SEBA Class 10 Social Science Solution In Bodo| Chapter-2| महात्मा गान्धी आरो भारतनि उदांस्रि सोमावसारनाय

SEBA Class 10 Social Science Solution In Bodo| Chapter-2| महात्मा गान्धी आरो भारतनि उदांस्रि सोमावसारनाय, सूची में प्रत्येक अध्याय का उत्तर प्रदान किया गया है ताकि आप आसानी से विभिन्न अध्याय एनसीईआरटी समाधान कक्षा 10 सामाज बिगियान Bodo Medium में खुल सकें और एक की आवश्यकता का चयन कर सकें। इसके अलावा आप एनसीईआरटी (CBSE) पुस्तक दिशानिर्देशों के अनुसार विशेषज्ञ शिक्षकों द्वारा इस खंड में NCERT पुस्तक ऑनलाइन पढ़ सकते हैं। ये समाधान NCERT Bodo (MIL) समाधान का हिस्सा हैं। यहां हमने कक्षा 10 NCERT सामाज बिगियान पाठ्य पुस्तक समाधान सामाज बिगियान के SEBA Class 10 Social Science Solution In Bodo| Chapter-2| महात्मा गान्धी आरो भारतनि उदांस्रि सोमावसारनाय लिए दिए हैं आप यहां इनका अभ्यास कर सकते हैं।

SEBA Class 10 Solutions

SEBA CLASS 10 (Ass. MEDIUM)

SEBA CLASS 10 (Bangla MEDIUM)

SEBA CLASS 10 (English MEDIUM)

SEBA Class 10 Social Science Solution In Bodo| Chapter-2| महात्मा गान्धी आरो भारतनि उदांस्रि सोमावसारनाय

SEBA Class 10 Social Science Solution In Bodo| Chapter-2| महात्मा गान्धी आरो भारतनि उदांस्रि सोमावसारनाय ये उत्तर संबंधित विषयों के अनुभवी प्रोफेसरों द्वारा सावधानीपूर्वक तैयार किए जाते हैं। उनका उद्देश्य छात्रों को विषय की उचित समझ में मदद करना और उनके कौशल और अभिव्यक्ति की कला में सुधार करना है। यदि ये उत्तर उन उद्देश्यों को पूरा करते हैं जिनके साथ वे तैयार किए गए हैं, तो हम अपने प्रयास को पर्याप्त रूप से पुरस्कृत मानेंगे। इन उत्तरों में और सुधार के लिए किसी भी सुझाव का हमेशा स्वागत है।

खोन्दो 2

बांसायख’ सोंथिनि फिननाय

गेबें फिननायखौ सायख’ :

सों 1. गिबि मुलुग दावहाया जादोंमोन–

(a) 1914 मायथाइ।

(b) 1939 मायथाइ।

(c) 1917 मायथाइ।

(d) 1945 मायथाइ।

फिन : (a) 1914 मायथाइ।

सों 2. रासियानि जांख्रिथाइया जादोंमोन–

(a) 1920 मायथाइ।

(b) 1757 मायथाइ।

(c) 1917 मायथाइ।

(d) 1869 मायथाइ।

फिन : (c) 1917 मायथाइ।

सों 3. महात्मा गान्धीया सुबुंफोरखौ दैदेनदोंमोन–

(a) सा बिहारनि चम्पारन दाङाबाजि।

(b) फुलगुरिनि धावा।

(c) रडियानि आबादारि बिग्रायनाय।

(d) गोजौनि मोनसेबो नङा।

फिन : (a) सा बिहारनि चम्पारन दाङाबाजि। 

सों 4. गिबि मुलुग दावहायाव बृटिस जथाइ होनजानि गंसे हादर–

(a) जार्मानी।

(b) जापान।

(c) फ्रान्स।

(d) भुटान।

फिन : (c) फ्रान्स।

सों 5. खोला आफ्रिकायाव बर्णबादनि (गाबलानानै बासिनाय) बेरेखायै भारतारि सोमावसारनाय जागायदोंमोन।

(a) जवाहरलाल नेहरु। 

(b ) महात्मा गान्धी।

(c) नेताजी सुभास चन्द्र बंसु।

(d ) रासबिहारि बसु।

फिन : (b) महात्मा गान्धी।

सों 6. महात्मा गान्धीया जोनोम जादोंमोन–

(a) गुजरातनि पर ‘बन्दर।

(b) बिहारनि पाटना।

(c) राजस्थाननि जयपुर।

(d) उत्तर प्रदेसनि लक्ष्नौ।

फिन : (a) गुजरातनि पर ‘बन्दर। 

सों 7. महात्मा गान्धीआ खोला आफ्रिकानि नाटालसिम थांदोंमोन–

(a) 1891 मायथाइ।

(b) 1893 मायथाइ। 

(c) 1888 मायथाइ।

(d) 1869 मायथाइ।

फिन :(b) 1893 मायथाइ। 

सों 8. ‘नाटाल इण्डियान कंग्रेस ‘खौ गायसनदोंमोन–

(a) ग ‘पाल कृष्ण गोखले।

(b) लाला लाजपट राय।

(c) बाल गंगाधर तिलक। 

(d ) महात्मा गान्धी

फिन (d) महात्मा गान्धी।

सों 9. ‘रावलाट आयेन’ दानाय गवर्नर जेनेरेला जाबाय

(a) लर्ड कार्जन।

(b) लर्ड डेलहाउसि।

(c) लर्ड सेमस्फर्ड।

(d) लर्ड मिन्ट’।

फिन : (c) लर्ड सेमस्फर्ड।

सों 10. ‘जालिवानवालाबागनि बुथारग्लुंनाय जाथाइया जादोंमोन

(a) 1919 मायथाइनि 6 एप्रिल।

(b) 1919 मायथाइनि 13 एप्रिल।

(c) 1919 मायथाइनि 20 एप्रिल।

(d) 1920 मायथाइनि 5 जुलाइ। 

फिन : (b) 1919 मायथाइनि 13 एप्रिल

सों 11. उत्तर प्रदेसनि चौरिचौरायाव पुलिस आरो सोमावसारग्राफोरनि गेजेराव हिंसायारि जाथाइया जादोंमोन– 

(a) 1922 मायथाइनि 5 फेब्रुवारि।

(b) 1922 मायथाइनि 10 मार्स।

(c) 1922 मायथाइनि 15 फेब्रुवारि। 

(d) गोजौनि मोनसेबो नङा।

फिन : (a) 1922 मायथाइनि 5 फेब्रुवारि।

सों 12. ‘आबुं गावहादर एबा आबुं उदांसि ‘नि बिथांखि नाजावनाय कंग्रेसनि जथुमा–

(a) 1929 मायथाइनि लाहोर जथुमा।

(b) 1921 मायथाइनि कलिकता जथुमा।

(c) 1905 मायथाइनि बेनारस जथुमा। 

(d) 1906 मायथाइनि कलिकता जथुमा।

फिन : (a) 1929 मायथाइनि लाहोर जथुमा। 

सों 13. ‘संख्रि सत्याग्रह’ एबा ‘दाण्डि जात्रा’ जागायदोंमोन–

(a) 1930 मायथाइनि 6 एप्रिल।

(b) 1930 मायथाइनि 12 मार्स।

(c) 1930 मायथाइनि 31 जानुवारि।

(d ) 1930 मायथाइनि 26 जानुवारि। 

फिन : (b) 1930 मायथाइनि 12 मार्स।

14. सिमानि गान्धी मुडै सिनायजानाय सुबुंआ–

(a) मौलाना चौकत आलि। 

(b) महम्मद आलि।

(c) आगा खान।

(d) खान आब्दुल गफुर खान।

फिन : (d) खान आब्दुल गफुर खान। 

सों 15. ‘भारतारि गाव खुंथाइ लीग’ (Indian Independence league) नि गिबि आफादगिरि–

(a) सुभास चन्द्र बसु।

(b) रासबिहारि बसु।

(c) केप्टइन म’हन सिं। 

(d) गोजौनि मोनसेबो नङा

फिन : (b) रासबिहारि बसु।

सों 16. ‘भारतारि हारिमायारि रौनिया हानजा’ (Indian National Army) नि गायसनगिरिया–

(a) रासबिहारि बसु।

(b) सुभास चन्द्र बसु।

(c) केप्तइन म ‘हन सिं।

(d) प्रफुल्ल चन्द्र राय।

फिन : (c) केप्टइन म’हन सिं।

सों 17. ‘उदां भारतनि गिबि गवर्नर जेनेरेल–

(a) लर्ड माउन्ट बेटेन।

(b) लर्ड वाभेल।

(c) लर्ड सेमसफ र्ड।

(d) लर्ड मिन्ट’।

फिन : (a) लर्ड माउन्ट बेटेन।

सों 18. गान्धीआ हेफाजाबहोयि सोमावसारनायखो दोनथ ‘नायनि जाहोना–

(a) सा बिहारनि चम्पारन दाङाबाजि।

(b) गुजराटनि खेड़ा दाङाबाजि।

(c) फुलगुरि धावा।

(d) चौरिचौरानि जाथाइ।

फिन : (d) चौरिचौरानि जाथाइ।

सों 19. तिलक स्वराज थुबिल’ लोबबा थानाय राजखान्थियारि सोमावसारनाथ।

(a) आयेनमानियै सोमावसारनाय।

(b) हेफाजाबहोयि सोमावसारनाय।

(c) भारत नागारनाय सोमावसारनाय।

(d) गावहादरारि सोमावसारनाय

फिन : (b) हेफाजाबहोयि सोमावसारनाय।

सों 20. भारतारिफोरनि थाखाय’ हारियारि राननाय’ (Communal Award) फोसावनाय बृटिस गाहाइ मन्त्री–

