SEBA Class 10 Social Science Solution In Bodo| Chapter-13| रांखान्थियारि जौगानाय

SEBA Class 10 Social Science Solution In Bodo| Chapter-13| रांखान्थियारि जौगानाय, सूची में प्रत्येक अध्याय का उत्तर प्रदान किया गया है ताकि आप आसानी से विभिन्न अध्याय एनसीईआरटी समाधान कक्षा 10 सामाज बिगियान Bodo Medium में खुल सकें और एक की आवश्यकता का चयन कर सकें। इसके अलावा आप एनसीईआरटी (CBSE) पुस्तक दिशानिर्देशों के अनुसार विशेषज्ञ शिक्षकों द्वारा इस खंड में NCERT पुस्तक ऑनलाइन पढ़ सकते हैं। ये समाधान NCERT Bodo (MIL) समाधान का हिस्सा हैं। यहां हमने कक्षा 10 NCERT सामाज बिगियान पाठ्य पुस्तक समाधान सामाज बिगियान के SEBA Class 10 Social Science Solution In Bodo| Chapter-13| रांखान्थियारि जौगानाय लिए दिए हैं आप यहां इनका अभ्यास कर सकते हैं।

SEBA Class 10 Solutions

SEBA CLASS 10 (Ass. MEDIUM)

SEBA CLASS 10 (Bangla MEDIUM)

SEBA CLASS 10 (English MEDIUM)

SEBA Class 10 Social Science Solution In Bodo| Chapter-13| रांखान्थियारि जौगानाय

SEBA Class 10 Social Science Solution In Bodo| Chapter-13| रांखान्थियारि जौगानाय ये उत्तर संबंधित विषयों के अनुभवी प्रोफेसरों द्वारा सावधानीपूर्वक तैयार किए जाते हैं। उनका उद्देश्य छात्रों को विषय की उचित समझ में मदद करना और उनके कौशल और अभिव्यक्ति की कला में सुधार करना है। यदि ये उत्तर उन उद्देश्यों को पूरा करते हैं जिनके साथ वे तैयार किए गए हैं, तो हम अपने प्रयास को पर्याप्त रूप से पुरस्कृत मानेंगे। इन उत्तरों में और सुधार के लिए किसी भी सुझाव का हमेशा स्वागत है।

नैथि खोन्दो

उनसोलोंथि

सुंथाबथार फिननायनि सोंलु :

सों 1. सारिसेजों एबा बाथ्रा फंसेजों फोरमायः

(क) रांखान्थियारि गोसारनाय। 

(ख) संखान्थियारि जौगानाय।

(ग) सुबुं जौगानाय।

(घ) रांखान्थियारि बिथांखि।

(ङ) फोरजाखान्थियारि बिथांखि।

(च) उदां खालामनाय।

(छ) गावारि खालामनाय।

(ज) गल ‘कारि एबा मुलुगनां खालामनाय।

फिन : (क) रांखान्थियारि गोसारनाय : रांखान्थियारि गोसारनाया जाबाय हादार गंसेनि हारियारि आय आरो सुबुं सासेयारि आय बांनाय।

(ख) रांखान्थियारि जौगानाय : ‘रांखान्थियारि जौगानो गोनांब्ला रा़ंखान्थिया गोसारनांगोन। मानोना रांखान्थियारि गोसारनाया रांखान्थियारि जौगानायनि बाहागोल’। 

(ग) सुबुं जौगानाय : सुबुं जौगानाया सरासनस्रा सुबुंनि जथाय साबजानायनि गोसारनायखौसो फोरमायो।

(घ) रांखान्थियारि बिथांखि : थिखानाय समनि गेजेराव माखासे थि थांखियाव मोनहैनो थाखाय मोनसे मिरुवारि मावथि हानजाया हादोरनि रांखान्थिनि सामलायनाय आरो लामा दिन्थिनायानो जाबाय रांखान्थियारि बिथांखि।

(ङ) फोरजाखान्थियारि बिथांखि : जाय बिथांखिखौ बानायनायनि बायदि थाखोआव रायजोफोर बाहागो लाफानाया थि जायो बिदि बिथांखियानो जाबाय फोरजाखान्थियारि बिथांखि।

(च) उदां खालामनाय : हादोरनि रांखान्थि बेबस्थानि सायाव थानाय हादोरनि सामलायनायखौ गोरलै खालामनानै होनायानो जाबाय उदां खालामनाय।

(छ) गावारि खालामनाय : सोरखारि सामलायनाय आरे बेबस्थाफोरनि सिङाव थानाय फसं थानफोरा सोरखारि नङि खोन्दोसिम हगारहरनाय खान्थियानो जाबाय गावारि खालामनाय। 

(ज) ग ‘लकारि एबा मुलुगनां खालामनाय : हादोर गंसेनि रांखान्थिजों लोगोसे मुलुगनि गुबुन गुबुन हादोरनि रांखान्थिनि फोनांजाबलायनाय एबा जथायलायनायखौनो ग’लकारि खालामनाय एबा मुलुगनाय बुङो।

सुंद’ फिननायनि सोंलु

सों 2. रांखान्थियारि गोसारनाय आरो रांखान्थियारि जौगानायनि गाहाइ फारागथि मोननै लिर।

फिन : (1) रांखान्थियारि गोसारनाया जाबाय हादर गंसेनि हारियारि आय आरो सुबुं सासेयारि आय बांनाय।

फारसेथिं रांखान्थियारि जौगानाय जानो गोनांब्ला रांखान्थियारि गोसारनाय जानांगोन। मानोना रांखान्थियारि गोसारनाया रांखान्थियारि जौगानायनि बाहागोल’।

(2) रांखान्थियारि गोसारनायनि ओंथिया गेसेब आरो रांखान्थियारि जौगानायनि ओंथिया गुवार।

सों 3. सुबुं जौगानायनि मोनथाम दिन्थिया मा मा? 

