SEBA Class 10 Bodo (MIL) Solution| Chapter-9| समाज फोसावगिरि गुरुदेब कालिचरण ब्रह्म

SEBA Class 10 Hindi (MIL) Solution| Chapter-9| समाज फोसावगिरि गुरुदेब कालिचरण ब्रह्म सूची में प्रत्येक अध्याय का उत्तर प्रदान किया गया है ताकि आप आसानी से विभिन्न अध्याय एनसीईआरटी समाधान कक्षा 10 खनसाइ बिदां में खुल सकें और एक की आवश्यकता का चयन कर सकें। इसके अलावा आप एनसीईआरटी (CBSE) पुस्तक दिशानिर्देशों के अनुसार विशेषज्ञ शिक्षकों द्वारा इस खंड में NCERT पुस्तक ऑनलाइन पढ़ सकते हैं। ये समाधान NCERT Bodo (MIL) समाधान का हिस्सा हैं। यहां हमने कक्षा 10 NCERT खनसाइ बिदां पाठ्य पुस्तक समाधान खनसाइ बिदां के SEBA Class 10 Bodo (MIL) Solution| Chapter-9| समाज फोसावगिरि गुरुदेब कालिचरण ब्रह्म लिए दिए हैं आप यहां इनका अभ्यास कर सकते हैं।

SEBA Class 10 Solutions

SEBA CLASS 10 (Ass. MEDIUM)

SEBA CLASS 10 (Bangla MEDIUM)

SEBA CLASS 10 (English MEDIUM)

SEBA Class 10 Bodo (MIL) Solution| Chapter-9| समाज फोसावगिरि गुरुदेब कालिचरण ब्रह्म

SEBA Class 10 Bodo (MIL) Solution| Chapter-9| समाज फोसावगिरि गुरुदेब कालिचरण ब्रह्म ये उत्तर संबंधित विषयों के अनुभवी प्रोफेसरों द्वारा सावधानीपूर्वक तैयार किए जाते हैं। उनका उद्देश्य छात्रों को विषय की उचित समझ में मदद करना और उनके कौशल और अभिव्यक्ति की कला में सुधार करना है। यदि ये उत्तर उन उद्देश्यों को पूरा करते हैं जिनके साथ वे तैयार किए गए हैं, तो हम अपने प्रयास को पर्याप्त रूप से पुरस्कृत मानेंगे। इन उत्तरों में और सुधार के लिए किसी भी सुझाव का हमेशा स्वागत है।

खोन्दो 9 

रायथाइ बाहागो

फरा बिजाबनि सोंथि

सों 1. गाहायाव होनाय सोंथिफोरखौ मोनसे सोदोब एबा फंसे बाथ्राजों फिन हो–

(क) कालिचरण ब्रह्मआ माब्ला जोनोम मोनदोंमोन?

फिन : बांला 1267 मायथाइनि (1860 इं) बैसाग दाननि 5 अक्टखालि कालिचरण ब्रह्मआ जोनोम मोनदोंमोन।

(ख) कालिचरण ब्रह्मनि बिफाया मा धोरोम सिबियोमोन?

फिन : कालिचरण ब्रह्मनि बिफाया बाथौ धोरोम सिबियोमोन।

(ग) कालिचरण ब्रह्मखौ लेखा फोरोंनो थाखाय न’आव लाखिनाय फोरोंगिरिनि मुङा मा?

फिन : कालिचरण ब्रह्मखौ लेखा फोरोंना थाखाय न ‘आव लाखिनाय फोरोंगिरिनि मुङा बिरनाराम अरफे बीर नारायन मेस।

(घ) बर ‘फोरनि गेजेराव सोर Clarion Call होदोंमोन?

फिन : बर ‘फोरनि गेजेराव गुरुदेब कालिचरण ब्रह्मआ Clarion Call होदोंमोन।

(ङ) साइमन कमिसननो गोसोखां बिलाइखौ माब्ला होदोंमोन?

फिन : 1929 मायथाइनि 4 जानुवारी खालि बेलासिनि 2-30 रिंगायाव कालिचरणआ होदोंमोन।

(च) Victoria Cross बान्थाखौ सोर मोनदोंमोन?

फिन : सेथि महासमराव Victoria Cross बान्थाखौ सर्दारि बाहादुर बेलबुंराम कसारिया मोनदोंमोन।

(छ) गर्खा रेजिमेन्टखौ माब्ला दानाय जादोंमोन?

फिन : 1919 मायथाइयाव।

(ज) साइमन कमिसननो होनाय गोसोखां बिलाइखौ सोर इंराजी रावजों लिरदोंमोन?

फिन : गियासुद्दिन उकिल।

(झ) कालिचरणा ‘सारनित्य क्रिया’ बिजाबखौ माब्ला फरायनो खाबु मोनदोंमोन?

फिन : 1905 इंराजी, बांला 1312 मायथाइयाव।

सों 2. सुंद ‘यै फिन हो:

(क) ‘सारनित्य क्रिया ‘या मा?

फिन : “सारनित्य क्रिया” आ ब्रह्म धोरोमनि गांसे धोरोम बिजाब। बेयाव ब्रह्म धोरोमनि सोमोन्दै गोदै राव लिरनाय दं।

(ख) कालिचरण ब्रह्मनि बिमा आरो बिफानि मुङा मा?

फिन : बिफानि मुङा खौलाराम मेस आरो बिमानि मुङा रोन्दिनी।

(ग) कालिचरण ब्रह्मआ माब्ला आरो बबेयाव जोनोम मोनदोंमोन?

फिन : कालिचरण ब्रह्मआ बांला 1267 मायथाइनि (1860 इं) बैसाग दाननि 5 अक्ट’ खालि अखा नायसि समाव धुबुरी जिलानि सिङाव थानाय टिपकाइनि काजिगामियाव जोनोम जादोंमोन।

(घ) कालिचरण ब्रह्म बबेयाव आरो सोरनिफ्राय ब्रह्म धोरोमखौ आजावदोंमोन?

फिन : कालिचरण ब्रह्मआ कलिकातायाव थांनानै शिवनारायन परमहंसनिफ्राय ब्रह्म धोरोमखौ आजावदोंमोन।

(ङ) बेद शास्त्रआव इसोरखौ मा मा मुङैगांबज्रिनाय जायो?