(a) क्लिमेन्ट एटलि।

(b) उइनष्टन सार्सिल।

(c) रामजे मेकड ‘नाल्ड

(d) ट’ नि ब्लेयार

फिन : (c) रामजे मेकड’नाल्ड।

फरानि सोंनाय फिननाय

जोबोर गुसुं फिननायनि सोंनाय :

सों 1. महात्मा गान्धीया माब्ला जोनोम जादोंमोन?

फिन : महात्मा गान्धीया 1869 मायथाइनि 2 अक्ट ‘बराव जोनोम जादोंमोन। 

सों 2. सत्याग्रह आदबखौ गान्धीया बबे हादराव गिबियै बाहायदोंमोन? 

फिन : सत्याग्रह आदबखौ गान्धीजिया गिबियै खोला आफ्रिकायाव बाहायदोंमोन।

सों 3. रबीन्द्र नाथ ठाकुरा मानो ‘नाइट’ बिमुखौ गारगारदोंमोन? 

फिन : जालिवानावाला बागान बुथारग्लुंनाय जाथाइनि हेंथायाव रबीन्द्रनाथ ठाकुरा इंराजनि ‘नाइट’ बिमुंखौ गारगारदोंमोन। 

सों 4. सोर सोरनि दैदेननायाव भारताव खिलाफत सोमावसारनाया जागायजेन्दोंमोन? 

फिन : मौलाना चौकट आलि आरो महम्मद आलिनि दैदेननायाव भारताव खिलाफत सोमावसारनाया जागायजेन्दोंमोन।

सों 5. चौरीचौरानि जाथाइया माब्ला जादोंमोन? 

फिन : चौरीचौरानि जाथाइया 1922 मायथाइनि 5 फेब्रुवारि खालारखालि जादोंमोन।

सों 6. माबादि थासारियाव लाला लाजपत राया थैदोंमोन? 

फिन : साइमन कमिसननि हेंथायै जानाय सुबुं हानजासुरनायफोरनि सायाव पुलिसा लावथि सिबो जेराव लाला लाजपत राया गाज्रियै बुजायो आरो बिनि जाउनावनो बियो थैदोंमोन।

सों 7. माब्ला आरो भारतारि हारिमायारि कंग्रेसनि बबे जथुमायाव भारतारि फोरनि गुबै दाबि महरै आबुं गाव खुंथायनि दाबि दैखांदोंमोन? 

फिन : 1929 मायथाइयाव हारिमायारि कंग्रेसनि लाहोर जथुमायाव भारतारिफोरनि गुबै दाबि महरै आबुं गावखुंथाइनि दाबि दैखांदोंमोन।

सों 8. गान्धीया सबरमती आस्रमनिफ्राय डाण्डिनि लैथो सेराव थांनानै संख्रि आयेन फेलें खालामदोंमोन। सबरमती आस्रम आरो डाण्डिनि गेजेरनि गोजाना बेसेबां?

फिन : सबरमती आस्रम आरो डाण्डिनि गेजेरनि गोजाना 385 कि. मिटार।

सों 9. सिमायारि गान्धी मुङै सोरखौ बुंनाय जायो?

फिन : खान आब्दुल गफुर खान।

सों 10. लण्डनाव जानाय नैथि बेंखन टेबिल मेलाव सोर कंग्रेसनि हारसिंल’ थान्दैमोन।

फिन : महात्मा गान्धी।

सों 11. 1932 मायथाइयाव हारिमारि राननाय फोसावनाय बृटिस गाहाइ मन्थिनि मुङा मा मोन?

फिन : 1932 मायथाइयाव हारियारि राननाय फोसावनाय बृटिस गाहाइ मन्थ्रिनि मुडा जाबाय- रामजे मेकड ‘नाल्ड।

सों 12. बबे सोमावसारनायनि समाव गान्धीया मावगोन एबा थैगोन’ स्लोगान होदोंमोन।

फिन : 1942 मायथाइनि भारत नागारनाय सोमावसारनाय समाव गान्धीया ‘मावगोन एबा थैगोन’ ‘स्लोगान होदोंमोन। 

सों 13. आजाद हिन्द फौजनि गायसनगिरिया सोर?

फिन : केप्टेइन मोहन सिं। 

सों 14. ‘आंनो थै हो, आं नोंसोरनो उदांस्रि होगोन’ बे मुंदांखा खोथाया सोर भारतारिनिमोन?

फिन : नेताजी सुभास चन्द्र बसु।

सों 15. भारत आरो पाकिस्ताननि गेजेरनि सिमा हांखोखौ मा मुङै मिथियो? 

फिन : भारत आरो पाकिस्ताननि गेजेरनि सिमा हांखोखौ ‘रेडक्लिफ हांखो’ मुङै मिथियो।

गोलाउ फिननायनि सोंनाय

सों 1. सत्याग्रह बुङोब्ला मा बुजियो? जाय मोनथाम जायगायारि दावरावनि थाखाय गान्धीया सत्याग्रहखौ गिबियै बाहायदोंमोन बै मोनथामनि सोमोन्दै सुंद’ वै लिर।

फिन : सत्याग्रह सोदोबा ‘सत्य’ आरो ‘आग्रह’ सोदोब मोननै लोगो नांनानै दाजानाय। जायनि ओंथिया सैथोनि फार्से गोसो थानाय थामहिनबा गोगो गोथार जानानै खामानि मावनाय। सत्याग्रहनि गुबै बिथाया अहिंसा थामहिनबा रावखौबो हिंसा खालामि। गान्धीजीया सत्याग्रह सोदोबखौ गिबियै खोला आफ्रिकायाव बाहायदोंमोन। 

खोला आफ्रिकानि राजखान्थियाव सत्याग्रह एबा बेनि गुबै बिथा अहिंसा खान्थिया जाफुंसारनायनि उनाव बियो भारताव फैनानै बृटिसनि हेंथायै बे खान्थिखौ भारतनि राजखान्थियारि सोमावसारनायाव बाहायनो थिरांथा लादोंमोन। बबेखानि गान्धीजीया बे सत्याग्रहखौ भारतनि बेलायाव मोनथाम जायगारि दाङाबाजि (दावराव) आव बाहायजेनदोंमोन। बे मोनथाम जायगायारि दाङाबाजिया जाबाय- सा बिहारनि चम्पारण, गुजराटनि खेड़ा आरो आहमेदाबादनि दाङाबाजि। भारतनि जायगायारि बे मोनथाम दाङाबाजिया 1917-18 मायथाइयाव जादोंमोन।

सा बिहारनि चम्पारण दाङाबाजियाव गान्धीजीया हा बिगोमानि हेंथायै सरासनस्रा आबादारिफोरखौ दैदेनदोंमोन। गुजराटनि खेड़ायाव आबादारिफोरनि आबाद फसला गाज्रि जासेयावबो सरकारा गोबां हाराव खाज ‘ना फज ‘दोंमोन। 

जाय खाज ‘नाखौ आबादारिफोरा होनो हानाय थामिनाव गैयामोन। गान्धीजीया बे खेड़ानि गोबां खाज’ना फजनायनि हेंथायै गसंदोंमोन। आहमेदाबादावबो मिलनि मावसुमाफोरा मोननांगौ मजुराखौ मिल बिगोमानिफ्राय मोनाखैमोन। गान्धीजीया बे आहमेदाबादनि मिल बिगोमा आरो मिलनि मावसुमाफोरनि गेजेराव जानाय दाङाबाजियाव मिल बिगोमानि हेंथायै गसंदोंमोन। 

बे मोनफ्रोमबो हाबाफारियाव बियो ‘सत्याग्रह ‘खौ मोनसे आदब (skill) बादियै बाहायदोंमोन आरो जेराव बेनि बिथाया सेथो आरो अहिंसामोन। बेफोरबादि सोमावसारनायाव सुबुं फोरनि गोबाङै बाहागो लानाया गान्धीनो थार गोहो होदोंमोन।

सों 2. भारताव खिलाफत सोमावसारनाय मानो जादोंमोन? 