फिन : सुबुं जौगानायनि मोनथाम दिन्थिया जाबायः

(1) मिजिंथिनाय आवै।

(2) सोलोंथाइ आरो

(3) जिउ खुंनायनि मान।

सों 4. जथायारि साबजानायनि गोसारदलानाय जाफुंदों होनब्ला मा मिथियो?

फिन : जथायारि साबजानायनि गोसारदलानाय बुङोब्ला सुबुं जौगानायखौनो मिथियो। बायदि सुबुंनि गावबा गाव साबजानाय-साबजायि एबा मोजां मोननाय- मोजां मोनिनि सायाव बिथा खालामनानै जथुमनि जथाय सानजानायखौ थि खालामो। सुबुं जौगानायनि मोनथाम दिन्थिया जाबाय– (1) मिजिंथिनाय आवै (2) सोलोंथाइ आरो (3) जिउ खुंनायनि माना बेफोर जाबजानायनि गुबै बाथ्रा। 

सुबुं जौगानायनि मिरुवानो जाबाय सरासनस्रा सुबुं कारिकरि फोरमायलु एबा हमदांथिफोरा नङा। रांखान्थियारि बांनाय आरो सुबुं जौगानायनि गेजेराव थानाय फारागथिया जाबाय– रांखान्थियारि गोसारनाया मोनसेल’ साबजानायनि खोथा फोरमायो आरो बेनो जाबाय आय, नाथाय सुबुं जौगानायनि हमदांथिया जथाय साबजानाय बांहोनायनि सायावसो गोसो होनाय जायो। बे जथाय साबजानाया रांखान्थियारि, समाजारि, हारिमुवारि आरो राजखान्थियारि साबजानायखौ सरजाबना लायो। बेफोर गोसारनायनि गेजेरजों जिउ खुंनायनि मान जौगाखांहोनायाव गोसो होयो। 

सों 5. भारतारि बा बोसोरारि बिथांखिनि मोनथाम गुबै थांखि लिर।

फिन : मोनथाम गुबै थांखिया जाबाय :

(1) रांखान्थियारि जौगानायनि हारखौ गोख्रै खालामनाय।

(2) रांखान्थि समाजारि गोरोबलायिखौ फोजोबनाय।

(3) आबहावा गुबुंले जानायखौ होबथानाय। 

सों  6. NITI आय ‘गनि सोद्रोमाफोरा सोर सोर?

फिन : NITI आय ‘गनि आफादगिरिया जाबाय– गाहाइ मन्थ्रि। आय ‘गनि गुबुन गुबुन सोद्रोमाफोरा जाबाय लेङाइ आफादगिरि, रायजोफोरनि गिबि मन्थ्रिफोर आरो मिरुवारि खुंजानाय ओनसोलफोरनि लेङाइ रायजोगिरि, साब्रै मिरुवारि मन्थ्रि, गाहाइ मावफुंगिरि सोद्रोमा आरो रोंगसाफोर।

गोलाव फिननायनि सोंलु

सों 1. भारतबर्षनि बिथांखियारि रांखान्थियारि जौगानायनि गिबि बाहागो (1951-1991) आरो नैथि बाहागोनि (1991 निफ्राय दासिम) गेजेराव थानाय मोनसे गाहाइ फारागथिनि सोमोन्दै बेखेवना लिर।

फिन : भारतबर्षनि बिथांखियारि रांखान्थियारि जौगानायनि गिबि बाहागो (1951-1991) आरो नैथि बाहागोनि (1991 निफ्राय दासिम) गेजेराव थानाय फारागा जाबाय– रांखान्थियारि बेबस्था।

1950-51 मायथाइनिफ्राय 1990-91 मायथाइनि गेजेराव भारतारि रांखान्थियारि जौगानायनि गुदियानो जादों रायजोयारि खोन्दो, गावारि खोन्दोनि बिफावा एसेल’ थारमोन। भारतबर्षनि रांखान्थि बेबस्थाया जादों गलाय गथाय रांखान्थि बेबस्था। भारतनि बिथांखिनि गिबि बाहागोयाव रायजोयारि खोन्दोनि रुजुनायाव गावारि खोन्दोनि गोनांथिया एसेल ‘थारमोन। भारतनि हारिमिनारि खान्थिया समाजबादि समाज दानायखौ मोनसे गाहाइ थांखि महरै गनायदोंमोन।

सम सम जानाय खरां आरो राजखान्थियारि थासारि सोलाय सोल ‘नि थाखाय भारतारि रांखान्थियारि जौगानायनि हारा मिजिंथिनाय बादि जायाखैसै। अदेबानि हारिमायारि दिहुननायाव बानजायग्रा खोन्दोनि बिहोमाया बांबोदों।

फारसेथिं आबादनि सायाव सोनारनानै थानाया एसे खम जायो। दथि जिथाइनि गेजेर बाहागोआव भारतबर्षआव गोथां जावरिखांनाय जायो। अदेबानि बे जावरिखांनायनि गोहोमा गंनैसो रायजो आरो माखासे आबादावनो थि जानानै दंमोन।

भारतबर्षनि बिथांखियारि रांखान्थियारि जौगानायनि नैथि बाहागोआव 1991-92 मायथाइनिफ्राय दासिम भारतारि रांखान्थिनि मोनसे मख ‘जाथाव सोलाय सोल’ जादों। बै समावनो दारिमिनारि खालामनाय, गावारि खालामनाय आरो ग ‘लकारि खालामनाय एबा मुलुगनां खालामनाया बाङो आरो रायजोआरि खोन्दोनि गोनांथिया खम जायो।

