SEBA Class 10 Social Science Solution In Bodo| Chapter-10| भारतारि फोरजाखान्थि

SEBA Class 10 Social Science Solution In Bodo| Chapter-10| भारतारि फोरजाखान्थि, सूची में प्रत्येक अध्याय का उत्तर प्रदान किया गया है ताकि आप आसानी से विभिन्न अध्याय एनसीईआरटी समाधान कक्षा 10 सामाज बिगियान Bodo Medium में खुल सकें और एक की आवश्यकता का चयन कर सकें। इसके अलावा आप एनसीईआरटी (CBSE) पुस्तक दिशानिर्देशों के अनुसार विशेषज्ञ शिक्षकों द्वारा इस खंड में NCERT पुस्तक ऑनलाइन पढ़ सकते हैं। ये समाधान NCERT Bodo (MIL) समाधान का हिस्सा हैं। यहां हमने कक्षा 10 NCERT सामाज बिगियान पाठ्य पुस्तक समाधान सामाज बिगियान के SEBA Class 10 Social Science Solution In Bodo| Chapter-10| भारतारि फोरजाखान्थि लिए दिए हैं आप यहां इनका अभ्यास कर सकते हैं।

SEBA Class 10 Solutions

SEBA CLASS 10 (Ass. MEDIUM)

SEBA CLASS 10 (Bangla MEDIUM)

SEBA CLASS 10 (English MEDIUM)

SEBA Class 10 Social Science Solution In Bodo| Chapter-10| भारतारि फोरजाखान्थि

SEBA Class 10 Social Science Solution In Bodo| Chapter-10| भारतारि फोरजाखान्थि ये उत्तर संबंधित विषयों के अनुभवी प्रोफेसरों द्वारा सावधानीपूर्वक तैयार किए जाते हैं। उनका उद्देश्य छात्रों को विषय की उचित समझ में मदद करना और उनके कौशल और अभिव्यक्ति की कला में सुधार करना है। यदि ये उत्तर उन उद्देश्यों को पूरा करते हैं जिनके साथ वे तैयार किए गए हैं, तो हम अपने प्रयास को पर्याप्त रूप से पुरस्कृत मानेंगे। इन उत्तरों में और सुधार के लिए किसी भी सुझाव का हमेशा स्वागत है।