फिन : गिबि मुलुग दावहायाव तुर्कीफोरनि जेननायनि फिथाइ बादियै, तुरस्कनि सम्राट खलिफानि मासिया जोबोर हायलांदोंमोन। मुसलमानफोरा तुरस्कनि सम्राटखौ खलिफा एबा धोरोमनि गुरु बादियै गनायोमोन। नाथाय खलिफाया गावनि साम्राज्यनि गोथार जायगाफोरनि सायाव मोनथाइ गोमानायाव मुसलमानफोरा रागाजों जावरिखांदोंमोन। 

भारतारि मुसलमानफोराबो खलिफानि मासिनि मान गोमानायाव गिख्रोंदोमोन। बेखायनो खलिफानि मासिनि मान लाबोफिननो आरो बृटिस साम्राज्यबादनि गाग्लोबनायनिफ्राय रैखा खालामनो भारताव खिलाफत कमिटि दानाय जायो (1919)। बे खिलाफत कमिटिखौ मौलाना चौकट आलि आरो महम्मद आलि सानै बिदा-फंबायनि दैदेननायाव दानाय जादोंमोन। बे खिलाफट कमिटिया सालायनाय सोमाव सारनायानो खिलाफट सोमावसारनाय। गान्धीजीया हादोरनि सार्थआव भारतारि हिन्दु आरो मुसलमानफोरखौ खौसे खालामनायनि मोनसे सुबिदा बादियै खिलाफट सोमावसारनायसिम मददथि होदोंमोन।

सों 3. 1920-22 मायथाइयाव गान्धीजीया मानो हे फाजाबहोयि सोमावसारनाय जागायदोंमोन? बेनि हाबाफारि मा मोन? गान्धीजीया मानो बे सोमावसारनायखौ बन्द खालामदोंमोन?

फिन : भारतनि उदांस्रि सोमावसारनायनि जारिमिनाव हेफाजाबहोयि सोमावसारनाया मोनसे गोनां खोन्दो। बे हेफाजाबहोयि सोमावसारनाया महात्मा गान्धीनि दैदेननायाव सालायजानाय गिबियै बृटिस बेरेखा राजखान्थियारि बिग्रायनाय। 1920-22 मायथाइयाव गान्धीजीया मानो हेफाजाबहोयि सोमावसारदोंमोन बेवहाय बायदि जाहोथाइफोरा बायदि समाव बिहोथाइ होदोंमोन। गाहायाव हेफाजाब होयि सोमावसारनायनि जाहोथाइफोरखौ होनाय जाबाय–

(i) गिबि मुलुग दावहायाव भारतारिफोरनि गोसो गोजोनि।

(ii) रावलट आयेननि हेफाजाबजों बृटिसनि बांद्राय बाहायनाय दबथायनाय खान्थि (1919)। 

(iii) जालियानवालाबागनि सुबुं बुथारग्लुंनाय (1919)।

(iv) बृटिसनि जोहै भारतवर्षयाव रांखान्थियारि सोबख’ नाय।

(v) खिलाफत सोमावसारनायनि फारसे मददथि होनाय।

हेफाजाबहोयि सोमावसारनायनि हाबाफारिफोरखौ मोजां आरो गाज्रि बे मोननै बाहागोआव सननो हायो।

मोजां हाबाफारियाव दोंमोन- आखाइजों खुन्दुं लुनाय आरो तातसालाव सि दानाय, गावहादोरारि मुवा नाजावनाय आरो फोसावनाय, हिन्दुफोरनि गेजेराव सोलिनाय मुगैनाय होखारनो नाजानाय, हिन्दु मुसलमाननि गेजेराव खौसेथि गायसंनाय, फेग्रा मुवा फोजोबनाय, तिलक गावहादोरारि थुबिलनि रां बुथुमनाय आरो हारिमायारि सानथायजों स्कुल कलेज गायसननानै सरकारि स्कुल नागारनाय फरायसाफोरखौ फरायनो सुबिदा होनाय।’

गाज्रि हाबाफारियाव दंमोन– आयेन आफाद, बिजिरसालि आरो सरकारि फरायसालि नेवसिनाय। बेनि अनगायैबो बृटिसमुवा बेसाद नेवसिनाय आरो बृटिसा होनाय बान्था– बिमुं नेवसिनाय।

महात्मा गान्धीया हेफाजाबहोथि सोमावसारनायखौ अहिंसा खान्थिजों सोमावसारदोंमोन। नाथाय बे सोमावसारनाया हिंसानि लामा लादोंमोन। 1922 मायथाइनि 5 फेब्रुवारि खालाराव उत्तर प्रदेसनि चौरिचौरायाव पुलिस आरो सोमावसारगिरिनि गेजेराव मोनसे हिंसायारि जाथाय जायो, जाय जाथाइयाव साथाम सोमावसारगिरि आरो सा 22 पुलिस थैदोंमोन। गान्धीजीआ बे चौरिचौरानि जाथाइखौ लानानैनो हेफाजाबहोयि सोमावसारनायखौ बन्द खालामनानै सफथाह खनथामनि थाखाय अनशनाव (जाया लोडा थानाय) ज’दोंमोन।

सों 4. आयेन मानियि सोमावसारनायनि गुबै थांखिया मा मोन? बे सोमावसारनायनि गुबै आखुथाइया मा मोन? 

फिन : आयेन मानियि सोमावसारनाया भारतनि उदांसि सोमावसारनायाव महात्मा गान्धीनि नैथि राजखान्थियारि बिग्रायनाय। बे आयेन मानियि सोमावसारनायनि गुबै थांखि एबा नोजोरा भारतबर्षनि ‘आबुं गावहादोर’ एबा ‘आबुङे उदां’। बे सोमावसारनायखौ ‘संख्रि सत्याग्रह ‘नि गेजेरजों ‘जागायजेन्दोंमोन जायखौ ‘दाण्डियात्रा’ बुंनाय जायो।

आबुं गावहादर एबा आबुं उदांस्रिनि बाणीजों बोगथाबजानानै हाजार हाजार सुबुंफोरा बे आयेन मानियि सोमावसारनायाव बारसोमदोंमोन। गोबां जायगायाव बृटिस सरकारनि खुंथाइनि थामोनथा गैयि जादोंमोन। हरताल, हानजा सुरनाय, आफाद बायदि हाबाफारिफोरा सोमावसारग्राफोरनि मावनांगौ हाबा बादि जाना फैदोंमोन। गाहायाव बे सोमावसारनायनि गुबै आखुथाइफोरखौ मख ‘नाय जाबाय–

(i) भारतबर्षनि आबुं गावहादर एबा आबुं उदांस्रि।

(ii) 1930 मायथाइनि 26 जानुवारियाव दुलाराय भारतवर्षआवनो’ आबुं गावहादर सान’ फालिनाय।

(iii) बृटिसनि गाज्रि खुंथाइनि फोजोबनाय नागिरनानै गान्धीया भाइसरय लर्ड आइउइनसिम दैथायनाय गासै मोन 11 दाबिखौ गनायना लोनो आरज गाबनाय।

(iv) 1930 मायथाइनि 12 मार्सआव आयेन मानियै सोमाव सारनायखौ जागायनानै 6 एप्रिल सानखालि संख्रि आयेन सिफायनाय।

(v) सा सोनाब सिमायाव खान आब्दुल गुफुर खाननि (सिमानि गान्धी) बे सोमावसारनायसिम मददथि होनानै सरकारनो खाज ‘ना होयिजों बारसोमनाय। 

(vi) लण्डनाव जथुमनाय गिबि बेंखन टेबिल मेलखौ कंग्रेसनि नेवसिनाय।

(vii) आयेन मानियै सोमावसारनायखौ सुग्लायहोनो भाइसरय लर्ड आरउइननि हांख्रायनाय बादियै लर्ड आरउइन आरो महात्मा गान्धीनि गेजेराव मोनसे गोरोबथा जायखौ ‘गान्धी आरउइन गोरोबथा’ मुङै मिथिजायो।