नैथि सोदांनाय समावनो भारतारि रांखान्थिनिफ्राय आसोल दोहोनफोरा बायजोअव ओंखारलांदोंमोन। बेनि फिथाइ बादियै भारतनि गुबुन हादोरारि फालांगिनि खहानि बिबाङा दुखुनांथाव जादोंमोन। बिदिथासारियावनो बै समनि पि.भि. नरसिंह राव दैदेननाय मिरु सोरखारा रांखान्थियारि सोदांनाय हाबाफारि लायो। बे हाबाफारिया उदां खालामनाय, गावारि खालामनाय आरो मुलुगनां हाबाफारिफोरखौ थुलुंगा होदों।

सों 2. भारतबर्षनि रांखान्थियारि सोदांनाय बाहायनायनि मोनथाम गुबै जाहोन सुंदवै फोरमाय।

फिन : (1) सरकारि बाहायनाय बांनायनि हारनिख्रुइ सरकारि आय बांनाया खम जानायखाय गोबां राङरि खहाया नुजाथिदोंमोन। रायजोआरि खोन्दोनि उद्य’गफोराव सरकारि थिसननायनि बिबांखौ बांहोनाय जादोंमोनब्लाबो बिदि माखासे उद्य ‘गफोरा लकसान जानो गोनां जादों। 1990 मायथाइनि मार्स दानाव गं 244 रायजोयारि खोन्दोनि लकसन जाजानाय उद्य ‘गफोरनि गेजेराव गं 58 उद्य ‘गआनो सोलियि जादोंमोन।

(2) एसेल’ बिबांनि दिहुननायनि जाहोनाव जानाय रां बांनाय एबा मुवा बेसादफोरनि बांद्राय बेसेन बारायनाया जरखायै समाजनि नोरजिया थाखोनि मानसिफोरखौ नोरजिया खालामदोंमोन।

(3) 1990-91 मायथाइयाव भारतबर्षनि गुबुन हादोरारि फालांगिनि सावगारिया गिथाव थाव जादोंमोन। हायग्लाय लांनाया भारतारि रांखान्थियाव गुबुन हादोरनि आसोल दोहोन फैनाया खमाय लांदोमोन। गुबुनफारसे, भारतारि रांखान्थिनिफ्राय आसोल दोहोनफोरा बायजोआव ओंखारलांदोमोन। बेनि फिथाइबादियै भारतनि गुबुन हादोरारि फालांगिनि खहानि बिबाङा दुखुनांथाव जादोंमोन। बे समावनो मिरु सोरखारा रांखान्थियारि सोदांनाय हाबाफारि हाबाफारि लादोंमोन। बे हाबाफारिया उदां खालामनाय, गावारि खालामनाय आरो मुलुगनां हाबाफारिखौ थुलुंगा होदों।

सों 3. रांखान्थियारि सोदांनायनि मोनथाम मोजां फिथाइ लिर।

फिन : (1) रांखान्थियारि सोदांनायनि जोहै रांखान्थियारि जौगानायनि हारा बांदों। थारै 2005-06, 2006-07 आरो 2007-08 मायथाइयाव बोसोरारि जौगानायनि हारा फारियै 9.5 जौखोन्दो, 9.7 जौखोन्दो आरो 9.2 जौखोन्दो। 1951 मायथाइनिफ्राय दासिम भारतारि रांखान्थिनि जौगानायनि हारा सिगां एसेबां जाफेराखैमोन। 2009-10 मायथाइनिफ्राय 2012-13 मायथाइसिम गर हिसाबै बोसोरारि जौगानायनि हारा 6.7 जौखोन्दोमोन। जोबथारनाय नायबिजिरनाय बादियै 2013-14 मायथाइयाव बोसोरारि जौगानाय हारा– 7.2 जौखोन्दो जादों।

(2) पाइकारि बेसेनफारिया सिगांनि रुजुनायाव खम जायो। अदेबानि खुसुरा बेसेनफारिया बिदि हाराव खमाइ बोयाखै।

(3) भारतनि मिरुवारि बेंक रिजार्भ बेंकआव जमा जानाय गुबुन हादोरारि सोलाय सोल’ खालामजाथाव खावरिनि बिबाङा बांबोदों। बे बिबाङा आथिखालाव 328.7 बिलियन (1 बिलियन 1000 कौति एबा 100 निजुट) दलार जाबाय। बै जमानि बिबाङानो भारतबर्षनि फैगौ 7 दाननि लाबोजानायनि बेसेनखौबो सरजाबफानानै लागोन। मख ‘जाथावदि 1990-91 मायथाइनि रिजार्भ बेंकाव जमा थानाय बिदि खावरिया 15 साननि लाबोनायनि थाखायल’ थोजासेमोन।

सों 4. रांखान्थियारि सोदांनाय बाहायनायनि जाहोनाव जानाय मोननै जोंनानि सोमोन्दै सुंद ‘वै लिर।

फिन : रांखान्थियारि सोदांनाय बाहायनायनि जाहोनाव जानाय मोननैसो जेंनाफोर :

(1) बे सोदांनाय खान्थिया बादायलायनायनि गोसारनाय आरो गोख्रैथि मोननैखौबो बांहोयो। बायदि रोखोमनि मुवा बेसादफोर बाजाराव ओंखारफैबाय। बे बादायलायनायाव मानसिफोरनि बायनायाबो बांनो नांगोन। 

(2) मोनलाबायनाय मुवाफोरनि लुबैहोनाया भगबादी रांखान्थि सोमजिहोयोब्ला बे खान्थिनि फारसे गिथावथाव थासारि लाबोनो हागौ।

