनि हानजासे सुबुं। बैदिक मुगानि जोबनायथिं रामायण आरो महाभारत गांनै सलन्थायमा रनसाय जादोंमोन आरो बे समखिनिनि गेजेराव आर्य हारिमुवा भारतनि बुरलुंबुथुर हायेन फारसे गोसार फैबायमोन। ख्रिष्टगिबि ब्रैथि जौथायनि गेजेराव दुलाराय भारतावनो आर्य हारिमुवा गोसारदोंमोन। आसामाव थानाय आर्य हारिनि सुबुंफोर आरो अनार्य हारिनि नांदेरनायनि गेजेरजों गोबां हारि-हारिसा जोनोम जादोंमोन। 

आरोबाव बे हारि-हारिसानि गेजेरावनो समाजारि आसार खान्थि सुबुं फोथायनाय, दोहोरोमारि खान्थि आरो रावजों गलायमोन्देर जानाया सानथ्र ‘हायि जुदा जुदा हारिमुवारि बाहागो सोमजिहोदोंमोन। आर्यफोरनि सिगां सुबुंफोलेर माखासेया भारतारि सोदोमस्रि हारिमुवाव होनाय बिहोमानि सोमोन्दै पण्डितफोरा सिनायथिदों। बिदिन्थि बादियै माय आबाद, खुसेरनिफ्राय गुर खालामनाय आदब, खुननिफ्राय खुन्दुं लुनानै जि दानाय आदबखौ अष्ट्रिकफोरा दिहुनजेनदोंमोन। बिदिनो धोरोम सिबिनायाव सिन्दुर बाहायनाय, हालदै बाहायनाय आरो मैदेर फिसिनाय हाबाखौ अब्दिकफोरानो खालामजेनदोंमोन। 

आर्य हारिमुवा गोसारबाय थानाय समावनो भारतनि बायदि ओनसोलनि जायगायारि आरो समाजारि नेमखान्थिफोरा गोरोबलायदोंमोन। बेनि जाहोनाव आर्य हारिमुनि गुबै महरा सोलायसल’ जादोंमोन। बिदिनो सिगांनि हारि हारिसाफोराबो (अनार्य) आर्य राव आरो हारिमुनि थादेरसाफोरखौ ‘बजबना लादोंमोन। बे बायदिनो आसामावबो आर्य-अनार्यनि गलायमोनदेरखौ मोनसे गलाय गथाय हारिमु सोमजिदोंमोन।

सिगाङावनो मख ‘नाय जादोंदि बौदिक मुगानि जोबनायथिं रामायण आरो महाभारत सलन्थायमा रनसायनाय समखिनिनि गेजेराव आर्य हारिमुवा भारतनि बुरलंबुथुर हायेननि फारसे आरो खोलाहा कन्याकुमारीसिम गोसारदोंमोन। बुरलुंबुथुर हायेना हासारगोनां आबादथिलि आरो मिथिंगायारि सम्पदाव दोहोनि मोनसे जौगा गोजाम सोदोमस्रिनि बिगोमामोन। बुरलुंबुथुर हायेननिफ्राय चीन हादोराव थांनो हानाय मोनसे लामा थानायनि अनगायैबो चीन हादोरनिफ्राय रमान साम्राज्यसिम थांनाय महारेसमी लामानि मोनसे दालाइ आसाम जानानै दावगाबोदोंमोन। बेनि अनगायैबो आसामनि मिथिंगायारि समायनाथिनि थाखाय गोदो गोदायनिफ्रायनो गुबुन गुबुन सुबुं फोलेर हानजानि मानसिफोरा आसामाव हाबफैदोंमोन। 

बे हाबफैनाय सुबुं फोलेरनि मानसिफोरा माब्लाबा सरासनस्रा हाबफैग्रा महरै, गाग्लोबग्रा महरै, बेफार फालांगि खालामनाय एबा मन्दिर दावबायनाय महरै, धोरोमारि साधना बायदि थांखि लानानै आसामाव फैदोंमोन आरो बेनि खायसेया गिदिं फिनलांदोंमोन आरो खायसेया गागियै थानो लादोंमोन। बिसोर थानो लानाय सुबुं फोलेरनि मानसिफोरनि हारिमुजों आसामनि थाखाय हारिमुनि गलाय मोन्देरजों मोनसे गलाय मोनदेर हारिमु सोमजिदोंमोन। बेखायनो आसामाव आर्य-अनार्य बयनिबो जथाय बिहोमाजों मोनसे गलाय गथाय हारिमु सोमजिदों होनना बुंनाय जायो।

सों 7. आसामनि सावगारि आरिमुनि जारिमिनारि बेसेनथिनि सोमोन्दै सुंद ‘वै लिर। 

फिन : सा सानजा ओनसोलनि बेंखनाव थानाय आसामा दरसे हादोरसा। बे हादोरसायाव जिस्निथि जौथायसोनिफ्राय खोला भारतारि फिसा महरनि बिजाबनि सावगारिफोरबादि सावगारि राजफोलेरनि मददाव एबा सत्रफोरनि गेजेरजों सावगारि आरिमु जागायजेनो। बिदि गांनैसो सावगारि गोनां बिजाबफोरा जाबाय आनन्दलहरी, हस्ती बिद्यार्णब, चित्र भागवत, गीत ग’बिन्द, कुमार हरण, शंखचुड़ बध, लब-कुशनि दावहा आरो साचिबिलायाव लिरनाय बिजाबफोर। जायगायावनो मोननाय मुवाफोरजों मिथिंगायारि गाबजों गोबां गाबनि सावगारिफोरखौ आखिदोंमोन। 

गिबियावनो सावगारि आखिनो गोनां जायगायाव मोनसे गाब फोननानै लाग्रोयोमोन। बिनि सायाव सावगारिफोरखौ आखिनाय जायोमोन। सावगारिफोराव राजा, राजउलाफाद, मोदायजोनि सावगारि, दावहानि सावगारि, मैदेर, जिब-जुनार बायदि सरजाबनाय बिजाबनि आयदाफारिजों गोरोबहोनानै आखिनाय जादोंमोन। लांदां थानाय जायगाफोराव बिबार, बेन्दों बायदि आखिनाय जायोमोन। 