गिबि खोन्दो

बांसायख’ सोंथिनि फिननाय

गेबें फिननायखौ सायख’ना दिहुनः

सों 1. 1935 मायथाइनि ‘भारत सोरखार आयेन ‘खौ दादोंमोन– 

(a) इंलेण्डनि संसद। 

(b) भारतनि संसद।

(c) आमेरिकानि कंग्रेस।

(d) गोजौनि मोनसेबो नङा।

फिन : (a) इंलेण्डनि संसद।

सों 2. भारतबर्षनि गोदान संबिजिरखौ बाहायनाय जायो–

(a) 1950 मायथाइनि 26 नबेम्बर। 

(b) 1950 मायथाइनि 26 जानुवारि।

(c) 1949 मायथाइनि 26 दिसेम्बर। 

(d) 1950 मायथाइनि 26 आगष्ट।

फिन : (b) 1950 मायथाइनि 26 जानुवारि। 

सों 3. 1945 मायथाइयाव इंलेण्डाव दाजानाय गोदान सोरखारनि हानजाया–

(a) कंग्रेस हानजा।

(b) कनजारभेटिभ हानजा।

(c) मावथि हानजा।

(d) रिपब्लिक हानजा।

फिन : (a) मावथि हानजा। 

सों 4. हादोर सामलायनो थाखाय जोबोर गोनां जानाय मोनसे बाहागोया जाबाय–

(a) बिजिरसालि।

(b) आयेन आफाद।

(c) संबिजिर।

(d) गोजौनि मोनसेबो नङा।

फिन : (c) संबिजिर।

सों 5. संबिजिरनि ‘खचरा कमिटि’ नि आफादगिरिया जाबाय–

(a) जवाहरलाल नेहरु।

(b) महात्मा गान्धी।

(c) ड° राजेन्द्र प्रसाद।

(d) ड° बि.आर. आम्बेदकार।

फिन : (d) ड° बि.आर आम्बेदकार।

सों 6. ‘केबिनेट मिसना’ भारताव हाबफैदोंमोन–

(a) 1945 मायथाइनि मार्स दान। 

(b) 1946 मायथाइनि मार्स दान।

(c) 1947 मायथाइनि मार्स दान। 

(d) 1948 मायथाइनि मार्स दान।

फिन : (b) 1946 मायथाइनि मार्स दान।

सों 7. भारतनि संबिजिर आफादनि गागि आफादगिरिया–

(a) ड° बि. आर. आम्बेदकार।

(b) ड° सदभिदानन्द सिनहा।

(c) ड° राजेन्द्र प्रसाद।

(d) ड° सर्बपल्ली राधाकृष्णन।

फिन : (c) ड° राजेन्द्र प्रसाद।

सों 8. संबिजिर आफादनि गिबि जथुमा जादोंमोन–

(a) 1946 मायथाइनि 9 दिसेम्बर। 

(b) 1946 मायथाइनि 26 नबेम्बर।

(c) 1950 मायथाइनि 26 जानुवारि।

(d) 1945 मायथाइनि 26 मार्स।

फिन : (a) 1946 मायथाइनि 9 दिसेम्बर।

सों 9. भारत हादोरनि सोरखार गाहाया जाबाय–

(a) हादोरगिरि।

(b) गाहाइ मन्थ्रि। 

(c) रायजो बेंगिरि।

(d ) गिबि मन्थ्रि।

फिन : (b) गाहाइ मन्थ्रि।

सों 10. गाहायनि सोर सासे सुबुङा खचरा कमिटिनि सोद्रोमा नङा–

(a) एम. माधव राव।

(b) के एम मुन्सि।

(c) एन ग ‘पालसामी आयेंगार।

(d ) महात्मा गान्धी।

फिन : (d) महात्मा गान्धी।

सों 11. ‘समाजबादि’ सोदोबखौ खुगाफोरनायाव सोसननायनि संबिजिर सोदांनाया जाबाय–

(a) 40 थि।

(b) 42 थि।

(c) 43 थि।

(d) 41 थि।

फिन : (b) 42 थि।

सों 12. गाहायनि बबे मोनसेया जुथुम हादोरनि आखुथाय नङा।

(a) मोननै थाखोनि सोरखार। 

(b) संबिजिर सोदांनाय खान्थिया जोबोर गोरा।

(c) गोहो रानलायनाय।

(d) गांसे लिरनाय संबिजिर।

फिन : (b) संबिजिर सोदांनाय खान्थिया जोबोर गोरा। 

सों 13. जुथुम हादोरनि नखर बिथाया (Homeland of Federation) जाबाय–

(a) आमेरिका।

(b) कानाडा।

(c) भारत।

(d ) जार्मन।

फिन : (a) आमेरिका।

सों 14. ‘सरकारिया आय ‘ग’ खौ दानाय जादोंमोन–

(a) 1983 मायथाइ।

(b) 1950 मायथाइ।

(c) 1947 मायथाइ।

(d) 1948 मायथाइ।

फिन : (a) 1983 मायथाइ।

सों 15. जुथुमहादोरारि राहा भारतबर्षआव बाहायनायनि गाहाइ जाहोना– 

(a) पन्चायत आरो उदांथि।

(b) उदांथि आरो सोखावयि।

(c) नोगोरारिथाय आरो उदां।

(d) गोजौनि मोनसेबो नङा।

फिन : (b) उदांथि आरो सोखावयि।

सों 16. भारतबर्षनि हादोरगाहाया जाबाय–

(a) गाहाइ मन्थ्रि।

(b) हादोरगिरि।

(c) रायजो बेंगिरि।

(d) गिबि मन्थ्रि।

फिन : (b) हादोरगिरि।

सों 17. संसदारि खान्थिनि सोरखारनि गाहाइनि बबे मोनसेया आखुथाइ नङा–

(a) हादोरगाहाइ आरो सोरखार गाहाइनि फाराग। 

(b) मन्थ्रि आफादा आयेन आफादनि सेराव दायगोनां।

(c) सोरखारनि गाहाइया हादोरगिरि।

(d) मन्थ्रि आफादनि सोद्रोमाफोरा आयेन, आफादनि सोद्रोमा।

फिन : (c) सोरखारनि गाहाइया हादोरगिरि।

सों 18. गंनै सदननि अनगायिबो भारतारि संसदाव आरो मा मोनसे अंग दं–

(a) ल ‘क सभानि बुंथिगिरि।

(b) लेङाइ हादोरगिरि।

(c) गाहाइ मन्थ्रि।

(d ) हादोरगिरि।

फिन : (d) हादोरगिरि।

उनसोलोंथि

सुंथाब फिननायनि सोंलुः

सों 1. 1945 मायथाइयाव जानाय बिसायखथियाव इंलेण्डाव बबे हानजाया देरहादोंमोन?

फिन : ‘लेबार पार्टि ‘या (Labour Party) देरहादोंमोन। 

सों 2. केबिनेट मिसना भारताव माब्ला फैदोंमोन?

फिन : केबिनेट मिसना भारताव 1946 मायथाइनि मार्स दानाव फैदोंमोन।

सों 3. संबिजिद आफादनि गिबि आफादगिरिया सोरमोन?

फिन : संबिजिद आफादनि गिबि आफादगिरिया ड° सदभिदानन्द सिनहा।

सों 4. रेबजेन कमिटिनि मासिगिरिनि मुङा मा?

फिन : रेबजेन कमिटिनि मासिगिरिनि मुङा ड° बि.आर. आम्बेदकार। 

सों 5. समाजबादी आरो दोहोरोम उदां सोदोब मोननैया बेसे संबिजिद सोदांनायबादियै सुगाफोरनायाव सोसन जादोंमोन? 

फिन : 42 थि संबिजिद सोदांनाय।

सों 6. इंराजी ‘Federation’ सोदोबा मा लेटिन सोदोबनिफ्राय फैदों? 

फिन : इंराजी ‘federation’ सोदोबा मा लेटिन सोदोब ‘Foedus’ निफ्राय फैदों जायनि ओंथिया जाबाय गोरोबथा।

सों 7. जुथुम हादरनि न’ बिथा (Homeland of Federation) होननानै बबे हादरखौ बुंनाय जायो?

फिन : ‘आमेरिका’ खौ जुथुम हादरनि न-बिथा बुंनाय जायो। 

सों 8. भारतबर्षयाव नैथि नोगोरारि बेबस्था दंना?

फिन : भारतबर्षयाव नैथि नोगोरारि (Dual-Citizenship) बेबस्था गैया। 

सों 9. भारतबर्षनि संसदारि फोरजाखान्थिनि हमदांथिखौ बबे हादरनि संबिजिरनिफ्राय उनसंनाय जादों?

फिन : इंलेण्डनि संबिजिर।

सुंद’ फिननायनि सोंलु

सों 1. ब्रिटिस सरखारा केबिनेट मिसनखौ भारताव माब्ला थोनहरदोंमोन? 

फिन : इंलेण्डाव गोदानै दाजानाय मावथि हानजानि सरकारा भारतवर्षनि थाखाय गांसे संबिजिर रनसायनायनि थाखाय नांगौबादि थासारि आरो लाहार फाहारनि थाखाय 1946 मायथाइनि मार्स दानाव ‘केबिनेट मिसन ‘खौ भारतबर्षयाव थोनहरदोंमोन। बे केबिनेट मिसना इंलेण्डनि साथाम केबिनेट मन्थ्रिजों दाजानायमोन।

सों 2. 1947 मायथाइनि 15 आगष्टनिफ्राय 1950 मायथाइनि 26 जानुवारिसिम भारतबर्षनि खुंथाय राहाया मा आयेनजों सोलिदोंमोन आरो आयेनखौ सोर बानायदोंमोन?

फिन : 1947 मायथाइनि 15 आगष्टनिफ्राय 1950 मायथाइनि 26 जानुवारिसिम भारतवर्षनि खुंथाइ राहाया 1935 मायथाइनि भारत सोरखार आयेन बादियै सोलिदोंमोन। बे आयेनखौ इंलेण्डनि संसदा बानायदोंमोन।

सों 3. रायफोरनायाव ‘जों भारतारि सरासनस्रा सुबुङा’ होनना मानो मखदों?

फिन : खुगाफोरनायाव ‘जों भारतारि सरासनखा सुबुडा’ होनना मख ‘नाया बेखौनो फोरमायदोंदि संबिजिद रनसायगिरिफोरा भारतारि सुबुं संबिजिदा भारतारि सुबुंनि आरो भारतारि सुबुंफोरानो संबिजिद सिंनि गोख्रों गोहो। 

सों 4. ‘उदां’ होनोब्ला मा मिथियो?