(3) गलकीकरननि जाहोनाव हादोरा एबा गासै सरासनस्रा सुबुंफोरा गावनि सिनायथिखौ बावगारनो मोननाय नङा।

सों 5. आसामनि सोलिबाय थानाय बा बोसोरारि बिथांखिनि गाहाइ मोनद’,’थांखि लिर।

फिन : (1) रायजोनि जौंगाखांनायखौ जौगाखां रायजोफोरनि समान थाखोसिम लांनो थाखाय नै– थाम जिथायनि गेजेराव आसामनि जौगानायखौ 10 खोन्दोसिम बांहोनाय।

(2) आंखाल आरो रांखान्थियारि फारागथिखौ खम खालामनो थाखाय बायदि बिखान्थि लानाय।

(3) गोदानसिन बिरोंदामिन बिद्या आरो गोनोखोयारि राहा लामा लानानै दैबाना आरो हा गिसिखानाय जेंनाखौ फोजोबनाय।

(4) आबाद खोन्दोनि बोसोरारि जौगानायनि हारखौ 6 निफ्राय 8 जौखोन्दोसिम बांहोनाय।

(5) गोहो दिहुननायनि बेलायाव गावनि आथिंआव गावनो गसंनो हानाय जानाय, गोहो, रोगानाय आरो राननायाव गोदान मुगानि बिरोंदामिन बिद्या बाहायनाय।

(6) जिब गोरोबलायि रैखा खालामनानै बारहावा सोलाय सोल’ जानाय जेंनाजों मोगा मोगि जानाय।

उफ्रा सोंथिनि फिननाय

(क) सुंद ‘यै फिन हो (मोनफ्रोमनिबो 1 नम्बरै) 

सों 1. हारियारि आय माखौ बुङो?

फिन : मोनसे राङारि बोसोराव हादोर गंसेयाव दिहुनजानाय गासैबो बेसाद मुवाफोरनि राङारि बेसेनानो जाबाय हारियारि आय।

सों 2. सुबुं सासेयारि आय माखौ बुङो? 

फिन : हारियारि आयखौ हादोर गंसेनि गासै सुबुं अनजिमाजों रानोब्लानो सुबुं सासेयारि आयखौ मोनो।

सों 3. जौगाखांनाय हादोरनि मोनसे गुन मख’।

फिन : जौगाखांनाय हादोरफोराव सुबुं सासेयारि आयआ बारा। 

सों 4. सुबुं जौगानाय फोरमायथि बिलाइखौ बब्ला फोसावनाय जादोंमोन?

फिन : 1990 मायथाइयाव।

सों 5. सुबुं जौगानाय फोरमायथि बिलाइया बबे गौथुमनि सिङाव? 

फिन : हादरगौथुमनि जौगानाय हाबाफारिनि सिङाव।

सों 6. मिजिंथिनाय आंवै माखौ बुङो?

फिन : जोनोमनि समाव गथ’ सासेखौ बेसे बोसोरसिम थांना थागोन होनना मिजिंथिनाय जायो बेनो मिजिंथिनाय आवै।

सों 7. रांखान्थियारि बांनाय आरो सुबुं जौगानायनि गेजेराव थानाय मोनसे फाराग लिर।

फिन : रांखान्थियारि बांनाया मोनसेल’ साबजानायनि खोथा फोरमायो बेनो जाबाय आय, नाथाय सुबुं जौगानायनि हमदांथिया जथाय साबजानाय बांहोनायनि सायावसो गोसो होनाय जायो।

सों 8. हादर गंसेनि थार सम्पदआ मा?

फिन : हादोरनि सरासनस्रा सुबुं।

सों 9. सुबुं जौगानाय फोरमायथि बिलाया बब्ला गनाय जानाय?

फिन : 2010 मायथाइयाव।

सों 10. सुबुं जौगानायनि दिन्थिसिनखौ माब्रै थि खालामनो? 

फिन : सुबुं जौगानायनि गौहोमा बायदि थाखोनि मानसिफोरनि सायाव माबादियै गोहोम गोलैदों बेखौ थि खालामो।

सों 11. गोबां बिथिङारि दिन्थिथिया मानि इसारा होयो?

फिन : बे दिन्थिथिया गाव, नखर आरो बेफोरनिख्रुइ देरसिन सुबुं फोलेर हानजानि मानसिफोरा माबादि रांखान्थि– समाजारि खाबुफोरनिफ्राय जानगार जानाङो बेनि इसारा होयो। 

सों 12. सुबुं गोरिब फोरमायथिया मा सावगारि बेरखां होयो?

फिन : सुबुं गोरिब फोरमायथिया गोरिबनि बिबां बेरखां होआ आरो गर हिसाबैसै जथायै गोरिबनि सावगारि बेरखां होयो।

सों 13. बा बोसोरारि बिथांखि बुङोब्ला मा बुजियो?

फिन : मोनफ्रोमबो बोसोरबा बोसोरबानि उन उनाव खालामनाय हादोरनि बिथांखिया जाबाय बा बोसोरारि बिथांखि।

सों 14. जोंनि हादरनि बिथांखिया बेसेबां बोसोर?

फिन : बा बोसोर।

सों 15. बिथांखि आय ‘गनि सोलाय दानाय आय ‘गनि मुङा मा?

फिन : NITI आय ‘ग।

सों 16. NITI आय ‘गखौ बब्ला दानाय?

फिन : 2014 मायथाइयाव।

सों 17. NITI आय ‘गनि आबुं मुंखौ लिर। 

फिन : National Institution for Transforming India Aayog or NITI.

सों 18. NITI आय ‘गनि गिबि जथुमाया बबेयाव बब्ला जादोंमोन? 