फिन : बेद शास्त्रआव सासे इसोरखौनो साथामनि मुं दोनदों- ब्रह्मा, बिष्णु, महेश्वर। सासेल’ परमेश्वर पूर्ण परमब्रह्मखौ फालियोब्लानो ब्रह्म, बिष्णु, महेश्वरखौ फुजिनाय जायो।

(च) कालिचरणनि समाव बर ‘फोरा माबादि धोरोम फुजियोमोन? 

फिन : कालिचरणनि समाव बर ‘फोरा बाथौ फुजा, खेराय-माराय, गारजा होनाय, मोदाइ होनायनि मुङै दाउसा, फारौ अमा बोरमा हाथारनाय, जौ बाउनाय खान्थिजों धोरोम फुजियोमोन।

(छ) कालिचरण ब्रह्मआ फोसाबनाय जायखिजाया मोननै गाज्रि हुदानि मुं लिर।

फिन : सिखोन-साखोन थानो, जानो लोंनो हुदा खालामनाय आरो राइजोयै आहुति सावनाय।

(ज) फ’ न थाखाया मा?

फिन : फ’ न थाखाया जाबाय फिसाजो बिलायोब्ला अनजिमा गैयि लानाय रां।

(झ) धुबुरीनि Bodo students’ Hostel आ सोरनि नाजानायाव जादोंमोन लिर।

फिन : गुरुदेब कालिचरण ब्रह्मनि नाजानायाव जादोंमोन।

सों 3. गाहायाव होनाय सोंथिफोरखौ बाजिसो सोदोबनि गेजेराव फिन हो–

(क) कालिचरण ब्रह्मनि जोनोम आरो लेखा फरायनायनि सोमोन्दै फोरमायना लिर।

फिन : गुरुदेब कालिचरण ब्रह्मनि जोनोमा धुबुरी जिलानि सिङाव थानाय टिपकाइनि काजिगामियाव बांला 1267 मायथाइनि (1860 इं) बैसाग दाननि 5 अक्ट’ खालि अखा नायसि समाव खौलाराम मेस आरो रोन्दिनीनि नखराव जोनोम जादोंमोन।

खाथियाव फरायसालि गैयिनि थाखाय बिफा खौलारामा न’ आवनो बिरनाराम अरफे नारायण सोरखारखौ फोरोंगिरि खालामना होयो। बेनि उनाव टिपकाइ प्राइमारी स्कुलाव मुं थिसनो। बेनिफ्राय उनथ्रिनानै पुठिमारी एम.भि. फरायसालियाव फरायहैयो। नाथाय बा थाखोआव सहैनायावनो बिफाया रुंसारि जानायाव कालिचरण ब्रह्मनि फरायनाया बेयावनो थुंगेयो।

(ख) कालिचरण ब्रह्मखौ मानो गुरुदेब होनना बुङो?

फिन : कालिचरण ब्रह्मनि दिनाव धोरोमारि आरो समाजारि बिथिङाव बर ‘फोरनि गेजेराव माखासे गाज्रि हुदाफोरा सोलिदोंमोन। जायनि थाखाय बर ‘फोरा गुबुन हारिजों सै-सै खालाम जादोंमोन। कालिचरण ब्रह्मआ बर’ फोरनि बेबादि मुगैजानायखौ नुनानै गोथोवै सानदोंमोन। बेनिखायनो कालिचरणा ब्रह्म धोरोम फोसावनानै बर ‘फोरनि गाज्रि आसारखान्थि आरो हुदाफोरखौ फोसाबनो नाजादोंमोन।

धोरोमनि अनगायैबो समाजारि खामानि जेरै-फरायसालि गायसननाय, माहारि सुस्रांनाय आरो रांखान्थि लोगोसे राजखान्थिनिबो गोबां बिहोमा होलांदों। बिथाङा बर ‘फोरनि गेजेराव मोनसे जांख्रिखांनाय लाबोदोंमोन। बेनिखायनो बिथांखौ गुरुदेब होननानै गाबज्रिनाय जायो।

(ग) कालिचरण ब्रह्मआ माबोरै ब्रह्म धोरोमखौ आजावदोंमोन फोरमाय।

फिन : बबे धोरोमा बर ‘नि थाखाय साबसिन जागोन बेखौ लानानै कालिचरणआ गोनो-गोथो जादोंमोन आरो साननो हमदोंमोन। बर’ नि धोरोमनि गालाय-गुजायखौ नुनानै बै समाव बर ‘फोरा गुबुन गुबुन धोरोम जेरै ख्रिष्टान, मुसलिम बायदि धोरोमाव बास्लायनो हमदोंमोन आरो खायसेया सरनिया जादोंमोन। खायसेया दोरोङारि बाथौ धोरोमखौनो गोबानानै थाबाय आरो माखासेफोरा गोनो-गोथो जानानै थाबाय।

कालिचरनआ सानब्लाबो सानस’ हाया जाबाय। बे समावनो सानसेखालि हरखाब सिलाइ बिख्रि बादायाव सरन मनदल बाबुनि खरसायाव ब्रह्म धोरोमनि बिजाब गांसे ‘साहित्य क्रिया ‘खौ नुसनना फरायसनबाय। बे बिजाबा जादोंमोन महिनी महन सट्ट्ध्यय सुजुनाय स्वामी सिवनारायन परमहंस फोसावनाय ब्रह्म धोरोमनि बेसेन गोनां राव। कालिचरनआ बिजाबखौ फरायना मोथो-मोथो मोनदोंमोन। बे बिजाबाव बेद बेदान्थनि गोथौ बाथ्रानि सार-मर्मखौ सुंदयैनो जिबादि बरनायनानै लिरदों, बेखौ फरायनोब्लानो उँकार त्रवपा मन्थ्रनि रावखौ मोनजोबो। 

एसे गोबाव जायखौ नागिरदोंमोन बेखौनो मोननायबायदि मोननानै लाबाय कालिचरनआ। सैथो धोरोम आरो बाथौ धोरोमजों गोरोबनाय बादि मोनबाय। ब्रह्म धोरोमखौनो बर ‘फोरनि थाखाय मोजां जागोन साननानै कालिचरनआ कलिकाटायाव थांनानै शिवनारायन परमहंसनिफ्राय ब्रह्म धोरोमखौ नाजावदोंमोन।