सरासनस्रायै गोजा, गोथां, गोमो आरो गोसोम गाब बाहायनायखौनो बांसिन नुयोमोन। मानसि आरो जिब-जुनारनि सावगारियाव मोखां बाहागोखौ मोजाङै बेरखांहोनाय, देहानि रुजुथाय, गोसोनि साननाय हनाय बेरखांहोनाय गोगो आदब बाहायनो रोंनायनि रोंगथि नुनो मोनाब्लाबो सावगारिफोरा गोरलै गेबें आरो नायनो समायना होननानै बुंजायो।

सावगारि आरिमुनि बिजाब ‘हस्तीबिद्यार्णब ‘खौ आह’म राजा शिवसिंहनि राज्य’ खुंनाय समाव सुकुमार बरकाइथआ रनसायदोंमोन। बे बिजाबाव बायदि रोखोमनि आरो गाबनि मैदेरनि सावगारि दं। दिलबर आरो द’साइ मुंनि सानै सावगारि आखिग्राया बेफोर सावागरिखौ आखिदोंमोन। बेफोर बिजाबफोरनि गोबाङानो दा साफाय जाबाय। 

सों 8. आसामनि दोहोरोमारि गुबुनथि आरो खौसेथिनि सोमोन्दै लिर।

फिन : आसामाव दोहोरोमारि गुबुनथि एबा बायदि बायदि दोहोरोम दं। हिन्दु, इसलाम, ख्रिष्टियान, जैन, बौद्ध, शिख आरो जनजाति एबा थागिबियारिफोरनि गावबा गाव दोहोरोम दं। बबेखानि आसामाव बांसिन मानसियानो हिन्दु धोरोमारि। हिन्दु दोहोरोमनि गेजेराव गाहायै शक्त, शैब, बैष्णब आरो सान गोहोखौ सिबिग्रा नुनो मोना। शाक्त सिबिनायनि बिथिङाव कामाख्या मोदाइजोखौ बुंनो हायो। कामाख्या मोदाइजोखौ सिबिनायनि मुदांखा मन्दिरानो जादों गुवाहाटीनि निलाचल हाजोआव थानाय कामाख्या मन्दिर। श्री श्री शंकरदेवनि नब बैष्मब सोमावसारनाया आसामनि गोबां मानसिफोरखौ बैष्णब दोहोरोमनि, फारसे गंग्लायहोदोंमोन।

ख्रिष्ट उन जिथामथि जौथाइनि गिबि बाहागोआव आसामाव इसलाम दोहोरोम हाबफैनायखौ मिथिनो मोननाय जायो। हाज ‘नि प’वाम ‘क्काया आसामनि इसलाम दोहोरोमारिफोरनि मोनसे गोथार सिबिसालि। स्वर्गदेउ गदाधर सिंहनि समाव फैनाय सुफि सानथौगिरि आजानपीर मुंजों मुंदांखा ‘साह मिलना’ लिरनाय ‘जिकिर आरो जारि ‘या आसामाव सोलिनाय रोखोमसे दोहोरोमारि मेथाइ।

मानफोरनि गाग्लोबनायाव आह ‘म राजा चन्द्रकान्त सिंहखौ मदद होनो पान्जाबनि रन्जित सिंहनि बिथोन बादियै– आसामाव फैनाय शिख रौनिया हानजानि माखासे रौनियाफोर आसामाव गागियै थालांदोंमोन। बिसोरनि फोलेरारिफोरानो दा शिख दोहोरोमखौ फोथांना लाखिनानैबो असमीया राव, हारिमु बजबनानै असमीया हारिमायारि जिउजों गोरोबफाद।

आसामनि सानजा बाहागोआव थानाय-टाइफाके, तुरुं आइतन, खामति, खामयां, नरा (श्याम) फोरा बौद्ध धोरोमारि। गेजेर मुगायाव आह ‘मफोरा उदां (गोसो गुवार) दोहोरोमखान्थि बजबनानै लादोंमोन आरो दोहोरोमारि मानसिफोरनो सिबिसालि लुनानै होना दानखेन्दा होनानै मदद होदोंमोन।

सों 9. सा-सानजा ओनसोलनि गुबुन रायजो माखासेनि रुजुनायाव आसामाव हारिमुवारि गुबुनथि, गलाय गथाय आरो गोदान महरा मानो बांद्राय जादों लिर।

फिन : सा-सानजा ओनसोलनि बेन्दोङाव थानाय आसामा दरसे हादरसा। भारतबर्षनि बादिनो आसामसिमबो जारिमिननि गुबुन गुबुन मुगा आरो थोरफोआव बायदि हारिनि मानसिया दावबायखननानै बेयाव थाफैदों। आसामाव निग्रे’ट’, अष्ट्रिक, मंग ‘लियान, आर्य, मेडिटेरेयिनि बायदि सुबुं फोलेरनि मानसिफोरा द्रावबायखनदोंमोन। बेफोर सुबुंफोलेरनि मानसिफोरा माब्लाबा सरासनस्रा हाबफैग्रा महरै, गाग्लोबग्रा महरै, बेफार फालांगि खालामनाय आरो मन्दिर दावबायनाय महरै आरो खायसेया दोहोरोमारि साधना बायदि थांखि लानानै आसामाव फैदोंमोन आरो आसामाव गागियै थानो लादोंमोन। 