फिन : उदांथिया (Sovereignty) जादों हादरनि देरसिन गोहो। थामहिनबा बायजोआरियै भारतवर्षवा गुबुन हादरारि गोहोनि सिं नङा आरो सिङावबो भारत हादरा गुबुन जेबो जरखा गोहोजों सामलायजानाय नङा।

सों 5. मा मायथाइनि बेसेबांथि सोदांनाय बादियै संबिजिरनि रायफोरनायाव ‘समाजबादी’ आरो’ दोहोरोमउदां’ सोदोब मोननैखौ सोसननाय जादों?

फिन : 1976 मायथाइनि 42 थि संबिजिद सोदांनाय बादियै रायफोरनायाव ‘समाजबादी’ आरो ‘दोहोरोबउदां’ सोदोब मोननैखौ सोसननाय जादों।

सों 6. ‘खाव जथाइ हायुं’ माखौ बुङो?

फिन : जथाइ हायुं जानो थाखाय खायसे रोखा आखुथाइनि गोनां। बे आखुथाइफोरा थासेयावबो भारतनि जथुम हायुंनि राहाया थार जुथुम हायुंनि राहा नङा। बेयाव मिरुसेयारि सोरखारनि गोबां आखुथाइ सरजाबफानानै दं। बेनिखायनो संबिजिद रनसायग्रा पण्डितफोरा भारतनि राहाखौ ‘खाव जथाइ हायुं’ होनना बुंनाय जायो।

सों 7. बबे आयेना उदां नङि भारतबर्षयाव एसेल’ संसदारि खान्थिखौ बाहायजेनदोंमोन? 

फिन : इंलेण्डति संसदा रनसायनाय 1935 मायथाइनि भारत सोरखार आयेना उदां नङि भारतबर्षयाव एसेल’ संसदारि खान्थिखौ बाहायजेनदोंमोन।

गोलाव फिननायनि सोंलु

सों 1. भारतबर्षनि संबिजिरनि रायफोरनायाव संबिजिदनि दिन्थिनेर्सोन (आदर्शवा) माबादियै फोरमाय जादों सावरायना लिर।

फिन : भारतवर्षनि संबिजिदनि आदर्शनि सोमोन्दै सावरायनांगौब्ला संबिजिदनि सिङागाव थानाय रायफोरनाय (Preamble) खौ मख ‘ग्रोथारनांगोन। रायफोरनाया जाबाय संबिजिदनि जुरिजेननाय। बबेवा गांसे बिजाबनि जुरिजेननाया बिजाबनि सोमोन्दै सुंद ‘वै गासैबो खोथा फोरमायनाय बादिनो भारतबर्षनि संबिजिदनि रायफोरमायनायाबो संबिजिदनि गुबै आदर्श आरो थांखिनि सोमोन्दै फोरमायग्रोयो। बेनिखायनो गोबाङानो खुगाफोरनायखौ भारतनि संबिजिदनि जिउ (Soul), गोसोन्थि (Conscience), दरखं मोखां (threshold) आरो साबि (Keys) होननानै बुंदों।

भारतबर्षनि संबिजिद रनसायगिरिफोरा संबिजिद रनसायनाय समाव गोदोनि भारतारि सोदोमस्रि आरो हारिमुनि फारसेबो गोसो होदोंमोन आरो बिदि आदर्शवा संबिजिरनि बिलायाव बेरखांजानायखौ लुबैदोंमोन।’ जों भारतारि सरासनस्रा सुबुंङा’ होनना जागायजेननाय रायफोरनायाव थानाय मोनफोफ्रोमबो सोदोबजों सरजाबफानानै दं थि आदर्श। रायफोरनायाव ‘जों भारतारि सरासनस्रा सुबुङा’ होनना मख ‘नानै रनसायगिरिफोरा रोखा फोरमायना होदोंदि संबिजिद रनसायगिरिफोरा भारतारि सुबुं संबिजिरा भारतारि सुबुंनि आरो भारतारि सुबुंफोरानो संबिजिदनि सिंनि गोख्रों गोहो।

रायफोरनायाव थानाय मख’जाथाव सोदोबफोरा जाबाय– ‘उदां’, ‘समाजबादि’, ‘दोहोरोमउदां’, ‘फोरजाखान्थियारि’ आरो ‘सुबुंखुंथाइ’। बे मोनफ्रोमबो सोदोबनि गेजेरावनो संबाजिरनि आदर्शवा बेरखांदों।

बेफोरनि अनगायैबो रायफोरनायाव मख ‘नाय दंदि भारतनि सरासनस्रा सुबुंफोरा हादराव नियाय, उदांस्रि, समानथि आरो बिदा- फंबाइ सानलायनाय गायसननांगोन। नियाय, उदांस्रि, समानथि आरो बिदा-फंबाइ सानलायनाय गायसंनायखौ मख’नानै संबिजिर रनसायग्राफोरा संबिजिदनि आदर्श आरो थांखिखौ मोजाडै बेरखांहोदों।

सों 2. उदां, समाजखान्थियारि, दोहोरोमउदां, फोरजाखान्थि, सुबुंखुंथाइ बुंब्ला मा बुजियो बेखेवना लिर।

फिन : उदां, समाजखान्थियारि, दोहोरोम उदां, फोरजाखान्थि, सुबुंखुंथाइ आरि मख ‘जाथाव सोदोबफोरखौ संबिजिद रनसायग्राफोरा संबिजिद नि रायफोरनायाव सोसनदों। बे मख ‘जाथाव सोदोब मोनफ्रोमनि गेजेराव संबिजिदनि आदर्शवा बेरखांदों। गाहायाव बेफोर सोदोबनि सोमोन्दै सावरायनाय जाबाय।

उदां (Sovereign): भारतबर्षवा गंसे उदां हादर। त्रंयंकउदांस्रियानो जादों हादरनि देरसिन गोहो। अदेबानि बायजोआरियै भारतबर्षआ गुबुन हादरारि। गोहोनि सिं नङा आरो सिङावबो भारत हादरा गुबुन जेबो जरखा गोहोजों सामलायजानाय नङा।

समाजखान्थियारि (Socialist): भारतबर्षआ गंसे समाजबादि हादर। भारतबर्षआव मानसिफोरनि गेजेराव आय, मार्यादा आरो जिउ खुंनायनि मानदान्दानि बेलायाव फारागथि थानाय नङा। दिहुननायनि आगजुफोरखौ हारिमायारि खालामनाय जागोन। हारिमायारि आयखौ समान राननायनि गेजेरजों समाजबादि गायसननाय जागोन। हादरनि रांखान्थिखौ सरासनस्रा सुबुङा थि खालामगोन। रावबो दोहोनि सुबुंजों हादरनि रांखान्थिया सामलाय जानाय नङा।