(घ) कालिचरण ब्रह्मआ बर ‘फोरनि गेजेराव ब्रह्म धोरोमखौ माबादि फोसावदोंमोन लिर।

फिन : कालिचरन ब्रह्मआ कलिकतायाव थांनानै शिबनारायन परमहंसनिफ्राय ब्रह्म धोरोमखौ नाजावो इंराजी 1906 आरो बांला 1312 मायथाइयाव। कलिकतानि फनीन्द्र सेटार्जिखौ पुरहित खालामनानै बैना गुरियाव गाजा गोमजायै आहुटि सावजेनो।

बे बोसोरावनो काजि गामियाव नैथि खेब आहुति होनाय जायो। बेनि उनाव कालिचरनआ दाब-दाब जायगायाव धोरोम फोसावनो हमो। 

गोमबीरखाटा, बंसीजरा, ककराझार आरो गुबुन गुबुन जायगाफोराव कालिचरनआ बे गोदनि धोरोमखौ फोसावहैयो आरो आहुटि सावनानै मानसिफोरनो गोजोननाय होयो। बेल’ नङा आसाम हादरनि गुबुन गुबुन जिलाफोरावबो ब्रह्म धोरोमखौ फोसाव हैयो। धोरोम फोसावनाय समाव गसाइ, बामोनफोरजों गोबां नांलायनाय जादोंमोन। 

नाथाय कालिचरनआ माब्लाबाबो जेनाखैमोन। मानोना बिथाङा बेद, बेदान्त, गीता, बाइबेल, कुराण, उपनिषद बायदि बायदि धोरोम सास्थ्रफोरखौ मोजाङै फरायनानै इश्वोर आरो धोरोमनि गोथौ गियान मोनदोंमोन। बिथांनि गोसो गोथार नांथाब नाजानायावनो आसामनि अनगायैबो सोनाब बंग’ आवबो ब्रह्म धोरोमा लोमसाव हैदोंमोन। गुरुदेब कालिचरन फोसावनाय ब्रह्म धोरोमनि गुबै तत्वहानो जादोंमोन जीबात्मा, परमात्मा एंगारलायनो हायि।

(ङ) माहारि फोसाबनाय हाबायाव कालिचरण ब्रह्मआ मा मा हाबा मावलांदोंमोन फोरमायना लिर।

फिन : गुरुदेब कालिचरनआ धोरोम फोसावनानैल’ ज ‘ना थायाखैमोन। बेजों लोगोसे मेंनाय बानाय गैयाजासे माहारिनि, समाजनि जौगाथायनि थाखाय गोबां गाहाम हाबा मावलांदोंमोन। माहारि सुस्रांनाय, फरायसालि गायसननाय, रांखान्थि आरो राजखान्थि बिथाङाव बर’ माहारिनि थाखाय सानथ्र ‘हायै भान्दारि होलांदोंमोन कालिचरनआ। 

बिथाङा बर ‘फोरनि गेजेराव मोनसे जांख्रिखांनाय लाबोदोंमोन। आसाम हादरनि जनजातिफोरनि थाखाय बिथाङा मोनसे गोदान मुगा लाबोदोंमोन। बेनिखायनो बिथांखौ गुरुदेब होननानै बयबो सिबियो। कालिचरननि नाजानायाव बर’ समाजनि अगेन हुदा-दाउ-अमा फिसिनाय, लेथ्रा-लेथ्रि जानाय हुदाया जोबलांदोंमोन। बिथांनि नाजानायावनो फिसाजो बिलायोब्ला अनजिमा गैयि फन थाखा लाग्राखौ रां 51.00 सिमल’ लाग्रा नेम खालामनाय जादोंमोन। 

गुन्दा लुस्साफोरखौ दबथायनाय जादोंमोन। हिन्जाव बोनाय हुदाया बिथांनि नाजानायावनो जोबना फैदोंमोन। बिथाङा बर ‘फोरनि मोनसे Clarion Call होदोंमोन। बिथांनि लेंहरनायाव फालो-फालो गावनो गोसोजों फैनानै बिथांनि खाथियाव साफिदोंमोन, खोनासंदोंमोन, थोननाय बायदि हाबा मावदोंमोन। बिथां थोननाय बर’ volunteer फोरा फालो फालो ओंखारनानै अमा बुथारदोंमोन, जौ-दो बुख्रुबदोंमोन। मोदाइसालिफोरखौ गाख्रेबहै जोबदोंमोन।

जायगा जायगा फरायसालि गायसननानै गथ ‘फोरखौ स्लुलाव थोनहरग्रा हुदा मानसिफोरनाव जानो हमलांदोंमोन। सिखोन साखोन थानो, जानो लोंनो हुदा जालांदोंमोन। सिखोन-साखोन थानो, जानो-लोंनो हुदा जालांदोंमोन। हाबायाव जौ-बेदर होनाय नेमखौ गारदोंमोन बर ‘फोरा। पुर्निमा, अमाबस्या, बोसोर गोदाननि दिन, महालया आरो माघी पुर्निमा दिनाव रायजोयैनो आहुटि सावनानै संसारनि गाहामनि थाखाय इसोरनाव बोर बिनाय हुदाखौ गुरुदेबआ खालामलांदोंमोन। ब्रह्म धोरोमखौ लानानै सोखोन-सिखोन थानाय, जानाय-लोंनायखौ नुनानै हार्साफोरनि बर ‘फोरखौ मुगैनाया लासैनो खम-जाबोनो हमदोंमोन। लासै लासै लेखा गोरों बांबोनायाव गुबुन हारिनि मानसिफोरा बर ‘फोरखौ मान होनाय जानो हमदोंमोन।

(च) साइमन कमिसननो गोसोखां बिलाइ हैनाय हानजायाव सोर सोर दंमोन?

फिन : साइमन कमिसननो गोसोखां बिलाइ हैनाय हानजाया गासै साद ‘मोन। बिथांमोना जाबाय– (1) गुरुदेब कालिचरण ब्रह्म। (2) सर्दार बाहादुर बेलबुंराम कसारि। (3) जादब खाख्लारी। (4) करेन्द्र मण्डल। (5) बाबुराम ब्रह्म। (6) गियासुददिन आहमेद।

(छ) गुरुदेब कालिचरण ब्रह्मआ बर ‘फोरनि गेजेराव मानो Clarion Call होदोंमोन?