जिथामथि जौथाइनि थामथि जिथाइयाव चीन हादरनि थागिरि टाइ-आहमफोरा बुरलुंबुथुर सेरफाङाव थानो लायो। जिदाइनथि जौथाइनि गिबि बाहागोआव नसुंनि ब्रह्म हादोरनिफ्राय खामटि, द ‘वनीया, टाकफाके, टुरुं, आइटनीया, नरा आरि थागिरिफोरा आसामथिं दावबायखनदोंमोन। म’गल खुंगिरिनि गाग्लोबनायनि फिथाइ महरै इसलाम दोहोरोमारि माखासे सान्थ्रिफोरा आसामाव दावहा-बन्दी महरै थालांदोंमोन। बिदिनो आसामाव बायदि बायदि सुबुंफोलेरनि मानसिफोरा गोबां हारिनि थाथि जोनोम होदोंमोन। 

बै हारि थाथिफोरनि गेजेराव रावारि गोरोबलायियाबो नोजोर होथावनामोन। बे हारि-हारिसाफोरनि गेजेराव हारियारि आखुथाइफोरा गुबुन गुबुन, रावा गुबुन, थानाय जानाय, गाननाय-जोमनाय, धोरोम फोथायनाय, जिउ सोमोन्दै साननाय, कृष्टि बायदिया गुबुन गुबुन। गासै रायजोनि मानसिनि गेजेराव गुबुन गुबुन हारिमु नुनो मोनो। थेवबो बेवहाय थानाय मानसिफोरनि गेजेराव खौसेथिनि दिरुं सोमजिनायबो नुनो मोनो।

आसामाव सानथ्र ‘हायि हारि हारिसा दङ। बिसोरनि राव, धोरोम, हारिमुवा जुदा जुदा। बे हारि हारिसाफोरा हादरसायाव जुग जुग बोसोर थानायनि जुनै नांदेरनाय, दादेरनाय आरो बांदेरनाय मावफारिनि गेजेरजों खिष्टि, हारिमु, राव थुनलाइ, सोदोमस्रि जौगानाय आरो दावगानाय जाबोदों आरो मोनसे जथाइ हारिमु सोदोमस्रि सोमजिहोदों। गुबैयै आसामाव बायदि बायदि हारि-हारिसानि मानसिफोर थानायखायनो हारिमुवारि गुबुनथि, गलाय गथाय आरो गोदान महरा बांद्राय जादों। 

सों 10. ‘सुबुं हारिमु फरायसंनायनि थाखाय सरासनस्रायै गासै समाजानो गांसे बिजाबबादि’ –बे खोथानि सायाव नोंनि मत हो। 

फिन : आसामति सुबुं हारिमुनि बाख्रिया गुफुंथार। सुबुं हारिमुनि जथाइ बिथिंफोरनि अनगायैबो आसामनि गुबुन गुबुन ओनसोल हारि-हारिसानि गेजेराव सोलिनाय रायलायनाय राव, सुबुं थुनलाइ, मेथाय, मोसानाय, दामनाय देनाय, गाननाय जोमनाथ, गहेना, जानाय-लोंनाय, न-लुनाय, आबाद मावनाय, जुनार फिसिनाय, ना हमनाय, बायदि रंजाथाइ फोरबो, औवा रायदों बाहायनाय, नखरारि आरो समाजारि सोमोन्दो, आसार खान्थि बायदि आयदायाव बायदि बिथिङाव गोसो होनोगोनां गोबां बिथिं गोसारलानानै दङ। मोनसे हारि एबा समाज गंसेनि सरासनस्रा महर, सुखु-दुखु, मावनाय रंजानाय बायदि सुबुं हारिमुनि गेजेरजों रिफिखाङो। समाज गंसेनि सोद्रोमाफोरा समाजनि गोबां हारिमुफोरखौ सोलोङालासेनो नुनानै खोनानानै दोरोङारियै फिरिनिफ्राय फिरि सोलोङो, नाथाय बैफोरजों सोमोन्दो थायि सुबुं सासेया सुबुं हारिमु आयदानि मोनफ्रोमबो खोथानिनो फिसा फिसा बिथिंफोरखौ गोसो होना बिजिरोब्लासो बुजि मोनो।

आसामनि सुबुं हारिमुनि गोख्रों महरा बांसिनै थुबुर जानानै दं सुबुं फोरबो बिहु आरो बिहु मेथाइजों (बैसागु मेथाइ) लोगोसे कामरुपीया, ग’वालपरिया आरो टकारि सुबुं मेथाइयाव। बेयाव साधारन आबाद मावग्रा एबा मावनानै जाग्रा मानसिनि जिउनि रंगिना महरा बेरखादों। बिहु फोरबोखौ बोसोरनि मोनथाम दानाव फालिनाय जायो। बैसाग दाननिया रंजालि बैसागो, काथि दाननिया काथि गासा आरो माग दाननिया मागो (भगालि बिहु)। बे मोनथाम बिहुनि मादाव रंजालि बैसागोआ बांसिन रंजा बाजासिन। बे रंजालि बैसागोखौ उदां बोथोराव फालिनायखायनो मानसिनि गोसोया बांसिन रंजायो। बे फोरबोयाव खननाय बैसागु मेथाइ आरो मोसानाया नांफानानै दं फोथारखौ फसल रज ‘होनाय बे गोजाम फोथायनायजों।

समाज एबा हादर गंसेयाव गोबां हारि हारिसानि मानसि थायो। मोनफ्रोमबो हारिनि सुबुं हारिमु फालिनायनि आखुथाझ्या जुदा जुदा जायो आरो बेखायनो सुबुं फोरबोनि मुंफोराबो गुबुन गुबुन जायो। जेरै बिहु फोरबोखौ गुबुन गुबुन हारिफ्रा गुबुन गुबुन मुङैमख ‘यो आरो गुबुन गुबुन नेम खान्थिजों फालिनाय नुनो मोनो। मिसिंफोरा बिहुखौ ‘आलियाइ लिगां’, लालुंफोरा ‘बहागी उत्यब’, देवरिफोरा ‘बहागीय बिसु’ मुङैमख ‘यो। राभाफोरनि देरसिन रंजाथाइया जाबाय बायख’ फोरबो। बायख’नि ओंथिया गाहाइ मोदाइजो। 