(viii) नैथि दुलुर आरांगा मेलाव कंग्रेजनि हारसिं थान्दै महात्मा गान्धीनि बाहागो लानाय नाथाय मेला जाफुंसाराबालानो थुंगेनाय।

(ix) फिन आयेन मानियि सोमावसारनाय जागायनाय।

(x) कंग्रेसनि आफादगिरि बल्लभ भाइ पेटेल आरो महात्मा गान्धीखो सरकारनि खानाय आरो सोमावसारगिरिफोरनि सायाव पुलिस सान्थ्रिनि आखाइ होनाय।

(xi) 1934 मायथाइनि मे दानाव आयेन मानियि सोमावसारनाय थुंगेनाय। 

सों 5. मा थासारियाव भारत एंगारनाय सोमावसारनाया जागायजेनदोंमोन? भारतनि उदांस्रि सोमावसारनायाव बे सोमावसारनायनि हाबाफारिखौ नों माइलनि खुन्थिया महरै गनायोना? नोंनि मतबादियै जुक्ति हो।

फिन : 1939 मायथाइनि सेप्टेम्बर दानाव नैथि मुलुग दावहा जागायदोंमोन। बे नैथि मुलुग दावहायाव जापाननि बाहागो लानाय आरो बिसोरनि मख ‘थावना देरहानाया भारतनि रैखाथियाव खैफोद लाबोदोंमोन। बृटिसा भारतनि ‘आबुं उदांस्रिंनि बिथांखि नाजावोब्ला बृटिसखौ दावहायाव हेफाजाब होगोन होननानै गान्धी आरो नेहरुवा बाथ्रा होदोंमोन। नाथाय बृटिसा बिसोरनि बिथांखिखौ नेवसियो। 

फारसेथिं जार्मान जथाइ हानजानि देरहाबोनाया मुलुगनि सुबुं खुंथाइयाव खैफोद लाबोनायनि लामायावमोन। बिदि मोनसे थासारियाव बृटिस नख’र सरकार आरो जथाइ हानजानि थाखाय मुलुग दावहायाव भारतनि मददथिखौं नांथारगौ जाना फैदोंमोन। बेखायनो भारतनिफ्राय मददथि नागिरनानै सार स्टाफर्ड क्रिपसनि दैदेननायाव भारताव मोनसे मन्थ्री मिसन दैथाय हरो जायखौ क्रिपस मिसन मुङै मिथिजायो। 

क्रिपसनि बिथांखियाव दावहानि उनाव भारतनि थाखाय गाव खुंथाइ (Dominion status) राहा फोलावदोंमोन लोगोसे संबिजिर रनसायनो थाखाय मोनसे संबिजिरारि आफाद आरो हादरसाफोरनि थाखाय आलादा संबिजिर दानायनि मोनथाइ होनाय जागोन होनना फोसावदोंमोन। बबेखानि बे फोसावनायाव भारतनि आबुं उदांस्रिनि जेबो बिथांखि गैयियाव कंग्रेस आरो मुसलिम लीगआ नेवसिदोंमोन आरो गान्धीया बृटिसनि बेरेखायै थामथि गिदिर’ भारत एंगारनाय’ सोमावसारनाय जागायनायनि गरन्थ’ नाजावदोंमोन ।

भारतनि उदांस्रि सोमावसारनायाव बे भारत एंगारनाय सोमावसारनायनि हाबाफारिखौ मोनसे माइलनि खुन्थिया महरै गनायना लानो हायो। बेनि जुक्तिफोरा जाबाय–

(i) बे सोमावसारनाया भारतारिफोरनि हारिमायारि सानथाइनि गोथौथि, जांख्रिथाइ आरो गावखौ बाउसोमनायनि जथाइ दिन्थिनि मोनसे रुजुथावै बिदिन्थि।

(ii) बे जारिमिनारि सोमावसारनाया उदांस्रिनि दाबिखौ गोख्रै हारिमायारि सोमावसारनायसिम गुस्लायहोदोंमोन।

(iii) बे ब्रैजिनैनि सोमावसारनाया उदांस्रि सोमावसारनायाव थाखोनि फाराग गैयाजासे बयखौबो बारसोमनो थुलुंगा होदोंमोन।

(iv) बे सुबुं सोमावसारनायनि थाखायनो बृटिस सरकारा सानसे भारतखौ एंगारना थांनोगोनां जार्दोमोन। 

सों 6. भारतारि हारिमायारि रौनिया हानजानि सोमान्दै मोनसे फोरमायथि लिर।

फिन : भारतारि हारिमायारि रौनिया हानजा (Indian National Army) नि हमदांथिखौ गिबियै लाबोदोंमोन बृटिस रौनिया हानजायाव साख्रि मावनाय केप्टेइन म’हन सिंआ। बृटिस खुंथाइ सिंनि मालयखौ जापाना गाग्लोबना फेजेनदोंमोन आरो जाउनाव केप्टइन म’हन सिंजों लोगोसे गोबां रौनिया जापाननि सेराव गावखौ गथायनांगौ जादोंमोन। बे भारतारि हारिमायारि रौनिया हानजा जायखौ ‘आजाद हिन्द फौज’ मुङै मिथिनाय जायो, बेनि थांखिया जाबाय जापानिफोरनि हेफाजाबाव भारतनि उदांस्रि लाबोनाय।

बेहायनो मख’नो हायोदि 1942 मायथाइनि मार्स दानाव गुबुन हादराव थानाय भारतारिफोरखौ लाना टकिअ’आव जथुमनाय मोनसे आफादाव ‘भारतारि गाव खुंथाइ लीग’ गायसननाय जादोंमोन। बेनि उनाव 1942 मायथाइनि जुन दानाव बेंककआव जथुमनाय आफादाव ‘भारतारि गाव खुंथाइ लोग ‘नि आफादगिरि महरै रासबिहारि बसुखौ सायख’नाय जायो आरो बैहायनो भारतारि ‘हारिमायारि रौनिया हानजा’ एबा’ आजाद हिन्द फौज ‘खौ फोथां फिननायनि गरन्थ’ नाजावनाय जायो। बेंककनि जथुमाया जार्मानियाव थानाय सुभास चन्द्र बसुखौ जापानसिम हांख्राय हरनाय जायो। 

उनाव 1943 मायथाइयाव सुभास चन्द्र बसुवा रासबिहारि बसुनि हेफाजाबाव भारतारि हारिमायारि रौनिया हानजा एबा आजाद हिन्द फौजखौ दाफामो। रासबिहारि बसुवा भारतारि गाव खुंथाइ लींग’नि आफादगिरि मासि नागारनानै सुभास चन्द्र बसुखौ लोगनि मासियाव बरायनाय जायो आरो आजाद हिन्द फौजनिबो जौसिन बिगोमा होनना फोसावनाय जायो।

1943 मायथाइनि 21 अक्ट ‘बराव सुभास चन्द्र बसुवा सिंगापुराव उदां भारतनि हादरंसायारि सरकार (जायखौ आजाद हिन्द सरकार बुंनाय जायो) दाना बृटिसनिफ्राय भारतखौ उदांस्रि खालामनायनि समाय लायो। भारतारि हारिमायारि रौनिया हानजाखौ दाफामफिनना बेवहाय सरासनस्रा सुबुंखौबो रौनिया हानजायाव थिसननायनि राहा खालामनाय जायो। आइजोफोरखौ लानानैबो जान्सि राणी रेजिमेन्ट’ मोनसे रौनिया हानजा दानाय जायो। बबेखानि दावहानि थाखाय मोनसे दावहा फुनजिबो दानाय जायो।

आजाद हिन्द फौजनि गाहाइ स्लोगानआ ‘जय हिन्द’ मोन। बे आजाद हिन्द फौजआ जापानजों लोगो लानानै ब्रह्महादर, इम्फल आरो कहिमायाव दावहा नांदोंमोन। नाथाय दावहायाव जापाननि जेननाय आरो गावखौ गथायनाया आजाद हिन्द फौजखौबो गावखौ गथायनो बाध्य खालामदोंमोन ।

SL No.CONTENTS
Unit – 1जारिमिन
Chapter 1बंग सोखावनाय (1905-1911) आरो गावहादरारि सोमावसारनाय
Chapter 2महात्मा गान्धी आरो भारतनि उदांस्रि सोमावसारनाय
Chapter 3आसामाव ब्रिटिस बेरेखा जांख्रिखांनाय आरो आबादारि बिग्रायनाय
Chapter 4उदांस्रि सोमावसारनाय आरो आसामाव हारिमायारि जांख्रिखांनाय
Chapter 5भारत आरो सा-सानजा ओनसोलनि हारिमुवारि गोदोमिन
Unit – 2भुमखौरां
Chapter 1रांखान्थियारि भुमखौरां : आयदाफारि आरो सम्फद
Chapter 2आबहावा आरो आबहावानि जेंना
Chapter 3बहुमनि भुमखौरां
Chapter 4आसामनि भुमखौरां
Unit – 3राजखान्थियारि बिगियान
Chapter 1भारतारि फोरजाखान्थि
Chapter 2मुलुगनां फसंथान हायुंआफाद आरो गुबुन गुबुन
Unit – 4रांखान्थि बिगियान
Chapter 1खावरि आरो बेंक बेबस्था
Chapter 2रांखान्थियारि जौगानाय
Chapter 3जोंनि मोनथाइ जोंनि बिबान

उफ्रा सोंनाय फिननाय

गुसुं सोंनायनि फिननाय :

सों 1. गिबि मुलुग दावहानि बृटिस जथाय गोहोआ भारतारिफोरखौ मा बाथ्रा होदोंमोन?