फिन : दिल्लीयाव 2015 मायथाइनि 7 फेब्रुवारिखालि जादोंमोन।

सों 19. NITI आय ‘गनि आफादगिरिया सोर?

फिन : गाहाइ मन्थ्रि।

सों 20. फोरजाखान्थियारि बिथांखिया माजों सरजाबनाय?

फिन : गोहो गोसारदलानायजों सरजाबनाय।

सों 21. भारतारि खुंथाय बेबस्थायाव बेसेबां थाखो दं?

फिन : मोनथाम थाखो दं।

सों 22. गाहाय थाखोनि बिथांखि माखौ बुङो? 

फिन : खुंथाइ बेबस्थानि गाहायसिन थाखोआव रायजोफोरनि थान्दैफोरा जायगानि दंनाय गैयिनि सायाव बिथा खालामनानै बिथांखि दानाय खान्थिजों सरजाबफायोखायनो बे बिथांखिखौ गाहाय थाखोनि बिथांखि बुङो। 

सों 23. भारतारि रांखान्थियारि जौगानायनि गुदिया सोरमोन?

फिन : रायजोआरि खोन्दोआमोन।

सों 24. गलाय गथाय रांखान्थि माखौ बुङो?

फिन : जाय रांखान्थि बेबस्थायाव रायजोआरि एबा सरकारि खोन्दो आरो गावारि खोन्दो ज’ ज’ जाय थालायो, बे रांखान्थि बेबस्थाखौ गलाय गथाय रांखान्थि बेबस्था बुङो।

सों 25. भारतारि रांखान्थिया माबादि?

फिन : गलाय गथाय रांखान्थि।

सों 26. द ‘जि जिथाइयाव जानाय भारतनि जावरिखांनाया मामोन?

फिन : गोथां जावरिखांनाय।

सों 27. गोथां जावरिखांनाया मा?

फिन : गोदान दारिमिनारि आगजु बाहायनानै आबाद खोन्दोनि दिहुननायखौ बांहोनाया जाबाय गोथां जावरिखांनाय। 

सों 28. 2013-14 मायथाइयाव भारतनि बोसोरारि जौगानायनि हारा बेसेबां जौखोन्दो बांनाय?

फिन : 7.2 जौखोन्दो।

सों 29. 1 बिलियनाव बेसेबां कौटि?

फिन : 100 कौटि।

सों 30. सोसननाय हाबाफारिया मा?

फिन : सोसननाया जादों मोनसे हाबाफारि जेराव रांखान्थिरि जौगानायनि मोजां फिथाइ फोरनिफ्राय समाजनि जायखिजाया थाखोनि मानसिफोरा जाहाथे बाहेराव थानाङा बेखौ थि खालामनाय।

सों 31. मा खान्थिया दारिमिनारि मुलुगाव हादरारि सामलायनायखौ थि खालामोमोन?

फिन : गनायथि बिलाइ खान्थिया। 

सों 32. राङारि खोन्दोफोरा मा मा?

फिन : राङारि खोन्दोफोरा जाबायः फालांगियारि बेंक, थिसननाय बेंक, बाहागो बिलाइनि बाजार आरो गुबुन हादोरारि थिसनजा थाव खावरिनि बाजारनि जथाय।

सों 33. गोदान दारिमिनारि खान्थिखौ बब्ला गनायनाय?

फिन : 1991 मायथाइयाव।

सों 34. गावारि खालामनायनि फिसा बाहागोआ मा? 

फिन : सेयार फाननाय खान्थि।

सों 35. सेयार फाननाया माब्रै जाफुङो?

फिन : सोरखारि खोन्दोनि फसंथाननि सेयार बिलाइ जेब्ला सोरबा मानसिनो बायनो गनायथि होयो अब्लानो सेयार फाननाया जाफुङो।

सों 36. गल ‘कारि खालामनायखौ मानि फिथाइ होनना बुङो?

फिन : उदां खालामनाय आरो गावारि खालामनायनि। 

सों 37. लिथांखि आय ‘गा माबोरै जोबनाय?

फिन : NITI आय ‘गा बिथांखि आय ‘गनि जायगाखौ लानाय लोगो लोगो जोबो।

सों 38. बादायलायनायनि थासारिया मानिफ्राय सोरजियो?

फिन : बायजोयारि जानायनिफ्राय।

SL No.CONTENTS
Unit – 1जारिमिन
Chapter 1बंग सोखावनाय (1905-1911) आरो गावहादरारि सोमावसारनाय
Chapter 2महात्मा गान्धी आरो भारतनि उदांस्रि सोमावसारनाय
Chapter 3आसामाव ब्रिटिस बेरेखा जांख्रिखांनाय आरो आबादारि बिग्रायनाय
Chapter 4उदांस्रि सोमावसारनाय आरो आसामाव हारिमायारि जांख्रिखांनाय
Chapter 5भारत आरो सा-सानजा ओनसोलनि हारिमुवारि गोदोमिन
Unit – 2भुमखौरां
Chapter 1रांखान्थियारि भुमखौरां : आयदाफारि आरो सम्फद
Chapter 2आबहावा आरो आबहावानि जेंना
Chapter 3बहुमनि भुमखौरां
Chapter 4आसामनि भुमखौरां
Unit – 3राजखान्थियारि बिगियान
Chapter 1भारतारि फोरजाखान्थि
Chapter 2मुलुगनां फसंथान हायुंआफाद आरो गुबुन गुबुन
Unit – 4रांखान्थि बिगियान
Chapter 1खावरि आरो बेंक बेबस्था
Chapter 2रांखान्थियारि जौगानाय
Chapter 3जोंनि मोनथाइ जोंनि बिबान

नै नाम्बारै फिननायनि सोंथि

सों 1. सुबुं जौगानाय बुंब्ला मा बुजियो? 