दोहोरोम उदां (Secular): भारतबर्षआ गंसे दोहोरोम उदां हादर जागोन। बेयाव सरखारि दोहोरोम होननाय जेबो दोहोरोम थानाय नङा। सरखारनि नोजोराव गासैबो दोहोरोमानो समान आरो दोहोरोमखौ लानानै जेबो गोरोबलायि जानाय नङा।

फोरजाखान्थियारि (Democratic): भारतबर्षवा गंसे फोरजाखान्थियारि हादोर। हादोरनि खुंथाय खान्थिया सरासनस्रा सुबुंफोरनि थान्दैफोरजों सामलाय जागोन। सरासनस्रा सुबुङा हादोरनि खुंथायखौ गावनि थाखाय गावनो खुंगोन आरो खुंगिरिफोरा सरासनस्रा सुबुंफोरनि थाखाय हाबा मावथारनांगोन।

सुबुंखुंथाइ (Republic): भारतबर्षआ गंसे सुबुंखंथाइ। हादर गाहाया सरासनस्रा सुबुंजों सायख’जानाय जागोन। हादरगाहाइनि मासिया हारिसंनाय जानाय नङा एबा सोरजोंबा सायख’जानाय जाया।

सों 3. नेहरुनि नोजोरनि सोमोन्दै थांखि माखासेखौ बेखेवना लिर। 

फिन : नेहरुवा मख ‘नाय नोजोरनि थांखिफोरनि (बिथांखि) गुबै आयदाफोरा एरैबादि–

(i) संबिजिद आफादा भारतबर्षखौ ‘उदाङै उदां, सुबुंरायजो’ (Independent, Sovereign, Republic) महरै फोसावनो गोख्रों गरन्थ लादों (उनाव उदाङै, सोदोबखौ गारनाय जायो)। 

(ii) ब्रिटिस खुंनाय भारतबर्षनि हा बाहागो आरो भारतजों सरजाबफानो लुबैनाय हादरारि रायजोफोरखौ लानानै रायजोफोरनि जथाय (Union of states) दानाय जागोन।

(iii) भारतबर्षनि सरासनस्रा सुबुंफोरनि समाजारि, रांखान्थियारि आरो राजखान्थियारि नियाय, समानथि, धोरोमारि उदांस्रि रैखाथि, साननाय आरो गावनि मत फोरमायनायनि उदांस्रिखौ गनायथि होनाय जागोन। 

(iv) अनुसुचित जाति, अनुसुचित जनजाति, जौगायि हारि आरो एसेल’ अनजिमानि सरासनस्रा सुबुंफोरनि रैखाथिनि राहा थागोन। 

(v) हादरनि उदास्रि उदां (Sovereignty) आरो सोखावयिनि सायाव गोसो होनाय जागोन।

(vi) मुलुगनां मोजां सोमोन्दो, मुलुग गोजोन रैखा आरो सरासनस्रा सुबुंफोरनि मोजांनि थाखाय भारतबर्षआ आबुङै हेफाजाब होगोन।

(vii) सरासनस्रा सुबुङानो जागोन गसैबो गोहोनि फुंखा। उदां हादोरनि सोरखार आरो गासैबो अंगयानो सरासनस्रा सुबुंनिफ्राय गोहो मोनगोन।

(viii) जुथायाव (Union) लोगो जाफानाय हादोरारि रायजोफोरा आद्रा थाबावनाय गोहोजों गावखुंथायनि गेजेरजों अंग’ रायजोनि मान मोनगोन।

सों 4. भारतबर्षनि जुथाइ हायुङारि राहानि आखुथाइफोरनि सोमोन्दै सावरायना लिर। 

फिन : जथाइहायुं गंसे जानो थाखाय जा आखुथाइ नांगौ बै आखुथाइफोरखौ भारतबर्षनि संबिजिदावबो मोननाय जायो। भारतबर्षनि जुथाइहायुङारि राहानि आखुथाइफोरखौ गाहायाव सावरायनाय जाबाय–

(i) जुथाइ हायुं दानाय राइजोफोरनि खौसेथि: भारतबर्षनि अंग राइजोफोरा गावस्रानानै थांनायनि मोनथाइ गैया। खाथि खाथि थालायनाय मोनफ्रोमबो राइजोनि गेजेराव खौसेथि थालायनाय नुनो मोनो।

(ii) मोननै थाखोनि सोरखार (मिरु आरो रायजो): खुंथाइनि सुबिदानि थाखाय जुथुम हादोराव मोननै थाखोनि सोरखार थायो। गंसेया जाबाय मिरु सोरखार आरो गुबुन गंसेया जाबाय रायजो सोरखार। गुबुन जुथाइहायुंनि उलथायै भारतबर्षनि मिरु सोरखारा जोबोद गोहोगोरा।

(iii) लिरनाय सोदांनोहानाय संबिजिद: जुथुमहादोराव थानाय बादि जोंनि भारतनि अंग रायजोफोरा आलादा संबिजिर गैया। गासै भारतबर्षनि थाखाय गांसे लिरनाय सोदांनो हानाय संबिजिर दं।

(iv) गोहो रानलायनाय: भारतबर्षनि संबिजिरा मिरु सोरखार आरो रायजो सोरखानि गेजेराव गोहोखौ रानलायनानै होदों। जुदिय’ गोहोखौ रानलायदों, मिरु सोरखारनि आखाइयाव गोनां गोहोफोरा थुबुर जाना दङ। अंग रायजोफोरनि रायजो बेंगिरिया (Governor) मिरुवारि सोरखारनि थान्दै महरैसो खुंथाइ सामलायो।

(v) जौसिन बिजिरसालि: भारतबर्षनि संबिजिरा गासै भारतबर्षनि थाखाय गंसे जौसिन बिजिरसालि गायसनदों। बे बिजिरसालिया भारतनि बिजिरनाय राहानि गोजौसिनाव दं। जौसिन बिजिरसालिया जाबाय भारतनि बिजिरनाय राहानि बिगोमा।

भारतबर्षनि संबिजिदाव गोजौवाव मख ‘नाय जुथुमहादोरनि आखुथायफोरखौ मोनोब्लाबो जोंनि हादोरनि बेबस्थया थार जुथुमहादोरनि बेबस्था नङा। बेयाव मिरुसेयारि सोरखारनि गोबां आखुथाइ सरजाबफानानै दं। संबिजिर रनसायग्राफोरा जोंनि बेबस्थाखौ खाव जुथुम हादोर, एखुथा जुथुम हादोर, मिरुवारि जुथुमहादोर मुं होदों। बेनि अनगायैबो आमेरिका जुथुमहादोराव थानाय नैथि नोगोरारि (Dual Citizenship) भारतबर्षयाव गैया। भारतबर्षयाव सासे नोगोरारिया भारतबर्षनिबोल’ नोगोरारि जानो हायो।