फिन : बै समाव बर ‘फोरा जेरैबो बिथिङवनो गोग्लैसोनानै दंमोन। मालाय हारिजों मुगैजादोंमोन, नासयजादोंमोन आरो आलाय-सिलायै गुबुन हारियाव आरो धोरोमाव बास्लायजोबदोंमोन। गुरुदेब कालिचरन ब्रह्मआ जांख्रिखांनायनि एबा सुथि मोनखांनायनि रादाब होदोंमोन थामहिनबा बर ‘फोरनि गेजेराव मोनसे Clarion Call होदोंमोन। 

बिथांनि लेंहरनायाव फालो फालो गावनो गोसोजों बिथांनि खाथियाव साफिदोंमोन, खोनासंदोंमोन, थोननाय बादि हाबा मावदोंमोन। बिथां थोननाय बर’ volunteer फोरा फालो फालो ओंखारनानै अमा बुथारदोंमोन, जौ-दो बुख्रुबदोंमोन। मोदाइसालिफोरखौ गाख्रेबहैजोबदोंमोन। जायगा जायगा फरायसालि गायसननानै गथ’फोरखौ स्कुलाव थोनहरग्रा हुदा मानसिफोरनाव जानो हमलाङो। साखोन-सिखोन थानो, जानो-लोंनो हुदा जालाङो।

हाबायाव जौ बेदर होनाय नेमखौ गारबोयो। बेफोरखौ गुबुन हारिफोरा नुनानै बर ‘फोरखौ मुगैनाय खम जालाङो आरो लासै लासैनो गोरों जाबोनायाव बर ‘फोरखौ मान होनो हमो।

(ज) गोदान भारत आयेनखौ माब्ला दादोंमोन? बे आयेना जनजातिफोरनो मा मा खाबु होदों?

फिन : 1935 मायथाइयाव साइमन कमिसननि Report खौ लानानै गोदान भारत आयेनखौ दानाय जायो।

बे आयेना जनजातिफोरनि थाखाय Reservation दोननाय जायो। Reservation नि खाबुनि थाखायनो MLA जानो हानाय खाबुखौ मोनो।

सों 4. फिन हो (100 निफ्राय 150 सोदोबनि गेजेराव)

(क) साइमन कमिसननो होनाय गोसोखां बिलाइयाव जनजाति एबा बर ‘फोरनि मा मा दाबिफोर दं फोरमाय।

फिन : साइमन कमिसननो हैनो सुजुनाय गोसोखां बिलाइखौ बर’ एबा जनजातिनि रैखागिरि बुंजायो। बेवहाय लिरदोंमोन माखासे जुक्तिगोनां दाबि। जेरै– (1) Census आव बर ‘फोरनि थख Column (2) Assembly आरो Local Board फोराव जनजातिनि थाखाय Seat Reservation (3) क ‘कराझार नङाब्ला हलतुगामियाव गवालपारा जिल्लानि मोनसे महकुमा दानाय। (4) बर ‘फोरनि गेजेराव गोबां प्राइमारि आरो एम.इ., एम. भि फरायसालि गायसननाय। 

बे समाव ग’वालपारा जिलाखौ बेंगलजों दाजाबनायनि मोनसे गोख्रों दाबि दैखांदोंमोन माखासे सोलो गोनां सैथान मानसिफोरा। गुरुदेबआ बुंदोंमोन बेयो माब्लाबाबो जानो हाया। गवालपारा जिलाया आसामनि। बेयो जेब्लाबो आसामजों थागोन। बेंगलजों दाजाबफानायनि जेबो जुक्टि गैया। बे दाबिफोरखौ गुरुदेबआ गोसोखां बिलाइयाव सोजोब होनायसै।

1919 मायथाइयाव दानाय गर्खा रेजिमेन्टआव नेपाली आरो मेसि एबा बर ‘फोर दंमोन। 3/4 बाहागोआनो बर’ सिफाइमोन। बेनिखायनो गुरुदेबआ दाबि खालामदोंमोन बर’ रेजिमेन्ट खुलिनांगौ होननानै।

(ख) गोग्लैसोना थानाय बर ‘फोरनि गेजेराव कालिचरण ब्रह्मआ माबादि फोसाबनाय लाबोनो नाजादोंमोन?

फिन : कालिचरण ब्रह्मआ बर ‘फोरनि गेजेराव धोरोमारि, समाजारि, रांखान्थियारि, सोलोंथाइयारि बायदि बिथिंफोराव फोसाबनाय लाबोनो नाजादोंमोन।

बर ‘फोरा बै समाव बाथौ फुजा, खेराइ-माराइ, गारजा होनाय, मोदाइ होनायनि मुङै दाउसा, फारौ, अमा, बोरमा हाथारनाय, जौ बाउनाय गाज्रि हुदा सोलिदोंमोन। हाबा हुखायाव गोरिब-दुखिया बयनिबो बेब्लायाव ओंखामनि आखाइ, बेदरनि आलि, जौनि फुख्रि, जाब्लाबो जाथ्र ‘हाया, लोंबाबो लोंथ्र’ हाया खालामनाय, आद्रियै गारनाय हुदाया कालिचरणनि गोसोआव दुखु होदोंमोन। गोन्दो-गोन्दो दाउ अमा फिसिनाय, जौ लोंनाय लेथ्रा लेथ्रि थायो होननानै हारसाफोरा बर ‘फोरखौ मुगैयोमोन। बेफोरखौ नुनानै कालिचरणा दुखु मोनदोंमोन आरो सानहाबदोंमोन। ब्रह्म धोरोमखौ नाजावनानै ब्रह्म धोरोमनि गेजेरजों बर ‘फोरखौ फोसाबनो नाजादोंमोन।

धोरोम फोसावनायनि अनगायैबो माहारि सुस्रांनाय, फरायसालि गायसननाय, रांखान्थि आरो राजखान्थियाव गोबां बिहोमा होलांदों। जायगा जायगा फरायसालि गायसननानै फरायसालियाव फरायनो थांनायनि सर’ खालामना होदोंमोन। सिखोन-साखोन थानो जानो लोंनो हुदा खालामो। हाबा हुखायाव जौ बेदर होनाया जोबो।

फिसाजो बिलायोब्ला अनजिमा गैयै फन थाखा लाग्रा खमायना होयो। संसारनि गाहामनि थाखाय राइजोनाङै आहुति सावग्रा जायो। कालिचरणनि नाजानायाव बिदिनो सिखोन साखोन थानाय जानाय लोंनाय आरो लेखागोरों बांबोनायाव हारसाफोरा बर ‘फोरखौ मान होनो लायो।

(ग) कालिचरण ब्रह्मआ ब्रह्म धोरोम फोसावनायनि अनगायै समाजनि मा मा मोजां खामानि मावलांदों फोरमाय?