फिन : बृटिस जथाय गोहोआ बाथ्रा होदोंमोनदि जुदि भारतारिफोरा जथाइ गोहोखौ मदद होयो, दावहा जोबनाय उनाव भारतनो उदांस्रि आरो हारियारि गाव-खुंथाइ होगोन। 

सों 2. मा जांख्रिथाइनि थुलुंगाया भारतनि उदांस्रिलुबैग्रा सुबुंफोरखौ जावरिखां होदोंमोन? 

फिन : रुस जांख्रिथाइनि थुलुंगाया भारतनि उदांस्रि लुबैग्रा सुबुंफोरखौ जावरिखां होदोंमोन। 

सों 3. महात्मा गान्धीया माब्ला आरो बबेयाव जोनोम जादोंमोन?

फिन : महात्मा गान्धीया 1869 मायथाइनि 2 अक्ट ‘बराव गुजराटनि प ‘रबन्दराव जोनोम जादोंमोन। 

सों 4. महात्मा गान्धीया बबे मायथाइयाव आयेन (बेरिष्टार) फरायनो लण्डनाव थांदोंमोन?

फिन : 1888 मायथाइ।

सों 5. महात्मा गान्धीया माब्ला बेरिष्टार बिमुंखौ लादोंमोन? 

फिन : महात्मा गान्धीया बेरष्टिार (आयेन) बिमुंखौ 1891 मायथाइयाव लादोंमोन।

सों 6. महात्मा गान्धीया मानो खोला आफ्रिकानि नाटालाव थांदोंमोन?

फिन : महात्मा गान्धीया उखिल खामानिखौ थांना थानायनि राहा महरै गनायनानै खोला आफ्रिकानि नाटालाव थांदोंमोन। 

सों 7. खोला आफ्रिकायाव ‘नाटाल इण्डियान कंग्रेस’ सोर गायसनदोंमोन?

फिन : महात्मा गान्धी।

सों 8. सत्याग्रह सोदोबनि ओंथिया मा?

फिन : सत्याग्रह सोदोबनि ओंथिया सैथोनि फारसे गोसो थानाय थामहिनबा गोगो-गोथार जानानै खामानि मावनाय।

सों 9. सत्याग्रह सोदोबखौ सोर गिबि खोला आफ्रिकायाव बाहायदोंमोन? 

फिन : सत्याग्रह सोदोबखौ महात्मा गान्धीया गिबि खोला आफ्रिकायाव बाहायदोंमोन।

सों 10. 1919 मायथाइनि राउलट आयेननि गाहाइ गोहोआ मा मोन? 

फिन : 1919 मायथाइनि राउलाट, आयेननि गाहाइ गोहोआ जाबाय– बे आयेना जायखिजाया सासे सुबुंखौ बिजिराबालानो जोबथेसालियाव थिनहरनायनि मोनथाइ सरकारनो होदोंमोन। 

सों 11. बबे जाथाइनि हेंथायाव रबीन्द्रनाथ ठाकुरा बृटिस सरकारनि ‘नाइट’ बिमुंखौ नागारदोंमोन? 

फिन : जालिवानवालाबागनि सुबुं बुथारग्लुनाय।

सों 12. जालिवान वालाबागनि बुथारग्लुंनाय माब्ला आरो सोरनि थोननायाव जादोंमोन? 

फिन : जालिवानवालाबागनि बुथारग्लुंनाया 1919 मायथाइनि 13 एप्रिल सानखालि बृटिस मावख ‘ग्रा जेनेरेल डायारनि थोननायाव जादोंमोन। 

सों 13. सोरनि दैदेननायाव भारताव खिलाफट कमिटि दानाय जादोंमोन? 

फिन : मौलाना चौकट आलि आरो महम्मद आलिनि दैदेननायाव भारताव खिलाफट कमिटि दानाय जादोंमोन।

सों 14. हारिमा कंग्रेसनि मबे जथुमायाव गान्धीनि दैदेननायाव हेफाजाब हाथि सोमावसारनायनि बिथांखि नाजावनाय जादोंमोन? 

फिन : 1921 मायथाइनि कलिकतानि जर ‘खा जथुमा।

सों 15. दुलाराय भारताव माब्ला आबुं गाव खुंथाय सान फालिनाय जादोंमोन?

फिन : 1930 मायथाइनि 26 जानुवारि। 

सों 16. आयेन मानियि सोमावसारनाया माब्ला जागायजेनदोंमोन?

फिन : 1930 मायथाइनि 12 मार्साव आयेन मानियि सोमावसारनाया जागायजेनदोंमोन।

सों 17. ‘संख्रि आयेनखौ माब्ला आरो माबादि खालामना सिफायदोंमोन? 

फिन : ‘संख्रि आयेनखौ 1930 मायथाइनि 6 एप्रिल सानखालि लैथोनि दै फुदुंना संख्रि बानायना सिफायदोंमोन। 

सों 18. ‘संख्रि सत्याग्रह ‘खौ आरो मा मुङै मोनथिनाय जायो?

फिन : ‘संख्रि सत्याग्रह ‘खौ दाण्डि जात्रा मुङैबो मोनथिनाय जायो। 

सों 19. सा- सोनाब सिमानि हादरसायाव आयेन मानियि सोमावसारनायखौ सोर दैदेनदोंमोन?

फिन : खान आब्दुल गफुर खान (सिमानि गान्धी)। 

सों 20. लण्डनाव जथुमनाय गिबि बेंखन टेबिल मेलखौ कंग्रेसा मानो नेवसिदोंमोन?

फिन : आयेन मानियि सोमावसारनाय सोलिबाय थानायनि थाखाय कंग्रेसा लण्डनाव जथुमनाय गिबि बेंखन टेबिल मेलखौ नेवसिदोंमोन। 

सों 21. गान्धी-आरउइन गोरोबथाया माब्ला जादोंमोन?

फिन : 1931 मायथाइनि 5 मार्स।

सों 22. आयेन मानियि सोमावसारनायखौ माब्ला थुंगेहोनाय जादोंमोन?

फिन : आयेन मानियि सोमावसारनायखौ 1934 मायथाइनि मे दानाव भुंगे होनाय जादोंमोन। 

सों 23. गान्धीनि दैदेननायाव कंग्रेस हानजाया मावफुंनाय गावारि सत्याग्रह’ नि हाबाफारिखौ मा मुङै मिथिनाय जायो?

फिन : दिल्ली चलो सत्याग्रह (दिल्लीसिम थुदो सत्याग्रह)

सों 24. नेताजी सुभासचन्द्र बसुवा बेसेबां खेब भारतारि हारिमायारि कंग्रेसनि आफादगिरि जादोंमोन? 

फिन : नेताजी सुभास चन्द्र बसुवा खेब नै भारतारि हारिमायारि कंग्रेसनि आफादगिरि जादोंमोन।

सों 25. ‘भारतारि हारिमायारि रौनिया हानजा’ एबा’ आजाद हिन्द फौज ‘नि गायसनगिरिया सोर? 

फिन : केप्तेइन म’हन सिं।

सों 26. ‘इण्डियान इनदिपेदेन्स लीग’ माब्ला गायसननाय जादोंमोन? 

फिन : 1942 मायथाइनि मार्स दान (टकिअ ‘आव)। 

सों 27. ‘इण्डियान इनदिपेन्देन्स लीग’ एबा ‘भारतारि गाव खुंथाय लीग’ नि गायसनगिबि आफादगिरिया सोर? 

फिन : रासबिहारि बसु। 

सों 28. 1946 मायथाइयाव मावथि हानजानिफ्राय सायख ‘जानाय बृटिस गाहाइ मन्थ्रिया सोर? 