सों 5. भारतबर्षनि संसदारि खान्थिनि सोरखारनि मख ‘जाथाव आखुथाइफोरनि सायाव बिजिर।

फिन : संसदारि फोरजाखान्थिनि राहायाव सरासनस्रा सुबुंनि थान्दैजों दाजानाय मोनसे आफादनो खुंन्थाइनि देरसिन गोहोखौ होनाय जायो। भारतबर्षयाव बे आफादखौ ‘संसद’ बुंनाय जायो। भारतबर्षनि संसदा ल’कसभा आरो राज्य ‘समाजों दाजानाय लोगोसे भारतनि हादोरगिरियाबो संसदनि एंगारहायि बाहागो।

जायखान्थिनि सोरखाराव मावफुंआफाद आरो आयेन आफादनि गेजेराव मोजां सोमोन्दो थायो, मन्थ्रिसभाया आयेन आफादनि सेराव दायगोनां, बिदि खान्थिनि सोरखारानो संसदारि खान्थिनि सोरखार। संसदारि खान्थिनि सोरखारनि मख ‘जाथाव आखुथाइफोरखौ गाहायाव होनाय जाबाय–

(i) बे खान्थिनि सोरखाराव हादोरगाहाइ आरो सोरखार गाहाइनि गेजेराव फाराग थायो। मावफुंआफादनि गोहोखौ गाहाइ मन्थ्रिनि मन्थ्रिआफादासो बाहायो। जोंनि हादोराव हादोरगिरिया जाबाय हादोर गाहाइ आरो गाहाइ मन्थ्रिया जाबाय सोरखार गाहाइ।

(ii) संसदारि खान्थिनि सोरखाराव मन्थ्रि आफादनि गासैबो सोद्रोमाफोरा आयेन आफादनि सोद्रोमा जानांगौ।

(iii) संसदारि खान्थिनि सोरखाराव मन्थ्रिआफादनि हाबा मावनाय समा थि नङा आयेन आफादनि मददथिनि सायाव मन्थ्रि आफादनि हाबा मावनाय समा सोनारो।

(iv) बे खान्थिनि सोरखाराव मावफुं आफाद आरो आयेन आफादनि गेजेराव मोजां सोमोन्दो थायो।

(v) बे खान्थिनि सोरखाराव हादोरगाहाया मुङाबोल’ मावफुंग्रा बेराफारसेथिं गाहाइ मन्थ्रिजों दाजानाय मन्थ्रि आफादा थार मावफुंग्रा।

(vi) थार मावफुंग्रा एबा मन्थ्रि आफादा आयेन आफादनि सेराव दायगोनां।

उफ्रा सोंनाय फिननाय

सुंद’ फिननायनि सोंनायः

सों 1. 1945 मायथाइनि जुलाइ दानाव इंलेण्डाव खुंजानाय सरासनस्रा बिसायखथियाव बबे हानजाया गोहोयाव फैदोंमोन?

फिन : लेबार पार्टि (Labour Party) 

सों 2. गंसे उदां आरो फोरजाखान्थियारि हादरनि थाखाय माया जोबोर गोनां? 

फिन : गांसे लिरनाय संबिजिद।

सों 3. ड° राजेन्द्र प्रसादनि संबिजिद आफादा संबिजिर रनसायनो बेसेबां खेब जथुमदोंमोन?

फिन : खेब 11 जुथुमा ज ‘दोंमोन।

सों 4. सोरनि दैदेननायाव भारतनि संबिजिद आफादा दाजादोंमोन?

फिन : केबिनेट मिसननि दैदेननायाव भारतनि संबिजिद आफादा दाजादोंमोन। 

सों 5. भारतनि संबिजिर रेबजेन कमिटिनि गासै सोद्रोमानि अनजिमाया साबेसे? 

फिनः सा-स्नि।

सों 6. संबिजिदनि जुरिजेननाया मा?

फिन : भारतनि संबिजिदनि जुरिजेननाया जाबाय रायफोरनाय। 

सों 7. संबिजिर रेबजेन कमिटिनि आफादगिरिया सोरमोन?

फिन : ड° बि.आर. आम्बेदकार।

सों 8. ‘दोहोरोम उदां’ सोदोबखौ संबिजिरनि रायफोरनायाव माब्ला सोसननाय जादोंमोन?

फिन : 1976 मायथाइ।

SL No.CONTENTS
Unit – 1जारिमिन
Chapter 1बंग सोखावनाय (1905-1911) आरो गावहादरारि सोमावसारनाय
Chapter 2महात्मा गान्धी आरो भारतनि उदांस्रि सोमावसारनाय
Chapter 3आसामाव ब्रिटिस बेरेखा जांख्रिखांनाय आरो आबादारि बिग्रायनाय
Chapter 4उदांस्रि सोमावसारनाय आरो आसामाव हारिमायारि जांख्रिखांनाय
Chapter 5भारत आरो सा-सानजा ओनसोलनि हारिमुवारि गोदोमिन
Unit – 2भुमखौरां
Chapter 1रांखान्थियारि भुमखौरां : आयदाफारि आरो सम्फद
Chapter 2आबहावा आरो आबहावानि जेंना
Chapter 3बहुमनि भुमखौरां
Chapter 4आसामनि भुमखौरां
Unit – 3राजखान्थियारि बिगियान
Chapter 1भारतारि फोरजाखान्थि
Chapter 2मुलुगनां फसंथान हायुंआफाद आरो गुबुन गुबुन
Unit – 4रांखान्थि बिगियान
Chapter 1खावरि आरो बेंक बेबस्था
Chapter 2रांखान्थियारि जौगानाय
Chapter 3जोंनि मोनथाइ जोंनि बिबान

सों 9. संबिजिदनि बेसेबां नं अनुच्छेदाव (फारि) भारतबर्षखौ गंसे राइजोफोरनि जथाइ (Union of states) मख ‘नाय जादों?

फिन : संबिजिदनि 1 नं अनुच्छेदाव।

सों 10. इंराजी ‘Federation’ सोदोबा लेटिन सोदोबनिफ्राय लाबोजानाय? 