फिन : धोरोम फोसावनायनि लोगोसे कालिचरण ब्रह्मआ बर’ समाजखौबो फोसाबलांदोंमोन। बिथांनि नाजानायावनो बर’ समाजनि अगेन हुदा, दाउ-अमा फिसिनाय, लेथ्रा लेथ्रि जानाय हुदाया जोबलांदोंमोन। फिसाजो बिलायब्ला अनजिमा गैयै फन थाखा लाग्राखौ 51 रां सिमल’ लाग्रा नेम खालामनाय जायो। गुन्दा लुस्साइफोरखौ दबथायो।

हिन्जाव बोनाय हुदाया जोबलाङो। बिथां थोननायाव बर’ volunteer फोरा फालो-फालो ओंखारनानै अमा बुथारदोंमोन, जोदौ बुख्रुबदोंमोन। मोदाइसालिफोरखौ गाख्रेब हैजोबदोंमोन। जायगा-जायगा फरायसालि गायसननानै गथ ‘फोरखौ स्कुलाव थोनहरग्रा हुदा मानसिफोरनाव जानो हमदोंमोन।

सिखोन साखोनै थानो जानो लोंनो हुदा गुरुदेबआ फोरोङो। हाबायाव जौ बेदर होनाय नेमखौ गारहोयो। पुर्निमा, अमाबैस्या, बोसोर गोदाननि दिन, महालया, आरो माघो पुर्निमा दिनाव रायजोयै आहुति सावनानै संसारनि गाहामनि थाखाय इसोरनाव बोर बिग्रा खालामलांदों गुरुदेबआ। ब्रह्म धोरोमखौ लानानै साखोन-सिखोन थानाय, जानाय-लोंनायखौ नुनानै हारसाफोरा बर ‘फोरखौ मुगैनाया लासैनो खम जाबोनो हमो आरो मान होनो हमो।

(घ) सर्दार बाहादुर बेलबुंराम कछारीनि सोमोन्दै फरानि हेफाजाब लाना फोरमायना लिर।

फिन : सर्दार बाहादुर बेलबुंराम कछारीया सासे जोबोद साहस आरो गोहो बोलो गोरा सुबादारमोन। बियो बिट्रिसफोरनि जानानै सेथि महासमराव थामहिनबा मुलुग दावहायाव बाहागो लादोंमोन। बे महासमाराव बाहागो लानानै दावहा थांनायनि थाखायनो ब्रिटिस सरकारनिफ्राय Victoria Crass बानथा मोननो हादोंमोन। बियो ब्रिटिस सरकारनि सिङाव खामानि मावदोंमोनब्लाबो गावनि माहारिखौ जोबोद मोजां मोनोमोन। 

कालिचरणा सिलङाव साइमन कमिसननो गोसोखां बिलाइ हैनो थांनायाव बेलबुंराम कसारीया साद ‘नि हानजायाव थांलादोंमोन। कालि चरणमोना साइमन कमिसननि सिगाङाव गोसोखां बिलाइखौ हैनो हायैआव बेलबुंराम कासारियासो गावनि सोलो बाहायनानै कमिसननि सेराव गोसोखां बिलाइखौ हैदोंमोन।

(ङ) कालिचरण ब्रह्मआ बर’ फरायसाफोरनि गेजेराव माबादि थुलुंगाखांनाय हाबा मावलांदों फोरमायना लिर।

फिन : बर’ फरायसा आफाद आरो बर’ सन्मिलन गायसननायाव कालिचरण ब्रह्मनि बिफावा मैखोममोन। बर’ फरायसाफोरनि गेजेराव गुरुदेबा थुलुंगा होनानै आरो खौसेयाव लाबोनानै गिदिर हाबा मावलांदोंमोन। बे समाव रुपनाथ ब्रह्ममोना फरायसामोन। गुरुदेबनि थुलुंगायाव सिगां बर’ फरायसा जथुम्मा खुंनाय जायो। बेनि उनाव गुरुदेब थोननाय लेखा दुलाराय आसाम बर’ फरायसा आफाद गायसननाय जायो। 

बेनि नेहाथारि जादोंमोन मानक ‘सानि सुर्यनारायण ब्रह्म। बर’ सन्मिलन गायसननायनि गुदि मावथियाबो जादों गुरुदेब कालिचरन ब्रह्म। सिगां बर’ जथुम्मा आफादखौ फजदोंमोन भावरागुरियाव। जानोहागौ 1926 मायथाइयाव। बिनिफ्राय रङिया, बिनिफ्राय 1929 मायथाइयाव रौमारीयाव। आफादगिरि जादोंमोन जादब खाख्लारि। बे सन्मिलनावनो फिसाजो बिलायब्ला थामजौ रां लाग्रा नेमखौ बाजिसे रां खालामनाय जादोंमोन। बे सन्मिलनाव गुरुदेब कालिचरन आरो फोरलां बाबाजीनि गेजेराव खाम-जथा-सिफुं लानानै मोसानाय सोमोन्दै राव दानथेलायनाय जायो। उनाव गुरुदेबआ सानफिन हफिन फोरलां बाबाजि जुक्टि होनायखौ गनायनानै बर’नि आंगो हारिमुखौ रैखा खालामनो थाखाय खाम, सिफुं, जथा बायदि दामनाय-देनाय, मोसानाय, मेथाइ खननाय हुदाखौ गारनाङा होननानै गोख्रों थांखि लानाय जायो।

उफेरा सोंथि

सों 1. गाहायाव होनाय सोंथिफोरखौ फंसे सोदोब एबा फंसे बाथ्राजों फिन हो।

(क) कालिचरण ब्रह्मआ माब्ला जोनोम मोनदोंमोन?

फिन : बांला 1267 मायथाइनि (1860 इं) बैसाग दाननि 5 अक्टखालि कालिचरण ब्रह्मआ जोनोम मोनदोंमोन।

(ख) कालिचरण ब्रह्मनि बिफाया मा धोरोम सिबियोमोन?

फिन : कालिचरण ब्रह्मनि बिफाया बाथौ धोरोम सिबियोमोन।

(ग) कालिचरणआ बबेनिफ्राय ब्रह्म धोरोमखौ आजावदोंमोन?

फिन : कालिचरणआ शिवनारायन परमहंसनिफ्राय ब्रह्म धोरोमखौ आजावदोंमोन।

(घ) बर ‘फोरनि गेजेराव सोर Clarion Call होदोंमोन?