फिन : मि: क्लिमेन्ट एटलि।

सों 29. उदां पाकिस्ताननि गिबि गवर्णर जेनेरेलआ सोर?

फिन : महम्मद आली जिन्ना। 

सों 30. भारत आरो पाकिस्ताननि गेजेरनि सिमा हांखोनि मुङा मा? 

फिन : रेडक्लिक हांखो।

सों 31. बांला हादोरा माब्ला उदांस्रि मोनो?

फिन : बांला हादोरा 1971 मायथाइनि मार्स दानाव उदांस्रि मोनो। 

सों 32. भारत आरो बांलाहादरनि गेजेरनि सिमा हांखोनि मुङा मा?

फिन : रेडक्लिक हांखो।

सों 33. सबरमती आस्रमखौ सोर गायसनदोंमोन?

फिन : महात्मा गान्धी (1915 मायथाइ)। 

सों 34. ‘करिम किम्बा मरिम’ स्लोगाना सोरनि?

फिन : महात्मा गान्धी।

सों 35. गिबि मुलुग दावहायाव बृटिस जथाइ गोहोजों थानाय गंनै गाहाड़ हादोरनि में लिर। 

फिन : गिबि मुलुग दावहायाव बृटिस जथाइ गोहोजों थानाय गंनै गाहाइ हादरा जाबाय आमेरिका आरो फ्रान्स।

सों 36. महात्मा गान्धीया साननैसोनि थाखाय उखिलगिरि खालामनाय भारतनि गंनै जायगानि मुं लिर।

फिन : महात्मा गान्धीया इंलेण्डनिफ्राय बेरिष्टार बिमुं लाना फैनानै साननैसोनि थाखाय भारताव खालामनाय जायगाया जाबाय राजक’ट आरो मुम्बाइ। 

सों 37. गान्धीजीया माबादिहाय सासे गोहोगोरा राजखान्थियारि दैदेनगिरि महरै गनाय जायो?

फिन : गान्धीजीया खोला आफ्रिकायाव थानाय समाव इउर ‘पियारिफोरनि बर्ण बादनि (गाब लानानै सायख’नाय) बेरेखायै अहिंसा सोमावसारदोंमोन जायखौ सत्याग्रह सोमावसारनायबो बुंनाय जायो। उनाव भारताव फैनाने चम्पारन, खेड़ा आरो आहमेदाबादनि सुबुंफोरखौ दैदेनदोंमोन। बेफोर खामानि मावफुंनायनि थाखाय गान्धीजीया सासें गोहोगोरा राजखान्थियारि दैदेनगिरि महरै गनाय जायो।

सों 38. सत्याग्रह सोदोबखौ सोर बबेयाव बाहायजेनदोंमोन? बे सोदोबनि ओंथिया मा?

फिन : सत्याग्रह सोदोबखौ महात्मा गान्धीया खोला आफ्रिकायाव बाहायजेनदोंमोन। बे सत्याग्रह सोदोबनि ओंथिया जाबाय सैथोनि फारसे गोसो जानाय थामहिनबा गोगो-गोथार जानानै खामानि मावनाय

सों 39. गान्धीजीनि सत्याग्रहनि सानथाइया सोर सोरनि रनसाइजों गोहोम खोख्लै जादोंमोन?

फिन : गान्धीजीनि सत्याग्रहनि सानथाइया लिउ टलष्टय आरो थरोनि रनसाइजों गोहोम खोख्लैजादोंमोन।

सों 40. महात्मा गान्धीनि गोगोम दैदेननायाव सालायजानाय भारतनि उदांस्रि सोमावसारनायनि मोनथाम राजखान्थियारि सोमावसारनायनि मुंमख’।

फिन : भारतनि उदांस्रि सोमावसारनायाव महात्मा गान्धीजों दैदेनजानाय मोनथाम राजखान्थियारि सोमावसारनाया जाबाय–

(i) 1920-22 मायथाइनि हेफाजाब होयि सोमावसारनाय।

(ii) 1930 मायथाइनि आयेन मानियि सोमासारनाय।

(iii) 1942 मायथाइनि भारत एंगारनाय सोमावसारनाय।

सों 41. गिबि मुलुग दावहाया बबे मायथाइनिफ्राय बबे मायथाइसिम सोलिदोंमोन? 

फिन : गिबि मुलुग दावहाया 1914 मायथाइनिफ्राय 1918 मायथाइसिम सोलिदोंमोन।

सों 42. रावलाट आयेनखौ सोर गवर्णर जेनेरेला बाहायदोंमोन? बे आयेननि गाहाइ गोहोआ मा?

फिन : रावलाट आवेनखौ गवर्णर जेनेरेल लर्ड सेमफ’ र्डआ बाहायदोंमोन। बे आयेननि गाहाइ गोहोओ, जाबाय– जायखिजाया सासे सुबुंखौ जेबो बिजिराबालानो जोबथेसालियाव दैथायहरनो सरकारनो मोनथाय होदोंमोन।

सों 43. जालियानवालाबागनि बुथारग्लुंनाया माब्ला जादोंमोन आरो बे जाथाया सोरनि थोननायाव जादोंमोन? 

फिन : जालियानवालाबागनि बुथारग्लुंनाया 1919 मायथाइनि 13 एप्रिल खालारखालि जादोंमोन आरो बे जाथाया जेनेरेल डायारनि थोननायाव जादोंमोन। 

सों 44. हेफाजाबहोयि सोमावसारनायाव बिहोथाइ होनाय मोनबा जाहोग्रा (factor) लिर।

फिन : हेफाजाबहोयि सोमावसारनायाव गुबुन गुबुन जाहोग्राफोरा गुबुन गुबुन समाव बिहोथाइ होदोंमोन। बेनि खायसे मख ‘जाथाव जाहोग्रा फोरा (factors) जाबाय–

(i) गिबि मुलुग दावहायाव भारतारिफोरनि गोसो गोजोनि, मानोहोनब्ला मुलुग दावहानि जाउनाव भारतारि रांखान्थि आरो बेनि सुबुं सम्पदाव गाज्रि गोहोम गोलदोंमोन। 

(ii) रावलाट आयेननि गेजेरजों बृटिसनि बांद्राय दबथाय खान्थि नाजावनाय। गान्धीनि दैदेननायाव बे आयेननि बेरेखायै मोनसे गुवार हेंथा सोमावसारनाय सोमजिदोंमोन।

(iii) 1919. मायथाइनि जालियानवालाबागनि बुथारग्लुंनाय।

(iv) बृटिसनि जोहै भारतवर्षयाव रांखान्थियारि सोबख ‘नाय। 

(v) भारतारि मुसलमानजों जागायनाय खिलाफट सोमावसारनायसिम मददथि। 

सों 45. समाजारि जौगाहोनाय बिथिङाव हेफाजाबहोयि सोमावसारनायनि मोनथाम बिहोमा रायखां। 

फिन : समाजारि जौगाहोनाय बिथिङाव हेफाजाबहोयि सोमावसारनायनि मोनथाम बिहोथाया जाबाय–

(i) हिन्दुफोरनि गेजेराव सोलिनाय गार मुगैनायखौ (Untouchability) फोजोबनो नाजानाय।

(ii) हिन्दु-मुसलमाननि खौसेथि दानाय।

(iii) फेग्रा मुवा फोजोबनाय।

सों 46. हेफाजाबहोयि सोमावसारनाय हाबाफारिनि मोजां बिथिंफोरा मा मा?

फिन : हेफाजाबहोयि सोमावसारनाय हाबाफारिनि मोजां बिथिंफोरा जाबाय राइजोरि बिजिर आफादनि राहा, हारिमायारि सानस्रिनि फरायसालि फरायसालिमा गायसननाय, आखाइजों खुंन्दुं लुनाय आरो तातसालाव सि दानाय, गावहादरनि मुवा नाजावनाय आरो फोसावनाय तिलक स्वारज थुबिलनि थाखाय रां बुथुमनाय बाइदि।

सों 47. हेफाजाबहोयि सोमावसारनायखौ महात्मा गान्धीआ मानो हरखाबै दोनथ ‘दोंमोन?