फिन : इंराजी ‘Federation’ सोदोबा लेटिन ‘Foedus’ सोदोबनिफ्राय लाबोजानाय।

सों 11. संबिजिर रनसायग्राफोरा भारतबर्षवाव जथुमहादोरारि राहा बाहायनायनि बिथिङाव बबे हादोरनि संबिजिरखौ उनसंदोंमोन?

फिन : कानाडा जथुमहादोर। 

सों 12. ‘नैथि नोगोरारि’ ( Dual Citizenship) थानाय गंसे हादोरनि मुं लिर।

फिन : मार्किन जथुमहादोर।

सों 13. आमेरिकायाव’ संसद’ (Parliament ) बादिखौ मा मुङैमख ‘नाय जायो?

फिन : कंग्रेस (Congress)। 

सों 14. ‘हेफाजाबारि जथुम हादोर’ (Co-operative Federation) बुङोब्ला मा मिथियो? 

फिन : हेफाजाबारि जथुम होहोरा जाबाय गुबैयै मिरु-रायजोनि हेफाजाबनायनि सायाव सोनारलायनाय मोनसे जथुम हादोरारि राहा। 

सों 15. लेटिन सोदोब ‘Foedus’ ओंथिया मा?

फिन : लेटिन सोदोब ‘Foedus’ नि ओंथिया जाबाय गोरोबथा।

सों 16. थार जथुमहादरारि खान्थिया बबे हादराव सोलिगासिनो दङ? 

फिन : थार जथुमहादरारि खान्थिया आमेरिका जथुमहादराव सोलिगासिनो दं। 

सों 17. भारतबर्षआव जथुमहादरारि आखुथाइ गैयिनि मोनसे बिदिन्थि लिर। 

फिन : भारतबर्षआव जथुमहादरारि आखुथाइ गैयिनि मोनसे बिदिन्थिया जाबाय अंग राइजोफोराव थानाय राइजोबेंगिरि थिसननाय खान्थि।

सों 18. हादरसा गंसेयाव मिरु सरकार थान्दैबादियै सोर खामानि मावो? 

फिन : हादरसा बेंगिरि एबा रायजो बेंगिरिया मिरु सरकारानि थान्दै बादि खामानि मावो।

सों 19. भारतबर्षआव एखुथा जुथाइ हायुङारि राहा खालामनायनि गुबै जाहोना मा?

फिन : भारतवर्षआव एखुथा जुथाइ हायुङारि (Peculiar federation ) राहा खालामनायनि गुबै जाहोना जाबाय हादरनि उदां आरो सोखावयिखौ सरखा खालामनाय।

सों 20. संसदारि फोरजाखान्थिया मा?

फिन : संसदारि फोरजाखान्थिया जाबाय रोखोमसे खुंथाइ राहा जेराव सरासनस्रा सुबुंनि थान्दैजों दाजानाय मोनसे आफादनो खुंथाइनि देरसिन गोहोखौ होनाय जायो। 

सों 21. भारतनि संसदाव गंनै सदनजों लोगोसे एंगारनो हायि गुबुन मोनसे बाहागोआ मा? 

फिन : भारतनि संसदनि गंनै सदन ल ‘कसभा आरो राइजो सभाजों लोगोसे एंगारनो हायि गुबुन बाहागोआ जाबाय हादरगिरि।

सों 22. भारतनि संसदनि गाहाइ सदननि मुङा मा? 

फिन : भारतनि संसदनि गाहाइ सदननि मुङा जाबाय ल ‘कसभा।

सों 23. 1945 मायथाइनि इंलेण्डनि सरासनस्रा बिसायख’थियाव बबे हानजाया गोहोआव फैदोंमोन? बे हानजाया भारतनि थाखाय मा थिरांथा लादोंमोन?

फिन : 1945 मायथाइनि इंलेण्डनि सरासनस्रा बिसायख’थियाव ‘मावथि हानजाया’ गोहोआव फैदोंमोन। बे हानजाया भारतनो उदांस्रि होनायनि थिरांथा लादोंमोन।

सों 24. भारतबर्षनि थाखाय संबिजिद आफाद सोर दानाहोदोंमोन आरो बे संबिजिर आफादनि गिबि जथुमाया माब्ला जादोंमोन?

फिन : भारतबर्षनि थाखाय ‘संबिजिद आफाद’ खौ इंलेण्डनिफ्राय दैथाय हरजानाय केबिनेट मिसना दाना होदोंमोन। बे संबिजिद आफादनि गिबि जथुमाया ड° सदभिदानन्द सिनहानि आफाद दैदेननायाव 1946 मायथाइनि 9 दिसेम्बरखालि जादोंमोन।

सों 25. भारतबर्षनि संबिजिदनि ‘रेबजेन कमिटि ‘खौ माब्ला दानाय जादोंमोन आरो बे कमिटिनि मासिगिरिया सोर?

फिन : भारतनि संबिजिरनि ‘रेबजेन कमिटि’ खौ 1947 मायथाइनि 29 आगष्टखालि दानाय जादोंमोन। बे खसरा कमिटिनि मासिगिरिया जाबाय– ड° बि.आर. आम्बेदकार।

सों 26. भारतनि संबिजिद आफादनि गागि आफादगिरिया सोर? संबिजिर रनसायनो बे आफादा बेसेबां खेब जथुमा जादोंमोन? 

फिन : ड° राजेन्द्र प्रसाद। संबिजिद रनसायनो थाखाय गासै 11 खेब जथुमा ज’दोंमोन।

सों 27. 1935 मायथाइनि ‘भारत सोरखार आयेन’ सोर दादोंमोन? बे आयेना भारतनि उदांस्रिनि उनाव माब्लासिम बाहाय जादोंमोन? 

फिन : 1935 मायथाइनि ‘भारत सोरखार आयेन’ खौ इंलेण्डनि संसदा दादोंमोन। बे आयेना भारतनि उदांस्रिनि उननिफ्राय 1950 मायथाइ 26 जानुवारिसिम बाहाय जादोंमोन।

सों 28. भारतबर्षनि रायफोरनायखौ सानसुमैफोरा मा मा मुङै मख ‘दों? 

फिन : भारतबर्षनि रायफोरनायखौ सानसुमैफोरा भारतनि संबिजिदनि जिउ, गोसोन्थि, दरखं मोखां आरो साबि मुङै मख ‘दों।

सों 29. भारतनि संबिजिदनि 42 थि सोदांनायनि गेजेरजों रायफोरनायाव मा मोननै सोदोबखौ सोसननाय जादों?

