SEBA Class 10 Bodo (MIL) Solution| बाइदिमैयानि आसाम | राभाफोर

SEBA Class 10 Bodo (MIL) Solution| बाइदिमैयानि आसाम | राभाफोर सूची में प्रत्येक अध्याय का उत्तर प्रदान किया गया है ताकि आप आसानी से विभिन्न अध्याय एनसीईआरटी समाधान कक्षा 10 खनसाइ बिदां में खुल सकें और एक की आवश्यकता का चयन कर सकें। इसके अलावा आप एनसीईआरटी (CBSE) पुस्तक दिशानिर्देशों के अनुसार विशेषज्ञ शिक्षकों द्वारा इस खंड में NCERT पुस्तक ऑनलाइन पढ़ सकते हैं। ये समाधान NCERT Bodo (MIL) समाधान का हिस्सा हैं। यहां हमने कक्षा 10 NCERT खनसाइ बिदां पाठ्य पुस्तक समाधान खनसाइ बिदां के लिए दिए हैं आप यहां इनका अभ्यास कर सकते हैं।

SEBA Class 10 Solutions

SEBA CLASS 10 (Ass. MEDIUM)

SEBA CLASS 10 (Bangla MEDIUM)

SEBA CLASS 10 (English MEDIUM)

SEBA Class 10 Bodo (MIL) Solution| बाइदिमैयानि आसाम | राभाफोर

SEBA Class 10 Bodo (MIL) Solution| ये उत्तर संबंधित विषयों के अनुभवी प्रोफेसरों द्वारा सावधानीपूर्वक तैयार किए जाते हैं। उनका उद्देश्य छात्रों को विषय की उचित समझ में मदद करना और उनके कौशल और अभिव्यक्ति की कला में सुधार करना है। यदि ये उत्तर उन उद्देश्यों को पूरा करते हैं जिनके साथ वे तैयार किए गए हैं, तो हम अपने प्रयास को पर्याप्त रूप से पुरस्कृत मानेंगे। इन उत्तरों में और सुधार के लिए किसी भी सुझाव का हमेशा स्वागत है।

1. राभाफोरनि गोजाम थानाय जायगाया बबेयावमोन?

फिन : गार’ हाजो जिलानि ‘फुलबारि’ निफ्राय खोला कामरुपनि रानीसिम, गार’ हाजो आरो खाचीया हाजो जिलानि सा सिमायाव थानाय खायसे ओन्सोला राभाफोरनि गोजाम थाग्रा ओनसोलमोन।

2. समाजारि बिथिंनिफ्राय राभाफोरा मा मा हान्जायाव गावस्त्रानाय?

फिन : समाजारि बिथिंनिफ्राय राभाफोरा रंदानी, पाति, दाहरी, मायतरी, क’च, बितलिया, हाना, मदाही बायदि हान्जायाव बोखावजानाय।

3. राभा हारिमुनि नेरसोना मा?

फिन : राभाफोरनि हारिमुवारि नेरसोनफोरा जादों बिसोरनि सुबुं मेथाइ, सल ‘बाथा, सुबुं फोथायनाय आरो सुबुं हारिमुजों बुंफबनाय। राभा समाजाव बाइदि फुजा होनाय, फोरबो फालिनाय आरियाव मेथाइ खननाय आरो मोसानाय हुदा सोलिबोदों। राभा मोसानाय हारिमुवाव गोदोनिफ्रायनो सोलिबोनाय नेर्सोनआ जादों ‘मानचालेंका’ एबा माचलांखार दाउ। 

बे मासलांखारनि महराव दंफांनि करुवा आरो दाउदिंखुर आरो गुरगुवा दावखौ लानानै गंसे गनसायाव फोनांजाबना लानाय जायो आरो मोसानायनि खबांजों बेखौ हौवाफोरा मोसाहोयो। लोगोसे आइजो मोसाग्राफोरा राभानि गोजाम बीर, जोहोलाव-जोहोलावजोनि थुंग्रि आरो दाहाल लानानै मोसायो। गोदोनि सल’ आरो दोरोङारि फोथायनाय बादिब्ला राभाफोरनि राव, हारिमु, जानाय खाजा बायदिखौ बुहुम सोरजिगिरि ऋसिनिफ्राय दान महरै मोन्दोंमोन। बेयो राभा समाजनि सुबुं फोथायनाय।

4. राभाफोरनि गाहाइ मोदाइया मा?

फिन : राभाफोरनि गाहाइ मोदाइया जादों – रिछि एबा महादेव।

5. राभाफोरनि गाहाइ फुजानि मुङा मा?