फिन : हेफाजाबहोयि सोमावसारनायखौ महात्मा गान्धीया अहिंसा खान्थिजों सोमावसारदोंमोन। नाथाय बिथांनि अहिंसानि सोमावसारनाया हिंसानि लामा लादोंमोन। उत्तर प्रदेसनि चौरिचौरायाव। 1922 मायथाइनि 5 फेब्रुवारि सानखालि चौरिचौरायाव पुलिस आरो सोमावसारग्राफोरनि गेजेराव जानाय जाथायाव साथाम सोमावसारग्रा आरो सा 22 पुलिस थैदोंमोन। बे जाथाइ जानायनि थाखायनो महात्मा गान्धीया हेफाजाबहोयि सोमावसारनायखौ हरखाब दोनथ ‘दोंमोन।

सों 48. कंग्रेसनि बबे जथुमायाव आबुं गाव खुंथाइनि दाबि दैखांनाय जादोंमोन आरो बै जथुमायाव सोर आफादगिरिनि मासि लादोंमोन? 

फिन : 1929 मायथाइनि कंग्रेसनि लाहोर जथुमायाव आबुं गाव खुंथाइनि दाबि दैखांनाय जादोंमोन आरो बै जथुमायाव आफादगिरिनि मासि लादोंमोन बिथां जवाहरलाल नेहरुवा।

सों 49. साइमन कमिसना माब्ला भारताव फैदोंमोन आरो बै कमिसनखौ कंग्रेसा मानो नेवसिदोंमोन?

फिन : साइमन कमिसना 1928 मायथाइयाव भारताव हाबफैदोंमोन। बै कमिसनाव सासेबो भारतारि सोद्रोमा गैयिनि हेंथायाव कंग्रेसा बिखौ नेवसिदोंमोन आरो साइमन कमिसन गिदिंलांफिन होनना रिंसार होदोंमोन। 

सों 50. महात्मा गान्धीया बृटिस गाज्रि खुंथाइ फोजोबनाय नागिरनानै लर्ड आइउइननिसिम दैथायहरनाय लाइजामनि मोनबा दाबि लिर।

फिन : ब्रिटिसनि गाज्रि खुंथाइ फोजोबनाय नागिरनानै गान्धीजीया लर्ड आरउइननिसिम दैथायहरनाय लाइजामनि दाबिफोरा जाबाय–

(i) फेग्रा मुवा बाहायनाय बन्द खालामनाय।

(ii) रां आरो ष्टार्लिंनि रुजुधाइ सोलायनाय।

(iii) हानि खाज ‘नानि बिबां खमायनाय।

(iv) संख्रि खाज ‘ना बन्द खालामनाय।

(v) रौनिया हानजानि खरसा खमायनाय।

सों 51. गान्धी आरउइन गोरोबथानि मोनथाम रादाय (conditions) लिर।

फिन : गान्धी आरउइन गोरोबथानि मोनथाम रादाया जाबाय– 

(i) बोखांहायि जारिमनाफोरखौ रेहाय होनाय। 

(ii) सत्याग्रह खालामग्राफोरनि सेना लानाय हाफोरखौ फिदिंना होफिननाय। 

(iii) लैथो सेराव थानाय गामिफोरनो गोनां जानाय संख्रिखौ बानायना लानो होमोन होनाय।

सों 52. नैथि बेंखन टेबिल मेला माब्ला जथुमदोंमोन आरो बे मेलाव कंग्रेसनि सोर बाहागो लादोंमोन? 

फिन : नैथि बेंखन टेबिल मेला 1931 मायथाइयाव जथुमदोंमोन आरो बे मेलाव कंग्रेसनि जानानै महात्मा गान्धीया बाहागो लादोंमोन।

सों 53. लण्डनाव जथुमनाय नैथि बेंखन टेबिल मेला मानो फेलें जादोंमोन? 

फिन : जथाइ एबा आलादा बिसायखथि हानजा दानाय एबा गुबुन गुबुन हारिनि मुङाव मासि सरेखा लाखिनायनायनि थिरांथायाव गोरोबलायिनि थाखाय बे मेला फेलें जादोंमोन।

सों 54. आयेन मानियि सोमावसारनायनि मोननै मख ‘थावना बिहोथाइ मख’। 

फिन : आयेन मानियि सोमावसारनायनि मोननै मख ‘थावना बिहोथाइया जाबाय–

(i) भारतारि सुबुंसमाजाव राजखान्थियारि सांग्रांथि सोमजिहोनाय। 

(ii) मुलुगनि सिगाङाव ब्रिटिसनि लंथं महरखौ दिन्थिनानै ब्रिटिसहारिनि मान खोमानाय।

सों 55. मुसलिम लीगआ बबे जथुमायाव मुसलमानफोरनि थाखाय पाकिस्तान दाबि दैखाङ़ आरो बै जथुमायाव सोर आफादगिरिनि मासि लादोंमोन?

फिन : मुसलिम लीगआ 1940 मायथाइनि मार्स दाननि लाहोर जथुमायाव पाकिस्ताननि दाबि दैखांदोमोन आरो बे जथुमायाव आफादगिरि मासि लादोंमोन महम्मद जिन्ना।

सों. 56. मुंदांखा ‘आगष्ट जासिनाय’ (August offer) सोर भाइसरया फोसावदोंमोन? बे ‘आगष्ट जासिनाय ‘नि रादाया मा?

फिन : मुंदांखा ‘आगष्ट जासिनाय ‘खौ भाइसरय लर्ड लिनलिथग ‘आ फोसावदोंमोन। बे जासिनायनि रादाया जाबाय भाइसरयनि मावफुं परिषद फुवार होनानै, बेखौ मोनसे दावहा सोमोन्दै थुलुंगा होग्रा परिषद खालामना भारतारिफोरनि दावहायाव बाहागोलानायखौ मावफुंनो नाजानाय। 

सों 57. भारत एंगारनाय सोमावसारनायनि मोनब्रै जाहोननि सोमोन्दै लिर। 

फिन : भारत एंगारनाय सोमावसारनायनि मोनब्रै जाहोता जाबाय–

(i) क्रिपस मिसन फेलें मानोना भारतनि आबुं उदांस्रिनि जेबो गुमर गया।

(ii) जापाना भारत गाग्लोबनो सोगोमहरनाय।

(iii) सानजा बंगआव उदखार आरो

(iv) ब्रिटिसा हादोरखौ रैखा खालामनो हानाय नङा होननानै भारतारिफोरनि गोसोआव रैखागैयिनि आंखाल। 

सों 58. सोर आरो सोरनि हेफाजाबाव ‘आजाद हिन्द फौज’ दाफामफिनदोंमोन?

फिन : सुभास चन्द्र बसुवा गुबुन हादोराव थानाय हारिमायारि दैदेनगिरि रास बिहारि बसुनि हेफाजाबाव आजाद हिन्द फौजखौ दाफामदोंमोन।

सों 59. हादोर बोखावनाय बिथिङाव लर्ड माउन्टबेटेननि फोसावनायनि गाहाइ आखुथाइफोरा मा मा? 

फिन: 1947 मायथाइनि 3 जुनाव हादोर बोखावनाय बिथिङाव माउन्टबेटेननि फोसावनायनि गाहाइ आखुथाइफोरा जाबाय–

(i) भारतवर्षखौ खावनै खालामनाय जागोन।

(ii) सा-सोनाब सिमायारि हादरसायाव सुर्बुनि मत वादियै थागिरिफोरा भारत एबा पाकिस्तानाव थानो हागोन।

(iii) पानजाब आरो बंग हादरनि हादरसायारि आयेन आफादा हादरसा गंनैया जुदा जुदा जागोन ना जाया गावसोरनो थि खालामगोन।

(iv) हादरनि राज्य ‘फोरा गावनि लुबैनाय बादियै भारत एबा पाकिस्तानजों सरजाबफानो हागोन।

गोलाउ सोंनायनि फिननाय

सों 1. भारतनि उदांस्रि सोमावसारनायाव महात्मा गान्धीनि बिफाव (role) नि सोमोन्दै लिर।

फिन : भारतनि उदांस्रि सोमावसारनायाव महात्मा गान्धीनि बिफावा जोबोर गोसोआव लाखिथावना। बिथाङा भारतनि उदांस्रि सोमावसारनायाव बृटिसनि बेरेखायै मोनथाम गिदिर राजखान्थियारि सोमावसारनाय दैदेनदोंमोन। बेफोर राजखान्थियारि सोमावसारनायफोरा जाबाय- हेफाजाब होयि सोमावसारनाय, आयेन मानियि सोमावसारनाय आरो भारत एंगारनाय सोमावसारनाय।