फिन : सुबुं जौगानाया सुबुंफोरनि सावस्रि, सोलोंथाइ, जिउ खुंनायनि मानदान्दा, रांखान्थि समाजारि, राजखान्थियारि थासारि बायदिखौ बुजियो।

सों 2. मिथिंगायारि सम्पदखौ जानला मानला बाहायनायाव मानो रांखान्थि जौगानाय जाया?

फिन : मिथिंगायारि सम्पदफोरखौ जानला-मानला बाहायनायाव आबहावाया गुबुंले जायो। गुबुंले आबहावाया मानसिफोरनि सावस्रिनि फारसे गिथावना खालामो। अब्लानिया बिदि रांखान्थि गोसारनाया रांखान्थि जौगानाय जाया। 

सों 3. जौगानाय आरो जौगाखाङिहादोरनि गेजेराव सावस्रिनि मोननै फाराग लिर।

फिन : (1) जौगानाय हादोराव थांना थानायनि समा बांसिन आरो जौगाखाङि हादोराव थांना थानाय समा खम जायो। 

(2) जौगानाय हादोरनि सावस्रि फाहामनाया जोबोर जौगाखांनाय नाथाय जौगाखङि हादोरनि सावस्रि फाहामनाया नांगौ रोखोमनि नङा।

सों 4. मानसिनि जिउ खुंनायनि मान जौगाहोनायखौ हेंथा होनाय मोननै जाहोन लिर।

फिन : (1) गोरिब।

(2) जौगाखाङि सोलोंथाइ बेबस्था।

सों 5. सोलोंथाइ एबा गियाननि थाखोखौ माबोरै थि खालामनाय जायो? 

फिन : सोलोंथाइनि बेलायाव बैसो गोराफोरनि हांखो सिनायनाय आरो गुदि, गेजेर आरो गुबुन गुबुन थाखोफोराव गासै मुं थिसननायनि रुजुथाय थि खालामनानै बै रुजु थायनि बिथायाव सोलोंथाइ एबा गियाननि थाखोखौ थि खालामनाय जायो।

सों 6. जथाय साबजानाया मा माखौ सरजाबना लायो?

फिन : जथाय साबजानाया रांखान्थियारि, समाजारि, हारिमुवारि आरो राजखान्थियारि साबजानायखौ सरजाबना लायो। 

सों 7. बा बोसोरारि बिथांखिनि मोननै गुबै थांखि लिर।

फिन : (1) रांखान्थियारि जौगानायनि हारखौ गोख्रै खालामनाय। 

(2) रांखान्थियारि-समाजारि गोरोबलायिखौ फोजोबनाय।

सों 8. भारतबर्षनि गिबि बा बोसोरारि बिथांखिया बब्लानिफ्राय बब्लासिम जागायदोंमोन?

फिन : भारतबर्षनि गिबि बा बोसोरारि बिथांखिया 1 एप्रिल 1951 निफ्राय 32 मार्स 1956 मायथाइसिम सोलिदोंमोन। 

सों 9. फोरजाखान्थियारि बिथांखिनि मोननै बिथांखि लिर।

फिन : (1) फोरजाखान्थियारि बिथांखियाव गरन्थफोरखौ गोजौनिफ्राय जाबसिनना होनाय जाया।

(2) फोरजाखान्थियारि बिथांखिया गोहो गोसारदलानायजों सरजाबनाय। 

सों 10. रांखान्थिनि मोननै गुबै थांखि लिर।

फिन : (1) गावनो गाव गसंथानो हानाय।

(2) समाजारि नियाय गायसननाय।

सों 11. नैजि जौथाइयाव जानाय खेबनै दावहानि मुंङा मामोन?

फिन : (1) 1961-62 मायथाइयाव थोनजों जानाय दावहा।

(2) 1965 मायथाइयाव पाकिस्तानजों जानाय दावहा।

सों 12. भारतारि रांखान्थिया मिजिंथिनायबादि जौगाखङिनि मोननै जाहोन लिर।

फिन : (1) सम सम जानाय खरां आरो

(2) राजखान्थियारि थासारि सोलाय सोल।

सों 13. गोथां जावरिखांनायनि गोहोम गोलैनाय मोननै राइजोनि में लिर।

फिन : (1) पानजाब आरो 

(2) हारियाना। 

सों 14. मोननै खैफोद गोनां रासायनिक मुवा लिर।

फिन : जौ आरो सिगारेट।

सों 15. राङारि खोन्दोनि मोननै जथायनि बिदिन्थि हो।

फिन : फालांगियारि बेंक आरो थिसननाय बेंक। 

सों 16. गोदान दारिमिनारि खान्थिया बब्ला गनाय जानाय? रायजोयारि खोन्दोआव बेसेबां उद्यग बेखेवनाय?

फिन : 1991 मायथाइयाव गनायनाय जायो।

रायजोयारि खोन्दोआव गुथा उद्यग बेखेवनाय जायो। 

सों 17. आसामनि सुबुं जौगानायखौ जौगाखांहोनो मा राहा आखायाव लानाय जादों?