बायख’या मायातारि राभाफोरनि आबादनि गाहाइ मोदाइजो। बिदिनो मोसानाय मुसुरनायनि बिथिङावबो गुबुन गुबुन नुनो मोनो। बर ‘फोरनि बागुरुम्बा मोसानाय, कारबि मोसानाय, राभा मोसानाय, टिवा मोसानाय बायदियावबो गुबुनथि दं। थिक बे बादिनो मेथाइ खननाय, आसार खान्थि, धोरोम फोथायनाय, थानाय जानाय, सुबुं मेथाइ, राव बायदि बिथिङाव हारि लानानै हारि गुबुनथि नुनो मोनो। मोनफ्रोमबो हारिनि, सुबुं हारिमुनि फारिलायखौ फरायनानै फोजोबनो हायिबादि गोलाउ। बेनिखायनो सुबुं हारिमु फरायसंनायनि थाखाय सरासनस्रायै गासै समाजखौनो गांसे बिजाबबादि बुंनो हायो।

सुंथाब बिजिरथि लिर

1. गोजाम भारतनि दाथाइखलि: भारतनि दाथाइखलिनि गोजामसिन नेरसोनफोरखौ गाहायै मन्दिर, स्तुप, दोहोरोम सिबिसालिफोराव मोनो। सुलतान आरो बादशाहनि मुगायाव गुबैयै मोनब्रै रोखोमनि दाथाइखलि नुनो मोनो-मसजिद, मन्जिल, माक ‘वारा (गोथै फबनाय) आरो मिनार (नेरसोन खाम्फा)। गोजाम भारतनि मन्दिरनि दाथाइ आदबखौ गाहायै सा भारतनि नागर, खोला भारतनि द्रबिड़ आरो बिन्ध्य आरो कृष्ण दैमानि गेजेर बाहागोआव नुनो मोननाय बेचर आदब बाहायनानै लुनाय जादोंमोन। बे मन्दिरफोरनि कारिकरि एबा शिल्प रोंथाइया सोमोनांथावमोन। बे मन्दिरफोरखौ हिन्दु बास्तुशात्र बादियै लुनाय जादोंमोन। 

भारतनि गोबां स्तुपफोरनि गेजेराव साचीनि स्तुपनि महरा साबसिन होनना बुंनाय जायो। गोजाम दाथाइखलि बादियै साचीनि स्तुप, अजन्तानि खंखरफोर आरो ताजमहला मुंदांखा महरै सिनाय जादों।

2. भारतारि सावगारि आरिमु: गोजाम भारतनि सावगारि आरिमुखौ मोननै बाहागोआव मोननो हायो। मोनसेया जाबाय गिदिर गुवार इनजुर सावगारि आरो गुबुन मोनसेया जाबाय फिसा महरनि सावगारि। फिसा महरनि सावगारिखौ बिजाबफोरखौ समायना खालामनो आरो सावगारिजों फोरमायथिहोनो आखिनाय जायोमोन। 

मोननैबो सावगारि आरिमुखौ भारतनि दाब दाब जायगायाव थानाय बौद्ध, जैन, हिन्दु दोहोरोमारि आयदाखौ लानानै अजन्ता (महाराष्ट्र) बाध (मध्यप्रदेश) चित्तानावचल (तामिलनाडु), आरमामालाइ (तामिलनाडु) बायदिनि खंखरफोराव आखिनाय जायोमोन। बेफोरनि गेजेराव अजन्तानि इन्जुरनि सावगारिफोरा मुलुगदांखा। बबेखानि जिथि जौथाइसोनिफ्राय भारतनि खायसे हादोरसायाव तालबिलाइ, साचि बिलाइ, पाटनि बायदियाव फिसा महरनि सावगारि आखिनाय जादोंमोन। म ‘गलनि दिनाव बादशाहफोरनि जिउखौरांखौ बिथा खालामनानै बिजाबफोराव सावगारि आखिनायनि द्लाम सर्सा जादोंमोन।

3. भारतनि मेथाइ आरो मोसानाय जारिमिनारि बेसेनथिः मेथाइनि बेलायाव भारता मोनसे जौगा थाखोनि जारिमिनारि बेसेनथि दं। सामबेदनि स्त ‘त्रफोरखौ हुम सावनायाव मोदाइनि गोजोननि थाखाय उदगाता मुनि पुर ‘हितफोरा मेथाइ महरै आवरायोमोन। उन समाव उदगाताफोरनि सुर, तालनि सोलाय सोल’ जानानै गोबां बाहागोयाव रानजायो। भारतनि ध्रुपदी (शास्त्रीय) मेथाइया दिनैसिमबो सोलिना दं। मेथायजों लोगोसे बायदि रोखोमनि दामग्रा देग्रा दिहुननाय जादोंमोन आरो बै दामग्रा-देग्राफोरा दिनैसिमबो गुवारै बाहायजागासिनो दं। मेथाइनि लोगोसे मोसानायनि बेलायावबो भारतवर्षयाव गोख्रों दोरों दोंङ। हादरनि खना खनला थानाय सानथ्रहायि सुबुं मोसानायनि अनगायैबो सोरखारनि गनायथि मोननाय मोन दाइन रोखोमनि ध्रुपदी मोसानाय दें। बे मोनदाइन रोखोमनि मोसानाया जाबाय कथाकलि, म’हिनी आट्टम, भारतनाट्यम, कुसिपुड़ि, अडिसि, कथक, सत्रीया आरो मणिपुरी।

4. आसामनि दाथाइखलि: आसामाव थानाय दाथाइखलिफोरा गेजेर मुगानि आरो आह ‘म राजफोलेरनि एबा क’च राजाफोरनि मददाव लुजानाय। आह ‘मनि खुंथाय समाव लुजानाय दाथाइखलिफोरा जाबाय-राजानि अट्टालिका महरै-रंघर कारेंघर आरो तलातल घर आरो मन्दिर महरै- कामाख्या मन्दिर, उग्रतारा मन्दिर, उमानन्द मन्दिर, नबग्रह मन्दिर, शिबद ‘ल, जयद ‘ल, देबिद’ल, हाज ‘नि हयग्रीब मन्दिर, शुक्लेश्वर देबालय बायदि। तलातल न ‘खौ लुनो जागायदोंमोन स्वर्गदेव रुद्रसिंहवा। 