फिन : बर ‘फोरनि गेजेराव गुरुदेब कालिचरण ब्रह्मआ Clarion Call होदोंमोन।

(ङ) कालिचरणआ माब्ला साइमन कमिचननो गोसोखां बिलाइ होयो?

फिन : 1929 मायथाइनि 4 जानुवारी खालि बेलासिनि 2-30 रिंगायाव कालिचरनआ होदोंमोन।

(च) सेथि महासमराव Victoria Cross बान्थाखौ सोर मोनदोंमोन?

फिन : सेथि महासमराव Victoria cross बान्थाखौ सर्दारि बाहादुर बेलबुंराम कसारिया मोनदोंमोन।

(छ) कालिचरणनि बिफानि मुङा मा?

फिन : कालिचरणनि बिफानि मुङा खौलाराम मेस।

(ज) कालिचरणनि थाखाय न ‘आव लाखिनाय फोरोंगिरिनि मुङा मा?

फिन : कालिचरणनि थाखाय न ‘आव लाखिनाय फोरोंगिरिनि मुङा बिरनाराम अरफे बीर नारायन मेस।

(झ) कालिचरणआ साहित्य क्रियाखौ माब्ला फरायनो खाबु मोनदोंमोन?

फिन : कालिचरणआ साहित्य क्रियाखौ 1905 इंराजी (बांला 1312) मायथाइयाव फरायनो खाबु मोनदोंमोन।

सों 2. गाहायाव होनाय सोंथिफोरखौ नैजिनिफ्राय थामजि सोदोबनि गेजेराव फिन हो :

(क) कालिचरण ब्रह्मआ माब्ला आरो बबेयाव जोनोम लादोंमोन?

फिन : कालिचरण ब्रह्मआ बांला 1267 मायथाइनि (1860 इं) बैसागो दाननि 5 अक्टखालि अखा नायसि-नायसि गोथार समाव जोनोम जादोंमोन। बिथांनि जोनोम थावनिया जादोंमोन धुबुरी जिलानि सिङाव थानाय टिपकाइनि काजिगामियाव।

(ख) कालिचरण ब्रह्मनि बिमा आरो बिफानि मुङा मा मा?

फिन : कालिचरण ब्रह्मनि बिफानि मुङा खौलाराम मेस आरो बिमानि मुङा रोन्दिनीमोन।

(ग) कालिचरणनि समाव बर ‘फोरा माबादि धोरोम फुजियोमोन?

फिन : कालिचरणनि समाव बर ‘फोरा बाथौ फुजा, खेराय-माराय, गारजा होनानै मोदाइ-होनायनि मुङै दाउसा-फारौ अमा-बोरमा, हाथारनानै, जौ-बाउनानै धोरोम फुजियोमोन। बिब्दि फोरबोफोराव बर ‘फोरा जौ-सेरेप, लोंसोलायनानै दावरावै धोरोम फुजिनायनि हुदा दंमोन।

(घ) ‘साहित्य क्रिया’ आ मा?

फिन : ‘साहित्य क्रिया’आ जाबाय ब्रह्म धोरोमनि गांसे बेसेन गोनां बिजाब। बे बिजाबखौ महिनी महन सट्टपध्याया सुजुना दिहुनदोंमोन। बे बिजाबाव बेद बेदान्थनि गोथौ बाथ्रानि सार-मर्मखौ सुंदयै बिजिरना होनाय दं।

(ङ) कालिचरण ब्रह्मआ बबेयाव आरो सोरनिफ्राय ब्रह्म धोरोमखौ आजावग्रोदोंमोन?

फिन : कालिचरण ब्रह्मआ कालिकातायाव शिवनारायन परमहंसनिफ्राय ब्रह्म धोरोमखौ आजावग्रोदोंमोन। बे समखौ 1906 इंराजी आरो बांला 1312 मायथाइयावनो होननानै हमना लानाय जादों।

(च) कालिचरणआ फिसा बिलायनाय समाव लानाय फोन थाखानि अनजिमाखौ बेसेबां खालामदोंमोन?

फिन : कालिचरणनि समाव फिसा हिनजाव बिलायनाय समाव फोन खथा हिसाबै थामजौ रां लानायनि नेम दंमोन। कालिचरणआ बे फोनखथाखौ उनाव बाजिसे रां (51.00) ल’ खालामना होदोंमोन।

(छ) Bodo Students’ Hostel आ सोरनि नाजानायाव माबोरै जानाय?

फिन : Bodo Students’ Hostel आ गुरुदेब कालिचरणनि नाजानायाव जादोंमोन। बै समाव धुबुरीयाव बर’ फरायसाफोरा गोबां फरायनो थाहैदोंमोन। गुरुदेबआ बर’ फरायसाफोरनि थाखाय साननानै सानैसो गोरों गोराफोरखौ लानानै Bodo Students Hostel खौ गायसनहोदोंमोन।

(ज) बर’ सन्मिलनखौ सोरनि थोननायाव गायसननाय जादोंमोन?

फिन : गुरुदेब कालिचरणनि थोननायाव बर’ सन्मिलनखौ गायसननाय जादोंमोन। बेनि गिबि जथुम्माया भावरागुरियाव 1926 मायथाइयाव जादोंमोन। बेनि उनाव फारियै रङिया आरो रौमारीयाव जादोंमोन। बे रङियायाव जानाय सन्मिलनाव थांखि लानाय समनिफ्रायनो फिसाजो बिलायब्ला थामजौ रां लाग्रा नेमा बाजिसे रां जायो।

सों 3. गाहायनि सोंथिफोरखौ बाजिसो सोदोबनि गेजेराव फिन हो :

(क) कालिचरण ब्रह्मखौ मानो गुरुदेब होनना बुङो?

फिन : कालिचरण-ब्रह्मनि दिनाव धोरोमारि आरो समाजारि बिथिङाव बर’फोरनि गेजेराव माखासे गाज्रि हुदाफोरा सोलिनो हमदोंमोन जायनि थाखाय गुबुन हारिजों बर’ सुबुंफोरा सै-सै खालामजादोंमोन। कालिचरण ब्रह्मआ ब्रह्म धोरोम फोसावनानै बर ‘फोरनि गाज्रि आसार-खान्थि आरो हुदाफोरखौ फोसाबनो नाजादोंमोन। बिनि मावलांनाय हाबाया धोरोम फोसाबनायावल’ जोबथायाखैमोन। 

माहारि सुस्रांनाय, फरायसालि गायसननाय, रांखान्थि आरो राजखान्थियाव बिथाङा बर ‘फोरनो सान्थ्रहायै बिहोमा होलांदोंमोन। बिथाङा बर ‘फोरनि गेजेराव मोनसे जांख्रिखांनाय लाबोदोंमोन। बिथाङा गोदान मुगा लाबोदोंमोन, आसाम हादरनि जनजांतिफोरनि थाखाय। बेनिखायनो बिथांखौ गुरुदेब होननानै बुंनाय जायो आरो सिबिनाय जायो। बिथााङानो धोरोमगुरु, समाज गुरु आरो रांखान्थि गुरु।

(ख) कालिचरण ब्रह्मआ माबोरै ब्रह्म धोरोम आजावदोंमोन?