फिन : आसामनि सुबुं जौगानाय दिन्थिथिनि मान जौगाखांहोनाय आरो बेनि थाखाय सावस्रि आरो सोलोंथाइ खोन्दोआव थिसननायनि बिबां बांहोनाय जाहाथे सोलोंथाइनि गुन गोनां मान बांहोनायाव आरो फोरोंगिरि ट्रेइनिंनि थाखाय रांनि आंखल जाया।

सों 18. गामियारि रांखान्थि जौगानायनि मोननै खोन्दो लिर।

फिन : (1) आबाद आरो लोगोयारि खोन्दो आरो 

(2) फिसा आरो गेजेरारि उद्यग।

फिननाय लिर

सों 1. सुबुं जौगानायनि मोनथाम दिन्थिया मा मा? बेखेवनानै लिर।

फिन : सुबुं जौगानायनि मोनथाम दिन्थिया जाबाय–

(1) मिजिंथिनाय आवै।

(2) सोलोंथाइ आरो

(3) जिउ खुंनायनि मान।

सों 1. मिजिंथिनाय आवै : जोनोमनि समाव गथ’ सासेखौ बेसे बोसोरसिम थांना थागोन होनना मिजिंथिनाय जायो बेनो मिजिंथिनाय आवै। बे थांनायखौ गर हिसाबै साननाय जायो। जौगानाय हादोराव बे थांना थानाय समा बांसिन जायो आरो जौगाखाङिहादोरफोराव थांना थानाय समा खम जायो। जौगानाय हादोरनि देहा’ फाहामनाया जोबोर जौगाखांनाय आरो जौगाखाङि हादोराव नांगौबादि देहा फाहामनायनि आंखाल।

(2) सोलोंथाइ : सोलोंथाइनि बेलायाव बैसो गोराफोरनि हांखो सिनायनाय आरो गुदि, गेजेर आरो गुबुन गुबुन थाखोफोराव गासै मुं थिसननायनि रुजुथाय थि खालामनानै बै रुजुथायनि बिथायाव सोलोंथाइ एबा गियाननि थाखोखौ थि खालामनाय जायो। जौगाखाङिहादोरनि रुजुनायाव जौगाखांनाय हादोरनि सोलोंथाइ बेबस्थाया जौगाखांसिननाय।

(3) जिउ खुंनायनि मान : गोरिब, जौगाखाङि सोलोंथाइ बेबस्था, आरो नांगौबादि देहा फाहामनाय बेबस्थानि आंखाला जिउ खुंनायनि मान जौगाखांहोनायाव हेंथा सोमजिहोयो।

सों 2. “सुबुं जौगानाया सरासनस्रा सुबुंनि जथाय साबजानायनि गोसारनायखौसो फोरमायो” –बाथाखौ बुजायना लिर। 

फिन : बायदि सुबुंनि गावबा-गाव साबजानाय-साबजायि एबा मोजां मोननाय मोजां मोनिनि सायाव बिथा खालामनानै जथुमनि जथाय साबजानायखौ थि खालामनाय जायो। सुबुं जौगानायनि दिन्थिया मोनथाम जैरै–

(1) मिजिंथिनाय आवै।

(2) सोलोंथाइ।

(3) जिउ खुंनायनि मान, बे मोनथामबो साबजानायनि गुबै खोथा। सुबुं जौगानायनि मिरुवानो जाबाय– सरासनस्रा सुबुं, कारिकरि फोरमायलु एबा हमदांथिफोरा नङा। बे जथाय साबजानाया रांखान्थियारि, समाजारि, हारिमुवारि आरो राजखान्थियारि साबजानायखौ सरजाबना लायो। हादोर गंसेनि थार सम्पदआनो जाबाय हादोरनि सरासनस्रा सुबुं। बेनिखायनो मोननाय मुवा बेसाद दिहुननायनि सायाव बांसिन गोसो होयोब्ला सरासनस्रा सुबुंनि जिव खुंनायखौ मोजां खालामनायनि थांखिया ओंथि गैयि जागोन। सुबुं जौगानायनि हमदांथिनि बेनो मानसिनि जथाय रांखान्थियारि, समाजारि, हारिमुवारि आरो राजखान्थियारि गोसारनायनि गेजेरजों जिव खुंनायनि मान जौगाखां होनायाव गोसो होयो।

सों 3. 2010 मायथाइयाव सुबुं जौगानायनि गोदान हमदांथिफोरा मा मा? 

फिन : 2010 मायथाइयाव सुबुं जौगानायनि मोनथाम गोदान हमदांथिफोर सोफादेरदों। बेफोर जाबाय–

1. फारागथि गैयि सुबुं जौगानायनि दिन्थिथि।

2. आथोन फारागथि दिन्थिथि।

3. गोबां बिथिङारि गोरिब दिन्थिथि। 

गिबि दिन्थिथियाव सुबुं जौगानायनि गोहोमा बायदि थाखोनि मानसिफोरनि सायाव माबादियै गोलैदों बेखौ थि खालामो। नैथिया सुबुं जौगानायनि बेलायाव हौवा आरो हिनजावनि गेजेराव थानाय समानथि गयिखौ बेरखांहोदों। थामथि दिन्थिथिया गोरिबनि बायदि आखुफोरखौ बेरखांहोदों।

सों 4. सुबुं जौगानायखौ बांहोनाय मोनब्रै सिरिया मा मा? 

फिन : (1) रांखान्थियारि (2) समाजारि (3) हारिमुवारि (4) रांखान्थियारि।

सों 5. भारतनि बा बोसोरारि बिथांखिनि गुबै थांखिफोरा मा मा? 

फिन : 1. रांखान्थियारि जौगानायनि हारखौ गोख्रौ खालामनाय।

2. रांखान्थि- समाजारि गोरोबलायिखौ फोजोबनाय।

3. आबहावा गुबुंले जानायखौ होबथानाय।

4. गावनि आथिंआव गावनो गसंनाय बायदि बायदि। 

सों 6. NITI आय ‘गआ माबादि दोजानाय? आय ‘गनि कमितिया सोर सोर?