हेफाजाबहोयि सोमावसारनाया महात्मा गान्धीनि दैदेननायाव भारतबर्षआव गिबियै बृटिसनि बेरैखायै राजखान्थियारि सोमावसारनाय। बे सोमावसारनाया गाहाइयै राउलाट आयेन, जालिवानवालाबागनि बुथारग्लुंनाय, ब्रिटिसनि रांखान्थियारि सोबख ‘नाय आरो तुरस्कनि जेंनाखौ लाना खिलाफट सोमावसारनायसिम मददथि जाहोनफोरखौ लानानै जुरिजेनदोंमोन। बे हेफाजाब होयि सोमावसारनाया गाहाइयै मोननै मोजां आरो गाज्रि हाबाफारिनि बिथिं दंमोन। 

मोजां बिथिंनि हाबाफारिफोरा जाबाय– आखाइजों खुन्दुं लुनाय आरो तातसालाव सि दानाय, गावहादरनि मुवा नाजावनाय आरो फोसावनाय फेग्रा बेसाद नेवसिनाय, तिलक बाख्रिनि रां बुथुमनाय बायदि हाबाफारि। गुबुन मोनसे गाज्रि बिथिंनि हाबाफारिया आयेन आफाद, बिजिरसालि आरो सरकारि फरायसालि नेवसिनाय। हादोरनि हाजार हाजार सुबुंआ बे सोमावसारनायाव बारसोमदोंमोन। बबेखानि गान्धीया चौरिचौरानि जाथाइखौ लाना बे सोमावसारनायखौ 1922 मायथाइयाव दोनथ दोंमोन।

आयेन मानियि सोमावसारनाया महात्मा गान्धीनि ब्रिटिसनि बेरेखायै नैथि राजखान्थियारि सोमावसारनाय। बे सोमावसारनाया 1930 मायथाइनि 12 मार्स सानखालि ‘संख्रि सत्याग्रह’ एबा दाण्डि जात्रा जों जुरिदोंमोन आरो 6 एप्रिल सानखालि ‘संख्रि आयेन सिफायदोंमोन। सा-सोनाब सिमायाव खान आब्दुल गफुर खाननि दैदेननायाव खाज’ना बन्दजों बे सोमावसारनाया सालायजादोंमोन। बे सोमावसारनायाव गान्धीजों लोगोसे हाजार हाजार उदांस्रि लुबैग्रा हौवा, हिनजाव, फरायसा फरायसुलि बायदिया सरकारजों खाजादोंमोन। 

1931 मायथाइनि गान्धी आरउइन गोरोबथा बादियै महात्मा गान्धीया बे सोमावसारनायखौ दोनथ ‘दोंमोन। नाथाय नैथि बेंखन टेबिल मेला फेलें जानायनि उनाव गान्धीया आयेन मानियि सोमाव सारनायखौ जागाय फिन दोंमोन। उनाव 1934 मायथाइनि मे दानाव बे सोमावसारनायखौ थुंगे होदोंमोन।

1942 मायथाइनि भारत एंगारनाय सोमावसारनाया गान्धीनि थामथि गिदिर राजखान्थियारि बिग्रायनाय। ब्रैजिनै सोमावसारनायखौ सुबुं सोमावसारनाय आरो आगष्ट सोमावसारनायबो बुंनाय जायो। गुबैयै क्रिपस मिसन फेलें जानाय लोगो लोगो गान्धीजीया बे सोमावसारनायखौ जागायदोंमोन। गान्धीजीया मुम्बाइनि ‘आगष्ट क्रान्ति मैदान ‘आव गारमा गावजासे होनाय बिबुंसार ‘करिम किम्बा मरिम’ रिंसारजों थुलुंगाखांनानै हाजार हाजार सुबुङा बे सोमावसारनायाव बारसोमदोंमोन। नाथाय बे सोमावसारनाया बारा गोबाव थावरिना थायाखैमोन।

जायानो जायाथों महात्मा गान्धीनि बेफोर बाइदि होथायनि थाखायनो भारतबर्षआ सानसे बृटिसनिफ्राय उदांस्रि मोननो हादोंमोन।

सों 2. 1919 मायथाइनिफ्राय 1935 मायथाइसिम भारतनि उदांस्रि सोमावसारनायाव जानाय गाहाइ जाथाइफोरखौ मख’।

फिन : 1919 मायथाइनि मन्टेगु-सेमस्फ र्ड खुंथाइ फोसावथाइ पार्लियामेन्टाव नाजाव जानायनि उनाव गाहायाव होनाय जाथाइफोरखौ मख’नो हायो– 

(i) रावलाट आयेन : 1919 मायथाइयाव रावलाट आयेन दानाय जायो। बे आयेना जायखिजाया सासे सुबुंखौ बिजिराबालानो जोबथेसालियाव दैथाय हरनायनि सरकारनो मोनथाय होदोंमोन।

(ii) सत्याग्रह एबा अहिंसा सोमावसारनाय : रावलाट आयेननि देंथायाव महात्मा गान्धीया 1919 मायथाइयाव सत्याग्रह एबा अहिंसा सोमावसारदोंमोन। हरताल हाबाफारिजों बे सोमावसारनाया जुरिदोंमोन।

(iii) जालिवानवालाबागनि बुथारग्लुंनाय : 1919 मायथाइनि 13 एप्रिल सानखालि बे जालिवानवालाबागनि बुथारग्लुनाय जादोंमोन। रावलाट आयेनखौ अजट दिन्थिनानै पानजाबनि अमृतसरनि जालिवानवालाबागाव मोनसे राइजो मेल ज ‘दोंमोन। मेल खुंबायथानाय समावनो जेनेरेल डायारनि थोननाय बादियै फाइखि हानजाया गोबां सुबुं बुथारदोंमोन।

(iv) खिलाफत सोमावसारनाय : गिबि मुलुग दावहायाव तुरस्कआ जेननायनि उनाव बे हादोरनि खलिफानि माना गोमानो हमदोंमोन। खलिफाया गावनि साम्राज्यनि गोथार जायगाफोरावनो मोनथाय गोमानायाव भारतनि मुसलमानफोरा जावरिखाङो आरो चौकट आलि आरो महम्मद आलिनि दैदेननायाव मोनसे खिलाफट आफाद दादोंमोन। कंग्रेस आरो मुसलिम लीगनि खौसेथिखौ साननानै गान्धीजीया खिलाफट सोमावसारनायाव मददथि होदोंमोन।

(v) हेफाजाबहोयि सोमावसारनाय : बे सोमावसारनाया गान्धीनि दैदेननायाव 1920 मायथाइनिफ्राय 1922 मायथाइसिम सोलिदोंमोन। गान्धीनि बे अहिंसा खान्थिजों सालायजानाय सोमावसारनाया हिंसानि लामा लादोंमोन। ‘चौरिचौरानि हिंसानि जाथाइनि थाखायनो गान्धीया बे सोमावसारनायखौ दोनथ’ दोंमोन।

(vi) साइमन कमिसन : 1928 मायथाइयाव सार जन साइमननि दैदेननायाव गंसे सा स्निआरि कमिसना भारताव हाबफैदोंमोन। नाथाय बै कमिसनाव सासेबो भारतारि सोद्रोमा गैयिनि हेंथायाव कंग्रेसा बेखौ नेवसिदोंमोन।

(vii) आबुं गाव खुंथायनि दाबि : 1929 मायथाइयाव लाहराव जवाहरलाल नेहरुनि आफाद दैदेननायाव जथुमनाय कंग्रेसाव आबुं गाव खुंथायनि बिथांखि नाजावनाय जायो।

(viii) आयेन मानियि सोमावसारनाय : साइमन कमिसनाव सासेबो भारतारि सोद्रोमा गैयि बेराफारसेथिं 1929 मायथाइनि कंग्रेसनि लाहोर जथुमाया ‘आबुं गाव खुंथाइ’ एबा ‘ आबुं उदांसि’ दाबि फोरखौ जाहोन बादि लानानै गान्धीया 1930 मायथाइनि 12 मार्स सानखालिफ्राय आयेन मानियि सोमावसारनायखौ जुरियो। बबेखानि बे आयेन मानियि सोमावसारनाया’ संस्रि सत्याग्रह’ एबा ‘दाण्डि जात्रा’ जों जुरिदोंमोन।

(ix) गान्धी आरउइन गोरोबथा : 1931 मायथाइनि 5 मार्स खालारखालि भारतनि भाइसरय लर्ड आरउइन आरो महात्मा गान्धीजों मोनसे गोरोबथा जायो। बे गोरोबथाखौ गान्धी आरउइन गोरोबथा मुङै मिथिजायो। बे गोरोबथायाव खायसे रादाय दोंमोन। मख’थावना रादाय बादियै कंग्रेसा आयेन मानियि सोमावसारनायखौ दोनथ ‘यो आरो नैथि बेंखन टेबिल मेलाव बाहागो लानो इसारा होयो।

Leave a Reply