फिन : बबे धोरोमा बर ‘नि थाखाय साबसिन जागोन बेखौ लानानै कालिचरणआ गोनो-गोथो जादोंमोन आरो साननो हमदोंमोन। बर ‘नि धोरोमनि गालाय-गुजायखौ नुन्नानै बै समाव बर ‘फोरा गुबुन गुबुन धोरोम जेरै ख्रिष्टान, मुसलिम बायदि धोरोमाव बास्लायनो हमदोंमोन आरो खायसेया सरनिया जादोंमोंन। खायसेया दोरोङारि बाथौ धोरोमखौनो गोबानानै थाबाय आरो माखासेफोरा गोनो-गोथो जानानै थाबाय।

कालिचरणआ, सानब्लाबो सानस’ हाया जाबाय। बे समावनो सानसेखालि हरखाब सिलाइ बिख्रि बादायाव सरन मनदल बाबुनि खरसायाव ब्रह्म धोरोमनि बिजाब गांसे ‘साहित्य क्रिया ‘खौ नुसनना फरायसनबाय। बे बिजाब जादोंमोन महिनी महन सट्टपध्याय सुजुनाय स्वामी सिवनारायन परमहंस फोसावनाय ब्रह्म धोरोमनि बेसेन गोनां राव। कालिचरणआ बिजाबखौ फरायना मोथो-मोथो मोनदोंमोन। 

बे बिजाबाव बेद बेदान्थनि गोथौ बाथ्रानि सार-मर्मखौ सुंदयैनो जिबादि बरनायनानै लिरदों, बेखौ फरायनोब्लानो उँकार त्रवपा मन्थ्रनि रावखौ मोनजोबो। एसे गोबाव जायखौ नागिरदोंमोन बेखौनो मोननायबायदि मोननानै लाबाय कालिचरणआ। सैथो धोरोम आरो बाथौ धोरोमजों गोरोबनाय बादि मोनबाय। ब्रह्म धोरोमखौनो बर ‘फोरनि थाखाय मोजां जागोन साननानै कालिचरनआ कलिकाटायाव थांनानै शिवनारायन परमहंसनिफ्राय ब्रह्म धोरोमखौ नाजावदोंमोन।

(ग) कालिचरण ब्रह्मआ बर ‘फोरनि गेजेराव ब्रह्म धोरोमखौ माबोरै फोसावदोंमोन?

फिन : कालिचरण ब्रह्मआ कलिकतायाव थांनानै शिबनारायन परमहंसनिफ्राय ब्रह्म धोरोमखौ नाजावो इंराजी 1906 आरो बांलो 1312 मायथाइयाव। कलिकतानि फनीन्द्र सेटार्जिखौ पुरहित खालामनानै बैना गुरियाव गाजा गोमजायै आहुटि सावजेनो।

बे बोसोरावनो काजि गामियाव नैथि खेब आहुति होनाय जायो। बेनि उनाव कालिचरणआ दाब-दाब जायगायाव धोरोम फोसावनो हमो। गोमबीरखाटा, बंसीजरा, ककराझार आरो गुबुन गुबुन जायगाफोराव कालिचरणआ बे गोदनि धोरोमखौ फोसावहैयो आरो आहुटि सावनानै मानसिफोरनो गोजोननाय होयो। 

बेल’ नङा आसाम हादरनि गुबुन गुबुन जिलाफोरावबो ब्रह्म धोरोमखौ फोसाव हैयो। धोरोम फोसावनाय समाव गसाइ, बामोनफोरजों गोबां नांलायनाय जादोंमोन। नाथाय कालिचरनआ माब्लाबाबो जेनाखैमोन। मानोना बिथाङा बेद, बेदान्त, गीता, बाइबेल, कराण, उपनिषद बायदि बायदि धोरोम सास्थ्रफोरखौ मोजाङै फरायनानै इश्वोर आरो धोरोमनि गोथौ गियान मोनदोंमोन। बिथांनि गोसो गोथार नांथाब नाजानायावनो आसामनि अनगायैबो सोनाब बंग’आवबो ब्रह्म धोरोमा लोमसाव हैदोंमोन। गुरुदेब कालिचरण फोसावनाय ब्रह्म धोरोमनि गुबै तत्वहानो जादोंमोन जीबात्मा, परमात्मा एंगारलायनो हायि।

(घ) माहारि फोसाबनाय हाबायाव कालिचरणआ मा मा हाबा मावदोंमोन?

फिन : गुरुदेब कालिचरणआ धोरोम फोसावनानैल’ ज’ना थायाखैमोन। बेजों लोगोसे मेंनाय बानाय गैयाजासे माहारिनि, समाजनि जौगाथायनि थाखाय गोबां गाहाम हाबा मावलांदोंमोन। माहारि सुस्रांनाय, फरायसालि गायसननाय, रांखान्थि आरो राजखान्थि बिथिङाव बर’ माहारिनि थाखाय सानथ्र ‘हायै भान्दारि होलांदोंमोन कालिचरणआ। बिथाङा बर ‘फोरनि गेजेराव मोनसे जांख्रिखांनाय लाबोदोंमोन। आसाम हादरनि जनजातिफोरनि थाखाय बिथाङा मोनसे गोदान मुगा लाबोदोंमोन। बेनिखायनो बिथांखौ गुरुदेब होननानै बयबो सिबियो। 

कालिचरणनि नाजानायाव बर’ समाजनि अगेन हुदा-दाउ-अमा फिसिनाय, लेथ्रा-लेथ्रि जानाय हुदाया जोबलांदोंमोन। बिथांनि नाजानायावनो फिसाजो बिलायोब्ला अनजिमा गैयि फन थाखा लाग्राखौ रां 51.00 सिमल’ लाग्रा नेम खालामनाय जादोंमोन। गुन्दा लुस्साफोरखौ दबथायनाय जादोंमोन।