फिन : 2014 मायथाइयाव दानाय गोदान मिरुवारि सोरखारा बिथांखिनि आयगनि सोलाय NITI आय’ग दादों। NITI आय ‘गा जाबाय भारतबर्षनि गोदान महरनि थाखाय दाजानाय हादोरारि फसंथान। गाहाइ मन्थ्रिया 2014 मायथाइयाव हादोरारिफोरखौ थांखिनानै होनाय उदांस्रि सान फालिनायनि बिबुंसाराव बे थांखिखौ फोसावदोंमोन। 2015 मायथाइनि। जानुवारिखालि बिथांखि आय ‘गनि सोलाय NITI आय’ग दानाय जाबाय होनना फोसावदों। 7 फेब्रुवारि 2015 मायथाइयाव NITI आय ‘गनि गिबि जथुमाया दिल्लीयाव जायो।

NITI आय ‘गनि कमितिया जाबाय- आफादगिरि गाहाइमन्थि गुबुन गुबुन सोद्रोमाफोरा जाबाय- लेङाय आफादगिरि, सासे-गाहाइ मन्थ्रिजों थिसनजानाय, साथाम रोंगसा, दान्दिजोर सोद्रोमा सानै, पदेन सोद्रोमा साब्रै, मिरुवारि मन्थ्रि, गिबि मन्थ्रिफोर आरो मिरुजों खुंजानाय ओनसोलनि लेङाइ रायजोगिरि।

सों 7. भारतारि खुंथाय बेबस्थाया मा मा?

फिन : भारतारि खुंथाय. बेबस्थायाव मोनथाम थाखो दं।

बेफोर जाबाय–

1. मिरुवारि सरकार।

2. रायजो सरकार।

3. जायगायारि खुंथाय फसंथानफोर।

सों 8. भारतारि रांखान्थिनि गुबै थांखिफोरा मा मा?

फिन : 1. रांखान्थियारि जौगानायनि हारखौ गोख्रौ खालामनाय।

2. गोदान मुगानि दारिमिनारि मागजुफोर बाहायनायाव गोसो होनाय।

3. गावनो गाव गसंथानो हानाय।

4. समाजारि नियाय गायसननाय।

सों 9. 1991 मायथाइनि उनाव भारतारि रांखान्थिनि गोनांथार सोलाय ‘सलआ मा मा?

फिन : 1. उदां खालामनाय।

2. गावारि खालामनाय। 

3. गलकारि खालामनाय।

सों 10. भारतारि रांखान्थिनि सोलाय सलनि गुबै मोनथाम जाहोनफोरखौ लिर।

फिन : (1) सरकारि बाहायनाय बांनायनि हारनिख्रुय सरकारि आय बांनाया खम जानायखाय गोबां राङारि खहाया नुजाथिदों। रायजोयारि खोन्दोनि उद्य’गफोराव सरकारि थिसननायनि बिबांखौ बांहोनाय जादोंमोनब्लाबो बिदि माखासे उद्य ‘गफोरा लकसान जाजानो गोनां जादों। 1990 मायथाइनि मार्स दानाव गं 244 रायजोयारि खोन्दोनि लकसान जाजानाय उद्य ‘गफोरनि गेजेराव गं 58 उद्य ‘गानो सोलियि जादोंमोन।

(2) गसेल बिबांनि दिहुनायनि जाहोनाव जानाय रां बांनाय एबा मुवा बेसादफोरनि बांद्राय बेसेन बारायनाया जरखौ समाजनि नोरजिया थाखोनि मानसिफोरखौ लोरबां खालामो।

(3) 1990-91 मायथाइयाव भारतबर्षनि गुबुन हादोरारि फालांगिनि सावगारिया गिथाव बाथाव जादोंमोन। हायग्लायलांनाय भारतारि रांखान्थियाव गुबुन हादरनि आसोल दोहोन फैनाया खमायलांदोमोन।

सों 11. सुबुं सासेयारि आय माखौ बुङो?

फिन : गंसे हादोरनि हारियारि आयखौ हादोर गंसेनि गासै सुबुं अनजिमाजों रानोब्लानो सुबुं सासेयारि आयखौ मोनो। जेरै-जुदि गंसे हादोरनि हारियारि आयखौ (जायखिजाया मोनसे बोसोरनि) 9,00000000 रां हमनाय जायो आरो बै बोसोराव सुबुं अनजिमाया 1,00,000 अब्लानिया, हादोर गंसेनि सुबुं 

सों 12. आसामनि सोलिबाय थानाय बिथांखिनि थांखिफोरखौ लिर। 

फिन : आसामाव सोलिबाय थानाय बिथांखिफोरा जाबाय– 

1. रायजोनि जौगाखांनायखौ जौगाखां रायजोफोरनि समान थाखोसिम लांनो थाखाय फैगौ नै-थाम जि थायनि गेजेराव आसामनि जौगानायखौ 10 जौखोन्दोसिम बांहोनाय।

2. आंखाल आरो रांखान्थियारि फारागथिखौ खम खालामनो थाखाय बायदि बिखान्थि लानाय। 

3. गोदानसिन बिरोंदामिन बिद्या आरो गोनोखोआरि राहा लामा लानानै दैबाना आरो हा गिसिखानाय जेंनाखौ फोजोबनाय।

4. आबाद खोन्दोनि बोसोरारि जौगानायनि हारखौ 6 निफ्राय 8 जौखोन्दोसिम बांहोनाय।

5. गोहो दिहननायनि बेलायाव गावनि आथिंआव गावनो गसंनो हानाय जानाय, गोहो रोगानाय आरो राननायाव गोदान मुगानि बिरोंदामिन बिद्या बाहायनाय।

6. जिब गोरोबलायि रैखा खालामनानै बारहावा सोलाय सल जानाय जेंनाज मोगा मोगि जानाय।

Leave a Reply