माखासे थाला गोनां बे न ‘खौ ‘राजेश्वर सिंह आरो बिनि उननि राजाफोरा लुनायखौ फोजोबदोंमोन। रंघरखौ लुनाय जादोंमोन थालानैनि। मोखांनि फोथाराव बिहु मोसानाय नायनो थाखाय बेखौ लुदोंमोन। आह’म खुंथायनि समाव माखासे अन्थाइनि दालांबो लुनाया जादोंमोन। इथा गाथियो थाखाय आसामा गावनि आदबजों ना सल, दाउदै, माइब्रा माइरं बायदिजों हाब्रु बानायनाय जायोमोन। आह ‘म खुंथाइ खान्थियाव बेफोर लुफुंनाय हाबाखौ नायनो थाखाय चांरुं फुकन मुंनि सासे मावगिरि

थायोमोन।

5. आसामनि लन्थाइखलिः अन्थाइफोराव दानखोनानै बायदि मुसुखानि महर होनायानो लन्थाइखलि। आसामनि गुबुन गुबुन जायगानि मन्दिरनि इन्जुरफोराव बेफोरबादि अन्थाइ दानख ‘नानै मुसुखा मोननाय जादों। अन्थाइनि अनगायैबो मैदेर हाथाइ, सना, रुफा, तामा, दंफां बायदिजोंबो मुसुखा बानायनाय जादोंमोन। बे मुसुखाफोरनि गेजेराव मोदायजोनि मुसुखा, शिब, विष्णु, गनेश, सान, मगर, गराय, मैदेर, सिंह बायदि। तेजपुरनि द-पर्बतीया, गुवाहाटी खाथिनि मदनकामदेब, ग’वालपारानि सुर्य हाजो फोराव लन्थाइखलि नेरसोन दङ। 

आरिमुवारि हारोंथाइनिफ्राय द-पर्बतीयानि अन्थाइनि गेटनि गाहाय बाहागोआव गंगा जमुनानि मोननै मुसुखा दं। गेटाव गुबुन माखासे मुसुखाबो दं। बे लन्थाइखलिखौ गुप्त मुगानि गोहोमाव गोलैनानै खृः दथि जौथायाव बानायनाय जादोंमोन होनना थि खालामनाय जादों। मोसाफुनाय आरो अननाय फोरमायना हौवा-हिनजाव, बायदि जिब-जुनार, भैरब, सुर्य, बिष्णुनि मुसुखा बायदि बेयाव नुनो मोनो।

6. आसामनि बैष्णबी थुनलाइ: शंकरदेब आरो माधबदेब दैदेननायाव जिबाथि जौथाइयाव जागायनाय नबबैष्णब सोमावसारनाया असमीया समाज जिउनि गासैबो बिथिङावनो गोख्रोंङै गोहोम खोलैदोंमोन। बे दोहोरोमारि सोमावसारनायनि गोहोमावनो बैष्णबी थुनलाइया रनसाय जादोंमोन। गोबां खन्थाइ, थुनफावथाइ, मेथाइ, चरित फुथि (जिउखौरां), रायथाइ थुनलाइ बायदिया रनसाय जादोंमोन। 

थुनलाइफोरनि गुबै आयदाया रामायण, महाभारत, पुराण, हिन्दु धोरोमनि सानथौबादि। शंकरदेबनि ‘कीर्टन’ आरो माधबदेबनि ‘नामघ’षा’ आरो गुरु सानैनि ‘बरगीतफोरा बांसिन गनायजानाय मोन। शंकरदेबा रनसायनाय पत्नीप्रसाद, कालीय दमन, केलिग ‘पाल, रुक्मिणी हरण, पारिजात हरण, राम बिजय आरो माधबदेबनि च ‘रधरा पिम्परा गुच ‘वा बायदि दिन्थिगासे थुनफावथाइफोरखौ फोरबोयाव भावना खुंनानै दिन्थिनाय जायोमोन। बेबादिनो बैष्णबी मुगायाव गोबां थुनलाइ सोरजिजादोंमोन। 

7. आसामनि सुबुं मेथाइः आसामाव जुदा जुदा थासारि आरो जुदा जुदा गोनांथियाव खननाय बायदि रोखोमनि सुबुं मेथाइफोर दङ। माखासे सुबुं मेथाइफोरा गोमालांनायनि फारसे दावगालांदों आरो माखासेया दासिमबो सोलिगासिनो दं। गथ’ बुरखायनाय मेथाइ, हाबा मेथाइ, आइनाम, धाइनाम, कामरुपी ल’कगीत, ग ‘वालपरीया ल’कगीत, ट ‘कारी गीत, दरंनि चियागीत, नाङाली मुंनि लावखार मेथाइ आरो चेरा ढेक बायदिफोरा आसामाव सोलिनाय सुबुं मेथाइनि माखासे बिदिन्थिफोर। बेफोरनि गेजेराव हाबा मेथाइ, कामरुपीया ल’कगीत, ग’वालपरीया ल’कगीतफोरा जोबोर सुबुंनि अनसायनाय मोन्दों। 

हाबा मेथाइफोरखौ हौवा गोदान हिनजाव गोदान थुखैनाय समाव, बरायनाय, हौवा नखर–हिनजाव नखर गावसोरजों गाव जंखायलायनाय बायदियाव खननाय जायो। कामरुपी ल’कगीत, ग’वालपरीया ल’कगीत आरो ट’कारि गीतफोरा गाहायै जिउनि सुखु-दुखु, देहानि दान्दिजोर, जिउवाव ग’साइ सिबिनाय गोनांथि बायदि फोरमायारि मेथाइ। रुंसारि खगेन महन्त रामेस्वर पाठक आरो प्रतिमा पाण्डे बरुवाया ल’कगीताव (सुबुं मेथाइ) बिहोमा होनायनि थाखाय संगीत नाटक एकादेमि बान्था मोन्दों। बिसोरनि गेजेराव प्रतिमा पाण्डे बरुवाया पद्मश्री बान्थाखौबो मोननो हादों।