फिन : राभाफोरनि गाहाइ फुजानि मुङा जादों बाइख’ फुजा।

6. लिरसुंथाइ लिर:

(क) बिष्णुप्रसाद राभा।

(ख) राजेन राभा।

(ग) प्रसन्न पाम।

(घ) बीरुबाला राभा।

फिन : (क) बिष्णुप्रसाद राभाः खन्थाइगिरि, थुनलाइगिरि, फावथाइ लिरगिरि, मेथाइगोरों, मोसागिरि, फावखुंगुर बिष्णुप्रसाद राभानि जोनोमआ ढाका नोगोरमानि मिलिटारी केम्पआव 1909 मायथाइनि 31 जानुवारियाव जादोंमोन। चर्दार बाहादुर ग ‘पाल चन्द्र राभा आरो गेथी बाला राभानि गोर्बोआव जोनोम मोननाय बिष्णु प्रसाद राभाया कलागुरु मुङै मिथिजायो। बिष्णुप्रसाद राभानि गुदि सोलोंथाइया ढाकानि गंसे गुदि फरायसालिनि इंराजी बिजोङाव जागायजेनदोंमोन। नाथाय बिफाया उनाव बाङाली बिजोङाव मुं थिसनदोंमोनब्लाबो उनाव तेजपुराव फैनानै असमिया बिजोङाव सोलोंथाइ लायो।

1926 मायथाइयाव तेजपुर हाइस्कुलनिफ्राय जिलानि मादावनो सेथि मासि लानानै मेट्रिक आन्जादखौ उथ्रियो आरो कुइन एमप्रेछ’ बान्था मोनदोंमोन। गोजौ फरायसालियाव फरायफुबाय थानाय समनिफ्रायनो बिष्णु राभाया सिगां सारिनि गेलेग्रामोन। बिथाङा मोजां जोलुर, क्रिकेट, हकी गेलेयोमोन, बेनि अनगायैबो मोजां मेथाइ रोजाबोमोन, मोसायोमोन, फाव दिन्थियोमोन, सावगारि आखियोमोन। महापुरुष (गेदेमा) श्रीमन्त शंकरदेवनि फारसेबो बिथांहा सिबिनाय दंमोन। 

1926 मायथाइयाव कलकातानि चेन्तपल कलेजाव बिगियान थाखोआव मुं थिसनो आरो बे बोसोरावनो कलेजनि क्रिकेट हान्जानि केप्टेइन सायख ‘जायो। चेन्तपल कलेजनिफ्राय सेन्तपल कलेजनिफ्राय सेथि थाखोआव आइ.एस.सि. खौ उथ्रिखांनायनि उनाव 1930 मायथाइयाव रिपन कलेजावबो बि.एस.सि. थाखोआव मुं थिसनो आरो मुवा बिगियान आयदायाव अनार्च लानानै फरायो। 

रिपन कलेजावबो जोलुरनि केप्टेइन सायख ‘जायो। बै समावनो भारतनि उदांस्त्रि सोमावसारनाया कलकाता नोगोरमायाव गोहोम खोख्लैदोंमोन। हादर अनसुला बिष्णु राभायाबो सोमावसारनायाव बाहागो लानायनि थाखाय बृटिछनि नोजोराव गोग्लैयो।

(ख) राजेन राभाः गुनगोनां फोरोंगिरि, थुनलाइगिरि, अराय समनि बिजिरसंग्रा राजेन राभानि जिउ आरो मावथाया गुवार। सोदोब बिहुङानो आंनि गुरु होनना बुंनाय राजेन राभाया राभा सल’, राभा जनजाति आरिनि अनगायैबो ब्रैजिनिख्रुइबो बांसिन रायथाइ लिरना असमीया थुनलाइखौ दोहोनि खालामना गालांबाय। 1920 मायथाइनि 18 सेप्तेम्बराव दुधनैयाव जोनोम मोननाय राजेन राभाया एम.इ. स्कुलनिफ्राय ओंखारनानै बा रांल’ बेथन लानानै गंसे मार ‘वारि गलायाव खामानि मावनानै जिउ खाङो आरो गावनि नाजानायाव प्राइभेटयै मेट्रिक आनजाद (1955), आइ.ए. आरो जोबनायाव असमीया बिफानाव एम.ए. (1971) खौ उथ्रिनानै राभा आरो समाज हारिमु आयदायाव फरायनो लायो। 