फिन : भारतनि संबिजिदनि 42 थि सोदांनायनि गेजेरजों रायफोरनायाव ‘समाजखान्थि’ आरो ‘दोहोरोम, उदां’ बे मोननै सोदोबखौ सोसननाय जादों। 

सों 30. रायफोरनायनि ‘जों भारतारि सरासनस्रा सुबुङा’ बुङोब्ला मा मिथियो?

फिन : रायफोरनायनि ‘जों भारतारि सरासनस्रा सुबुङा’ बाथ्राया बेखौनो रोखा फोरमायोदि संबिजिद रनसायग्राफोरा भारतारि सुबुं, संबिजिदा भारतारि सुबुंनि आरो भारतारि सुबुंफोरानो संबिजिदनि सिंनि गोख्रों गोहो। 

सों 31. भारतारि संबिजिरनि मोनथाम आदर्श रायखां। 

फिन : भारतारि संबिजिदनि मोनथाम आदर्शवा जाबाय–

(i) उदां (Sovereign)

(ii) समाजखान्थि (Socialist) 

(iii) दोहोरोम उदां (Secular)

सों 32. संबिजिर माखौ बुङो? भारतनि संबिजिदखौ माब्ला नाजावनाय जायो आरो माब्ला बाहायनाय जायो?

फिन : उदास्रि (Independent) हादरनि जौसिन आयेन बिलाइखौनो संबिजिद बुंनाय जायो। बहुमनि गासै उदाङै हादरानो गांफा संबिजिर थायो। संबिजिद गांसेया हादर गंसेनि एरैबादि मोनसे राहा जेराव हादरनि थांखि, मावफारि आरो आदर्शफोरा सरजाबनानै थायो। हादर गंसेनि संबिजिदखौ हादर खुंथाइनि गुदि नेम-खान्थिफोरनि जथाइ बुंनो हायो।

भारतनि संबिजिदखौ 1949 मायथाइनि 26 जानुवारिखालि नाजावनाय जायो आरो 1950 मायथाइनि 26 जानुवारिखालिनिफ्राय बाहायनाय जायो। 

सों 33. भारतवर्षआदि गंसे उदां (Sovereign) हादर बेनि मोननै आखुथाइ लिर।

फिन : भारतबर्षआदि गंसे उदां (Sovereign) हादर बेनि मोननै आखुथाइया जाबाय–

(i) भारतबर्षआ गंसे उदांस्रि (Independent) हादर।

(ii) बायजोआरियै भारतबर्षआ गुबुन हादरारि गोहोनि सिं नङा आरो सिङावबो भारत हादरा गुबुन जेबो जरखा गोहोजों सामलायजानाय नङा। 

सों 34. भारतबर्षखौ मानो ‘उदां फोरजाखान्थियारि सुबुंखुंथाइ’ बुंनाय जायो?

फिन : 1947 मायथाइनि 15 आगष्टनिफ्राय भारतबर्षआ गंसे उदां (Sovereign) हादोराव गनाय जायो। थामहिनबा बेयो गुबुन हादोरारि गोहोनि सिं नङा। बेयो आबुं गंसे उदाङै हादोर। भारतनि खुंथाय राहाया फोरजाखान्थियारि थामहिनबा मोनसे थि समनि उन उन भारतारिफोरा थान्दै बिसायखनानै सोरखार दाना खुंथाय सामलायो। भारतबर्षआ गंसे सुबुंरायजो। मानोहोनब्ला बेनि हादोरगाहाइखौ सरसनस्रा सुबुङा सायख’यो। बे जाहोनावनो भारतखौ ‘उदां, फोरजाखान्थियारि सुबुंबुंथाइ’ बुंनाय जायो।

सों 35. भारतबर्षयाव समाजबाद (Socialist) गायसननायनि थांखि मोननै मा मा?

फिन : भारतबर्षयाव समाजबाद गायसननायनि थांखि मोननैया जाबाय–

(i) भारतबर्षनि मानसिफोरनि गेजेराव आय, मर्यदा आरो जिउ खुंनायनि बेलायाव फारागथि थानाय नङा।

(ii) दिहुनथायनि आगजुफोरखौ हारियारि खालामनानै, हारियारि आयखौ समान राननायनि गेजेरजों हादराव गलाय गथाय रांखान्थि गायसननाय। 

सों 36. भारतबर्षयादि सुबुंखुंथाइ (Republic) बेनि मोननै आखुथाइ मख’।

फिन : भारतबर्षया सुबुंखुंथाइ बेनि मोननै आखुथाइया जाबाय–

(i) भारतनि हादरगाहाया सरासनस्रा सुबुंजों सायख ‘जानाय।

(ii) भारतनि हादरगाहाइनि मासिया हारिसंनाय नङा। 

सों 37. संबिजिद आफादनि गिबि जथुमायाव नेहरुवा दैखांनाय जायखिजाया मोनथाम बिथांखि (resolution) आयदाफोर लिर। 

फिन : संबिजिर आफादनि गिबि जथुमायाव नेहरुवा दैखांनाय मोनथाम बिथांखिनि आयदाफोरा जाबाय–

(i) सुबुं परिषदा भारतबर्षखौ उदाङ, उदां, सुबुंखुंथाइ महरै फोसावनो गोख्रों गरन्थ लादों। 

(ii) ब्रिटिस खुंनाय भारतबर्षनि हा बाहागो आरो भारतजों सरजाबफानो लुबैनाय हादोरारि रायजोफोरखौ लानानै रायजोफोरनि जथाय दानाय जागोन। 

(iii) अनुसुचित जाति, अनुसुचित जनजाति, जौगायि हारि आरो एसेल’ अनजिमानि सरासनस्रा सुबुंफोरनि रैखाथिनि राहा लामा थानांगोन।

सों 38. इंराजी ‘Federation’ सोदोबा बबे सोदोबनिफ्राय फैनाय आरो बिनि ओंथिया मा?

फिन : इंराजी ‘Federation’ सोदोबा लेटिन सोदोब ‘Foedus’ निफ्राय फैदों। बेनि ओंथिया जाबाय गोरोबथा।

सों 39. जुथाइ हायुं सरखार थानाय गंनै हादरनि मुं लिर। 

फिन : जुथाइ हायुं सरखार थानाय गंनै हादरनि मुङा जाबाय–

(i) आमेरिका। 

(ii) कानाडा।

सों 40. भारतबर्षनि सदन गंनैनि मुङा मा मा? बेनि बबे गंसेया गोहोगोरासिन? 