हिन्जाव बोनाय हुदाया बिथांनि नाजानायावनो जोबना फैदोंमोन। बिथाङा बर ‘फोरनि मोनसे Clarion Call होदोंमोन। बिथांनि लेंहरनायाव फालो-फालो गावनो गोसोजों फैनानै बिथांनि खाथियाव साफिदोंमोन, खोनासंदोंमोन,थोननाय बायदि हाबा मावदोंमोन। बिथां थोननाय बर’ volunteer फोरा फालो फालो ओंखारनानै अमा बुथारदोंमोन, जौ-दो बुख्रुबदोंमोन। मोदाइसालिफोरखौ गाख्रेबहैजोबदोंमोन। जायगा जायगा फरायसालि गायसननानै गथ ‘फोरखौ स्लुलाव थोनहरग्रा हुदा मानसिफोरनाव जानो हमलांदोंमोन। 

सिखोन साखोन थानो, जानो लोंनो हुदा जालांदोंमोन। सिखोन-साखोन थानो, जानो-लोंनो हुदा जालांदोंमोन। हाबायाव जौ-बेदर होनाय नेमखौ गारदोंमोन बर ‘फोरा। पुर्निमा, अमाबस्या, बोसोर गोदाननि दिन, महालया आरो माघी पुर्निमा दिनाव रायजोयैनो आहुटि सावनानै संसारनि गाहामनि थाखाय इसोरनाव बोर बिनाय हुदाखौ गुरुदेबआ खालामलांदोंमोन। ब्रह्म धोरोमखौ लानानै साखोन-सिखोन थानाय, जानाय-लोंनायखौ नुनानै हार्साफोरनि बर ‘फोरखौ मुगैनाया लासैनो खम-जाबोनो हमदोंमोन। लासै लासै लेखा गोरों बांबोनायाव गुबुन हारिनि मानसिफोरा बर ‘फोरखौ मान होनाय जानो हमदोंमोन।

(ङ) साइमन कमिसननो गोसोखां बिलाइ हैनाय हान्जायाव सोर सोर थांफादोंमोन? 

फिन : साइमन कमिसननो गोसोखां बिलाइ होनो थाखाय साद’नि मोनसे हानजाया सिलङाव थांदोंमोन। बेयो जादोंमोन 1929 मायथाइनि 4 जानुवारी गोसोखां बिलाइ होनाय समा 2-30 रिंगायावमोन। बे साद’नि हान्जायाव दंमोन–(1) गुरुदेब कालिचरन ब्रह्म। (2) सर्दारि बाहादुर बेलबुंराम कसारि। (3) जादब खाखलारी (4) करेन्द्र मण्डल। (5) बाबुराम ब्रह्म। (6) गियासुददिन आहमेद।

(च) साइमन कमिसननो हैनो सुजुनाय गोसोखां बिलाइयाव बर ‘फोरनि मा मा दाबिफोर दंमोन?

फिन : साइमन कमिसननो हैनो सुजुनाय गोसोखां बिलाइखौ बर’ एबा जनजातिनि रैखागिरि बुंजायो। बेवहाय लिरदोंमोन माखासे जुक्तिगोनां दाबि। जेरै– (1) Census आव बर ‘फोरनि थख Column (2) Assembly आरो Local Board फोराव जनजातिनि थाखाय Seat Reservation (3) क ‘कराझार नङाब्ला हलतुगामियाव गवालपारा जिल्लानि मोनसे महकुमा दानाय (6) बर ‘फोरनि गेजेराव गोबां प्राइमारि आरो एम.इ., एम. भि फरांयसालि गायसननाय। बे समाव ग’वालपारा जिलाखौ बेंगलजों दाजाबनायनि मोनसे गोख्रों दाबि दैखांदोंमोन माखासे सोलो गोनां सैथान मानसिफोरा। गुरुदेबआ बुंदोंमोन बेयो माब्लाबाबो जानो हाया। 

गवालपारा जिलाया आसामनि। बेयो जेब्लाबो आसामजों थागोन। बेंगलजों दाजाबफानायनि जेबो जुक्टि गैया। बे दाबिफोरखौ गुरुदेबआ गोसोखां बिलाइयाव सोजोब होनायसै। 1919 मायथाइयाव दानाय गर्खा रेजिमेन्टआव नेपाली आरो मेसि एबा बर’फोर दंमोन। 3/4 बाहागोआनो बर’ सिफाइमोन। बेनिखायनो गुरुदेबआ दाबि खालामदोंमोन बर’ रेजिमेन्ट खुलिनांगौ होननानै।

(छ) गुरुदेब कालिचरण ब्रह्मआ बर ‘फोरनि गेजेराव मानो Clarion call होदोंमोन?

फिन : बै समाव बर ‘फोरा जेरैबो बिथिङावनो गोग्लैसोनानै दंमोन। मालाय हारिजों मुगैजादोंमोन, नासयजादोंमोन आरो आलाय-सिलायै गुबुन हारियाव आरो धोरोमाव बास्लायजोबदोंमोन। गुरुदेब कालिचरण ब्रह्मआ जांख्रिखांनायनि एबा सुथि मोनखांनायनि रादाब होदोंमोन थामहिनबा बर ‘फोरनि गेजेराव मोनसे Clarion Call होदोंमोन। बिथांनि लेंहरनायाव फालो फालो गावनो गोसोजों बिथांनि खाथियाव साफिदोंमोन, खोनासंदोंमोन, थोननाय बादि हाबा मावदोंमोन। बिथां थोननाय बर’ volunteer फोरा फालो फालो ओंखारनानै अमा बुथारदोंमोन, जौ-दो बुख्रुबदोंमोन। 

मोदाइसालिफोरखौ गाख्रेबहैजोबदोंमोन। जायगा जायगा फरायसालि गायसननानै गथ ‘फोरखौ स्कुलाव थोनहरग्रा हुदा मानसिफोरनाव जानो हमलाङो। साखोन-सिखोन थानो, जानो-लोंनो हुदा जालाङो। हाबायाव जौ बेदर होनाय नेमखौ गारबोयो। बेफोरखौ गुबुन हारिफोरा नुनानै बर’फोरखौ मुगैनाय खम जालाङो आरो लासै लासैनो गोरों जाबोनायाव बर ‘फोरखौ मान होनो हमो।

Leave a Reply