8. आसामनि दोहोरोमारि जथाइः आसामनि दोहोरोमारि जथाइ एबा खौसेथिया मोनसे मख ‘थावना बिथिं। आसामाव बांसिन मानसियानो हिन्दु दोहोरोमारि। बेनि उनाव दं इसलाम, ख्रिष्टियान, जैन, बौद्ध, शिख आरो जनजाति एबा थागिबियारिफोरनि गावबा गाव दोहोरोमफोर। हिन्दु दोहोरोमनि गेजेराव गाहायै शाक्त, शैब, बैष्णब आरो सान गोहोखौ सिबिग्रा नुनो मोनो। शाक्त सिबिनायनि बिथिङाव, कामाख्या मोदाइजोखौ बुंनो हायो। श्री श्री शंकरदेबनि नब बैष्णब सोमावसारनाया आसामनि गोबां मानसिफोरखौ बैष्णब धोरोम फारसे गंग्लायहोदोंमोन। जिथामथि जौथाइनि गिबि बाहागोआव आसामाव इसलाम दोहोरोम हाबफैनायखौ मिथिनो मोननाय जायो। स्वर्गदेउ गदाधर सिंहनि समाव फैनाय सासे सुफि सानथौगिरि ‘साह मिलना’ लिरनाय ‘जिकिर आरो जारि ‘या रोखोमसे दोहोरोमारि मेथाइ। 

जुदिय’ आसामाव गुबुन गुबुन दोहोरोमारिनि सुबुंफोर दं थेवबो दोहोरोमारि खौसेथि थानाय नुनो मोनो। मानो होनब्ला गेजेर मुगानि आह ‘म स्वर्गदेउफोरानो धोरोमनि बेलायाव गुवार गोसोनि (उदार) दोहोरोमखान्थि नाजावनाय नुनो मोनो। बिसोर बायदि दोहोरोमारिनि मानसिनो सिबिनायनि सिबिसालि लुना होदोंमोन। बेफोर खोथाफोरानो आसामाव दोहोरोमारिनि खौसेथि थानायखौ फोरमान होयो। 

9. आसामनि बुरन्जी थुनलाइः गेजेर मुगानि आसामनि देरसिन हारिमुवारि आखुथाइया जादों बुरन्जी (जारिमिन) थुनलाइनि सोरजि। गेजेर मुगानि आह’म राजा आरो गोजौ थाखोनि मावग्राफोरनि मददाव जारिमिन थुनलाइफोरा सोरजिजादोंमोन। राजानि जाथाइफोरखौ लानानै लिरनाय बे थुनलाइखौ गिबियाव टाइ रावाव लिरनाय जादोंमोन। जिदथि जौथाइनिफ्राय असमीया रावजों लिरनो लानाय जायो। ‘स्वर्गनारायण महाराजनि आख्यान (सल’)” आ असमीया रावाव रनसायजानाय गिबि जारिमिन थुनलाइ। बेखौ 1526 मायथाइयाव रनसायनाय जादोंमोन। ब्रिटिस खुंथाइनि समाव आहम राजाफोरनि मददाव लिरजानाय गोबां जारिमिन बुरखांनाय, संरखा आसे सेबखांना दिहुननाय जायो। बिदि माखासे जारिमिन थुनलाइया जाबाय–देवधाइ बुरन्जी, तुंखुङीया बुरन्जी, कछारि बरन्जी, जयन्तीया बुरन्जी, त्रिपुरा बुरन्जी, खन्थाइ बरन्जी बाइदि।

10. बिहु रंजाथाइ फोरबो: बिहुवा आसामनि मोनसे जोबोर अनसायजानाय रंजाथाइ फोरबो। बिहुवा गाहायै आबादारि फोरबो। बिहु मेथाइयाव साधारन आबाद मावग्रा आरो मावनानै जाग्रा मानसिनि जिउनि रंगिना महरा बेरखाङो। बिहु फोरबोनि उजिनाय समखौ सायख ‘नो हानाया गोब्राब खामानिब्लाबो बेखौ थि खालामनाय जादोंदि आहम फैनायनि गोबां सम सिगांनिफ्रायनो बे फोरबोआ सोलिदोंमोन। बिहु फोरबोखौ बोसोरनि मोनथाम दानाव फालिनाय जायो। बैसाग दानाव फालिनाया रङालि बिहु (रंजालि बैसागो), काति दाननिया कति बिहु (काति गासा) आरो मागो दाननिया भ’गालि बिहु (मागो)। बे मोनथाम बिहु फोरबोखौ जुदा जुदा नेमखान्थियै खुंनाय जायो।

बैसाग दानाव खुंनाय रंजालि बैसागोआनो बयनिख्रुइ रंजा-बाजासिन। बिहु मेथाइ आरो बिहु मोसानायनि गेजेरजों आबाद फसलनि खामानि मावनाय आरो बे खामानिनि गेजेरजों सेंग्रा सिख्लानि मिजिं, मोजां मोननाय एबा जुलिनि मिजिं आसाफोरखौ बेरखां होनाय नुनो मोनो।

खाथि दानाव फालिनाय खाथि गासाया माय आबाद थरायनानै ओंखारसारनाय आरो बे ओंखारसारनाय फसलखौ सखा-दाउफोरनिफ्राय एबा एमफु-एनलानिफ्राय रैखाथि लाखिनायजों सोमोन्दो दं। खाथि गासायाव आबाद थिलियाव आलारि फोजोंनानै माइनावखौ बरायनाय जायो।

मागो दाननि भ’गालि बिहु एबा मागोआ आबाद फसलखौ फोथारनिफ्राय लाबोनानै रंजा-बाजा जानायजों सोमोन्दो दङ। पुष दाननि जोबथा सान जायखौ संक्रान्ति मुङै मिथिनाय जायो बै साननि सानसे सिगाङावनो उरुका। उरुका खालि हराव लावखार ओंखाम, फिथा बायदि जानाय जायो आरो सोरांब्लानो बेलागुर सावनाय जायो। आसामनि बिहु रंजाथाय फोरबोनि आसार खान्थिफोराव आसामनि आर्य-अनार्य बायदि हारि हारिसाफोरनि सुबुं हारिमुवारि थादेरसानि गोरोबलायनाय नुनो मोनो।

उफ्रा सोंनायनि फिननाय

सुंद’ फिननायनि सोंनायः

सों 1. सिन्धु सोदोमस्रिनि जोबस्रांनाया माब्ला जादोंमोन? 