फिन : भारतबर्षनि सदन गंनैनि मुङा जाबाय गोजौ सदन-रायज ‘सभा आरो गाहाय सदन-ल’क सभा। बे गंनैनि, ल’कसभाया गोहोगोरासिन। 

सों 41. संबिजिद रनसायग्राफोरा भारतनि जुथाइ हायुङारि राहाखौ मा मा मुंजों मख ‘दों?

फिन : भारतनि संबिजिद रनसायगिरिफोरा जोंनि हादोरनि जुथाइ हायुङारि राहाखौ गाहायाव होनाय मुंफोरजों मख ‘दों– 

(i) खाव जुथाइ हायुं (Quasi federal)

(ii) एखुथा जुथाइ हायुं (Peculiar federation)

(iii) मिरुवारि जुथाइ हायुं (Centralised federation) 

(iv) दाथायाव जुथाइ हायुं नाथाय आदर्शवाव मिरुसेयारि (Federal in form but unitary in spirit)

सों 42. भारतबर्षनि संबिजिद रनसायगिरिफोरा आमेरिकानि संबिजिदखौ उनसङालासै कानाडानि संबिजिदखौ उनसंनायनि जाहोना मा?

फिन : आमेरिकानि जुथुम हादरारि खान्थिया थार जुथाइ हायुं खान्थिमोन। जेराव अंग रायजोफोरनो गोबां उदांस्रि होनायजों लोगोसे जुदा संबिजिद ओरो नैथि नोगोरारि रहा खालामनाय जादों। जोंनि संबिजिर रनसायगिरिफोरा मोनसे खोथाखौ मिथिनो मोनदोंमोनदि-गोदानै जोनोम मोननाय भारतबर्षआव जुदि अंग राइजोफोरनो गोबों उदांस्रि होनाय जायोब्ला आरो आमेरिकानिबादि जुदा संबिजिद आरो नैथि नोगोरारिनि बेबस्था खालामनाया जायोब्ला हारियारि खौसेथि आरो सोखाबयिखौ गोख्रों खालामनाया जाफुंनाय नङा। बेनिखायनो संबिजिर रनसायगिरिफोरा आमेरिकानि संबिजिरखौ उनसङालासे कानाडानि गुरुं संबिजिदखौ उनसंदोंमोन।

सों 43. जुथाइ हायुङारि राहानि मोनथाम आखुथाइ रायखां। 

फिन : जुथाइ हायुङारि राहानि मोनथाम आखुथाइया जाबाय–

(1) गांसे लिरनाय आरो सोदांनोहानाय संबिजिद।

(ii) मोननै थाखोनि सरखार।

(iii) गोहो रानलायनाय।

सों 44. संसदारि फोरजाखान्थिनि मोननै आखुथाइ लिर।

फिन : संसदारि फोरजाखान्थिनि मोननै आखुथाइया जाबाय– 

(i) सरासनस्रा सुबुंनि थान्दैजों दाजानाय मोनसे आफादनो खुंथायनि देरसिन गोहोखौ होनाय जायो।

(ii) हादोर गाहाया मुङावल’ खुंथायगिरि थामहिनबा सोरखार गाहायसो थार खुंथायगिरि।

सों 45. इंलेण्डनि संसदारि फोरजाखान्थि आरो भारतनि संसदारि फोरजाखान्थिनि गेजेराव थानाय मोनथाम फाराग दिन्थि। 

फिन : फाराग मोनथामा जाबाय–

(i) भारतबर्षनि संसदारि फोरजाखान्थियाव हादर गाहाया सरासनस्रा सुबुंजों सायख’जानाय बेराफारसेथिं इंलेण्डनि संसदारि फोरजाखान्थियाव हादरगाहाइनि मासिया हारिसंनाय।

(ii) भारतबर्षनि संसदनि गोजौ सदन रायजो सभानि दाथाय आरो गोहोआ इंलेण्डनि गोजौ सदन हाउस अब लर्डसनिख्रुइ जोबोद आलादा।

(iii) इंलेण्डनि संसदारि फोरजाखान्थियाव संसदा जोबोर गोहो गोनां। नाथाय भारतबर्षनि संसदा एसेबां गोहो गोनां नङा।

सों 46. भारतारि संबिजिदनि रायफोरनाया ओंथिगोयि दा? जुदि नङा मोनब्रे जुक्ति हो। 

फिन : भारतारि संबिजिरनि खुगाफोरनाय ओंथिगैयि नङा। बेनि फारसे थानाय मोनब्रै जुक्तिया जाबाय–

(i) खुगाफोरनाया संबिजिरनि रोखानङि हमदांनायफोरखौ बेखेवथिनायाव हेफाजाब होयो। 

(ii) बेयो संबिजिदनि नोजोर आरो आदर्शखौ मोजाङै मोनथिहोनायाव हेफाजाब होयो।

(iii) रायफोरनायनि गेजेरजों सरखारनि मावथाइफोरखौ नायबिजिरनो हायो। 

(iv) रायफोरनाया सुबुंमत (Public Opinion) जोनोम होनायाव हेफाजाब होयो।

सों 47. संबिजिदनि खुगाफोरनाय बुङोब्ला मा मिथियो?

फिन : खुगाफोरनाया जाबाय संबिजिदनि जुरिजेननाय। बेवहाय संबिजिदनि आदर्श आरो थांखिफोरनि बुंफोरनाय थायो। खुगाफोरनायखौ संबिजिदनि जिउ, गोसोन्थि, दरखं मोखां आरो साबि होननानै बुंनो हायो। बेयो संबिजिदनि रोङानङिहमदांनायफोरखौ रोखा खालामनायाव हेफाजाब होयो। थारै बुङोब्ला बुंनो हायोदि खुगाफोरनायाव जायगा मोननाय खोथाफोरखौ मिथियोब्लासो संबिजिदखौ मिथि हायो। 

सों 48. 1935 मायथाइनि’ भारत सरखार आयेन’ नि मोननै गाहाइ खान्थि लिर। 

फिन : 1935 मायथाइनि ‘भारत सरखार आयेन’ नि मोननै गाहाइ खान्थिया जाबाय–

(i) गबर्णरजों खुजानाय हादरसा, सिफ कमिसनारजों खुंजानाय हादरसा आरो हादरनि रायजोफोरखौ लानानै गंसे भारतारि जुथाइहायुं दानाय जागोन। 

(ii) मोनफ्रोम गबर्णरजों खुंजानाय हादरसायाव हादरसायारि जायगानि खुंथाइ बाहायना सायखजानाय बिधानसभानि सोद्रोमाजों हादरसायारि सोरखार दानाय जागोन।

Leave a Reply