जिउ थाजासिम थुनलाइ सिबियारि, समाज आरो सुबुं मोजांमोनग्रा राजेन राभानि मेहेरगोनां जिउनि सिगां समा जोबोर दुखुनांथावमोन। 1949 मायथाइयाव जरहाट नर्माल स्कुलाव दानफायाव 20 रां बृत्ति लानानै लेखा सोलोंनो खाबु मोनो। गवालपारा स्कुल बर्डआ बिथांखौ जयरामकुछि गेजेर फरायसालिनि गाहाइ फोरोंगिरि महरै थिसनो। बेयाव थानाय समाव ‘उदयन’ मुंनि थाम दानारि लाइसि गांसे दिहुनो। बबेखानि बेनि सिगां बिथाङा आबाद मावनाय हाबायावबो गोसो होनायजों लोगोसे मणिहारी दखानबो होदोंमोन। उदांत्रि सोमावसारनायावबो बाहागो लानानै मावगोन नङाबा थैगोन हान्जायाव हाबदोंमोन।

(ग) प्रचन्न पामः प्रसन्न पामनि जोनोमा जादोंमोन 1932 मायथाइयाव गवालपारा जिलानि बालिजान सार्कलनि सिङाव थानाय लापातारा गामियाव। बिफानि मुङा कमल कुमार राभा आरो बिमानि मुङा दाखेल बाला राभा। सानजा गार’ हाजो जिलानि माणिकगन्ज गुदि फरायसालियाव सोलोंथाइ जुरिजेननाय प्रसन्न पामआ आगिया एम.भि. स्कुलनिफ्राय उथ्रिदोंमोन।

राभा हारिमुनि महरगिरि प्रसन्न पामआ उन्दैनिफ्रायनो राभा हारिमुनि साधनायाव गोसो होथाबदोंमोन। रेडिअ’ आर्टस महरै मुं मोननाय पामआ गोबां मेथाइ लिरनानै देंखो होदोंमोन। बेफोर मेथाइनि बाथ्रा आरो देंखोआ दासिमबो जोबोर अनसायजाबोदों। ‘ददान बीर’ नायजाबनि गेजेरजों मुंदांखा जानाय प्रसन्न पामनि मारुक्षेत्री (नायजाब), सृष्टिबिधान, मयरा शक्ति, लाङामुक्टि, कामगिरि शक्ति, पिदान संसार, माया हाछं, लेखा तेवा जमा तंचा बाइदि बाइदि बिजाबआ फोसावजायालासिनो थालांबाय।

जिउ थाजासिम राभा हारिमुनि थाखाय गोसो होथाबनानै साधना खालामनाय प्रसन्न पामआ 1952 मायथाइयाव अमनीबाल राभाजों हाबा जानानै साब्रै फिसाज्ला आरो साथाम फिसाजोनि बिफा जायो। थांनाय 20-02-1978 खालारखालि मोनसे बिसायख ‘थिनि फोसावथायाव गिदिंथिंनायाव जाब्रबथायाव गेदेमा सुबुंनि जिवा अबधिरा गोमायो।

(घ) बीरुबाला गभा: दायना बुथारनायखौ समाजनिफाय फोजोबस्रांनानै मोनसे गोगो समाज दानाय हाबायाव नांथाबनानै गावखौनो बावसोमग्रा सोमावसारग्रा आइजो दैदेनगिरियानो जादों बीरुबाला राभा। ग ‘वालपारा जिलानि ठाकुरबिला मुंनि गोथौ

गामि गंसेयाव 1949 मायथायाव जोनोम मोननाय बीरुबाला राभानि बिफानि मुङा कालियाराम राभा आरो बिमानि मुङा सागरबाला राभामोन। 

गुदि फरायसालिखौ थाम थाखोसिम फरायनानै 15 बोसोर बैसोआवनो हाबा जानाय बीरुबाला राभानि जिउ मावथाया जुरिजेनो दानाय-लुनाय खामानिनि गेजेरजों। बेनि लोगो लोगो समाजारि गाज्रि आखु दायना बुथारनायनि हेंथायै गोनों बाहागो लायो। जिरायनाय गैयाजासे बे खामानियाव नांथाबनाय बीरुबाला राभाया बिथांनि खामानिनि गनायथाय महरै मोननाय बान्था आरो गनायथाय मोननायफोरनि मोननैसो गाहायाव होनाय जाबाय–

2005 मायथाइः गोजोन नबेल बान्था।

2011 मायथाइ: ‘सर्बेश्वर दत्त’ मेम ‘रियेल बान्था।

2012 मायथाइः डिब्रुगड़ महिला क्लाबनि ‘जयमती बान्था’।

Leave a Reply