फिन : सिन्धु सोदोमस्रिनि जोबस्रांनाया अजायै 1500 ख्रिष्टगिबि मायथाइयाव जादोंमोन।

सों 2. भारतनि गोजाम मुगायाव थुनलाइफोरखौ मा रावजों सोरजिदोंमोन? 

फिन : संस्कृत राव। 

सों 3. सा भारतनि मन्दिरफोरनि सा ब्राहागोनि महरा माबादि?

फिन : सा भारतनि मन्दिरफोरनि सा बाहागोनि महरा खाव बेंखन।

सों 4. खोला भारतनि मन्दिरफोरनि सा बाहागोनि महरा माबादि?

फिन : खोला भारतनि मन्दिरफोरनि सा बाहागोनि महरा आयत महरै फारियै गोजौजों फिसा जालांनाय। 

सों 5. अश ‘क खाम्फानि गोजौवाव थानाय जुनारनि मुसुखाया सोरनि जिवनि बायदि जाथाइजों सरजाब जानाय? 

फिन : अश’क खाम्फानि गोजौवाव थानाय जुनारनि मुसुखाया गौतम बुद्धनि जिउनि बायदि जाथाइजों सरजाब जानाय।

सों 6. गान्धार आरिमु सोलोआ बबे ओनसोलाव गोसारदोंमोन? 

फिन : गान्धार आरिमु सोलोआ सा–सोनाब पाकिस्तान एबा सानजा आफगानिस्तान ओनसोलाव गोसारदोंमोन। 

सों 7. अमराबती लन्थाइ आरिमुवा बेसेबां बोसोरफ्राम सोलिदोंमोन?

फिन : अमराबती लन्थाइ आरिमु एबा अमराबती शिल्पकलाया ख्रिष्टिगिबि थामथि जौथाइनिफ्राय 600 बोसोरफ्राम सोलिदोंमोन। 

सों 8. गोजाम भारतनि मोनसे मुंदांखा इनजुर सावगारि आरिमुनि मुं मख’। 

फिन : अजन्तानि सावगारि आरिमु।

सों 9. गोजाम आसामनि राजखान्थियारि जारिमिनखौ माब्लानिफ्राय बोखांनाय जायो?

फिन : गोजाम आसामनि राजखान्थियारि जारिमिनखौ ख्रिः ब्रैथि जौगायाव बर्मन फोलेर गायसन जानायनिफ्रायनो बोखांनाय जायो।

सों 10. आहमफोरा आसामखौ बबे मायथाइनिफ्राय बबे मायथाइसिम खुंदोंमोन? 

फिन : आहमफोरा आसामखौ 1253 मायथाइनिफ्राय 1826 मायथाइसिम खुंदोंमोन।

सों 11. आसामाव असमीया रावजों जारिमिन थुनलाइफोरा माब्लानिफ्राय लिरजादोंमोन?

फिन : आसामाव असमीया रावजों जारिमिन थुनलाइफोरा जिद ‘थि जौथाइनिफ्राय लिरजादोंमोन।

सों 12. आसामाव असमीया रायथाइ थुनलाइखौ सोर जागायजेनदोंमोन।

फिन : भट्टदेब।

सों 13. भट्टदेबनि आबुं मुङा मा?

फिन : भट्टदेबनि आबुं मुङा जाबाय बैकुन्ठनाथ भागबत भट्टाचार्य। 

सों 14. जारिमिन थुनलाइया मा?

फिन : राजानि जाथाइफोरखौ लानानै लिरजानाय थुनलाइफोरानो जारिमिन थुनलाइ। 

सों 15. आसामाव इसलाम दोहोरोमा माब्ला हाबफैदोंमोन?

फिन : आसामाव इसलाम दोहोरोमा ख्रिः जिथामथि जौथायनि गिबि बाहागोआव हाबफैदोंमोन।

सों 16. सिन्धु हायेनाव सोमजिखांनाय गंनै नोगोरनि मुं लिर। 

फिन : सिन्धु हायेनाव सोमजिखांनाय गंनै नोगोरनि मुङा जाबाय–

(i) हरप्पा।

(ii) महेन्ज ‘दार’।

सों 17. आसामाव थानाय मोननै सुबुं फोलेरनि मुं लिर।

फिन : आसामाव थानाय मोननै सुबुं फोलेरनि मुङा जाबाय– 

(i) मंगलीय फोलेर।

(ii) आर्य फोलेर।

सों 18. भारतारि हारिमुनि मोननै जर ‘खा आखुथाइया मा मा? 

फिन : भारतारि हारिमुनि मोननै जर ‘खा आखुथाइया जाबाय–

(i) हारिमुवारि गोबांथिखान्थि (Multi Culturalism) 

(ii) गोरोबालायिनि गेजेराव खौसेथि (Unity in Diversity)

सों 19. भारतबर्षयाव गोबां जुदाथि थासेयावबो भारतारिफोरनि गेजेराव गोरोबलायनाय सोरजिहोनाय जाहोथाइ (factor) मोनथाम लिर।

फिन : भारतवर्षयाव गोबां जुदाथि थासेयावबो भारतारिफोरनि गेजेराव गोरोबलायनाय सोरजिहोनाय जाहोथाइफोरा जाबाय–

(i) हिन्दु धोरोमनि गावनि गोबांथिबाद एबा गुवार गोसो। 

(ii) गुबुन गुबुन समाव सोमजिनाय साम्राज्यफोरा सोमजिहोनाय राजखान्थियारि खौसेथिनि जारिमिन।

(iii) गुबुन गुबुन मुगानि खुंथाइगिरिफोरनि दोहोरोमारि एबा हारिमुवारि गुवार गोसो।

सों 20. गोजाम भारतनि साथाम बिगियानगिरिनि मुं लिर।

फिन : गोजाम भारतनि साथाम बिगियानगिरिया जाबाय–

(i) आर्यभट्ट।

(ii) बराह मिहिर।

(iii) ब्रह्मगुप्त।

सों 21. सुलतान आरो बादशाहनि मुगायाव लुफुंनाय मोनथाम दाथाइखुलि रायखां। 

फिन : सुलतान आरो बादशाहनि मुगायाव लुफुंनाय मोनथाम दाथाइखुलिया जाबाय–

(i) मसजिद।

(ii) मन्जिल (राजउलाफाद)।

(iii) माक’वारा (गोथै फबनाय)।

(iv) मिनार (गम्बुज एबा नेरसोन खाम्फा)।

सों 22. भारतारि दाथाइखलिनि सा-भारत आरो खोला-भारतनि मन्दिरफोरनि सा बाहागोनि महरा मा बादि?

फिन : भारतारि दाथाइखलिनि सा-भारतनि मन्दिरफोरनि सा बाहागोआ खाव बेंखन महरनि आरो खोला भारतनि मन्दिरफोरनि सा बाहागोआ आयत महरै फारियै गीजौजों फिसा जालांनाय। 

सों 23. म’गलफोरनि समाव फिसा महरनि सावगारि आरिमु थानाय गां थाम बिजाबनि मुंलिर।

फिन : म’गलफोरनि समाव फिसा महरनि सावगारि आरिमु थानाय गां थाम बिजाबा जाबाय–

(i) पादसाहनामा।

(ii) तुतिनामा।

(iii) जाहांगीर नामा।

सों 24. सोरखारजों गनायजानाय ध्रुपदी (शास्त्रीय) मोसानाया बेसेबां रोखोमनि आरो मा मा?

फिन : सोरखारजों गनायजानाय ध्रुपदी (शास्त्रीय) मोसानाया मोन दाइन रोखोमनि। बेफोर जाबाय– कथा कलि, म’हिनी आट्यम, भरतनाट्यम, कुसिपुड़ि, अडिसि, कथक, सत्रीया आरो मणिपुरी।

सों 25. ‘नर्थ इष्ट काउन्सिल ‘नि गाहाइ थांखिया मा? बे काउन्सिलनि सिङाव बबे बबे हादोरसाया दङ?

फिन : सा सानजा ओनसोलनि रांखान्थियारि थामिनखौ गोख्रै जौगामोखां खालामनायानो नर्थ इष्ट काउन्सिलनि गाहाइ थांखि। बे काउन्सिल सिङाव थानाय हादरसोफोरा जाबाय– आसाम, मेघालय, मणिपुर, नागालेण्ड, अरुनाचल प्रदेश, मिज’राम, त्रिपुरा आरो सिकिम।

सों 26. भट्टदेबा रनसायनाय गांथाम रायथाइ थुनलाइ बिजाबनि मुं लिर। 

फिन : भट्टदेबा रनसायनाय गांथाम रायथाइ थुनलाइया जाबाय–

(i) कथागीता।

(ii) भागवत कथा।

(iii) रत्नावली कथा। 

सों 27. जारिमिन थुनलाइ माखौ बुंनाय जायो? आसामाव जारिमिन थुनलाइखौ बबे रावाव लिरजेननाय जादोंमोन? 

फिन : राजानि जाथाइफोरखौ लानानै लिरनाय थुनलाइयानो जारिमिन थुनलाइ। राज्य ‘नि गाहाइ राजखान्थियारि जाथाइ, राज आरो राज नखरनि बिजिरथाइ, हादर जै खालामनाय आरो राज्यो फेहेरनायनि सल’फोर, खुंथाइ राहानि बिजिरथाइ आरिखौ आहमफोरा राज्यो खुंजेननायनिफ्रायनो लिरनानै लाखिनाय राहा दोंमोन होनना मिथिनाय जायो। बेबादि लिरनानै लाखिनाय जाथाइ मालाखौनो बिसोर ‘बुरन्जी’ (जारिमिन) बुंनाय जायोमोन। 

आसामाव जारिमिन थुनलाइखौ गिबियाव टाइ रावाव लिरनाय जादोंमोन।

सों 28. ‘हस्तिबिद्यार्णब’ बिजाबखौ सोर रनसायदोंमोन आरो बे बिजाबनि सावगारि बोग्राया सोर सोर? 

फिन : सुकुमार बरकाइथा हस्तिबिद्यार्णब बिजाबखौ रनसायदोंमोन। बे बिजाबनि सावगारि बोग्राया जाबाय दिलबर आरो दसाइ।

सों 29. ल ‘कगीत (खुगा मेथाइ) नि बिथिङाव संगीत नाटक एकादेमि बान्था मोननो हानाय साथाम असमीया सुबुंनि मुं लिर।

फिन : ल ‘कगीतनि (खुगा मेथाइ) बिथिङाव संगीत नाटक एकादेमि बान्था मोननो हानाय साथाम असमीया सुबुंफोरा जाबाय–

(i) खगेन महन्त।

(ii) रामेस्वर पाठक।

(iii) प्रतिमा पाण्डे बरुवा।

सों 30. अजापालियाव संगीत नाटक एकादेमि बान्था मोननो हानाय सानै सुबुंनि मुं लिर। 

फिन : अजापालियाव संगीत नाटक एकादेमि बान्था मोननो हानाय सानै सुबुङा जाबाय–

(i) ललित चन्द्र नाथ।

(ii) किनाराम नाथ।

Leave a Reply